يوم الأحد 1/2/2009 موعد العملية و البعثة

[البراء]

السلام عليكم

باذن الله والله يتمم على خير موعد عمليتي يوم الأحد 1/2/2009 م في مستشفى الحرس في الخبر , النفسية مرتاحة الحمد لله , في شوي خوف وقلق طبيعي لكن السمنة شر و لابد من العملية .

المشكلة عندي سفر لأستراليا بعد 7 شهور من الآن بعثة ماجستير , أنا استشرت الدكتور و قال ما في مشكلة تسافر اذا كان كل شيء تمام أو تؤجل سفرك , و ان شاء الله بعد 6 شهور من العملية اذا ربي أحيانا يقرر الدكتور .


حبيت أشارككم في هذا المنتدى الجميل لأن الجو أخوي جدا و حميم و أخص بو ناصر و ريم .




شكرا للجميع و لا تحرمونا من دعواتكم

[hayyan-d]

لا تخاف اخوي ما على قلبك الا الخير
وانشالله بعد 6 شهور راح تكون عال العال باذن الله

[زوووف]

ماعليك الا العافية وربي يتمم لك بالخير يارب

وباذن الله بعد ست شهور من الان بتكون نزلت كيلوات مهب بسيطه

وتروح لاستراليا وتلبس البالطو وانت رشيق هههههه

الله يوفقك ويسهل امورك ولا تنسى الدعاء ثم الدعاء ثم الدعاء

[المثابر]

ما قدامك الا العافية

بعد ستة شهور ان شاء الله تقول كنت دبي

[ريم]

لا تشيل هم ولا تحاتي كثير انشالله كلها اقل من 4 شهور وتكون حالتك مستقرة وتشوف الامور طبيعية جدا

الله يسهلها لك وتقوم بالسلامة

[نور الدنيا]

الله يسهل عليك يارب

ومايكون فيه اي مشاكل وتسافر وانت مرتاح و الله يووفقك ان شاء الله

[شخصية مستهدفه]

هلا اخوي البراء
الله يتمم لك على خير
وما قدامك الا العافيه ان شاء الله
وتصبح عن قريب من السكبناريين النشيطين بالمنتدى

[البراء]

شكرا لردودكم

انا وزني 160 ك عمري 28 سنة , لكنني ترددت جدا ماهو خوف من العملية ولكن ليش ألعب في جسمي , يعني هل للدرجة هاذي ما عندي ارادة أسوي رياضة و أعمل رجيم مع العلم اني أقدر أمشي و العب طائرة و كورة يعني لياقتي مقبولة و لا عندي أمراض و لاسكر و لله الحمد و المنة , استخرت و مع الاستخارة حسيت ان ارادتي جدا ضعيفة و ان الحياة أشغلتني عن الاهتمام بصحتي و اني ممكن أبدأ صفحة جديدة مع جسمي قبل العملية و اللي ممكن يساعدني اني مسافر استراليا 3 سنوات يعني الجو والحياة و الروتين أكيد بيتغير و أقدر أنزل وزني على مهلي حتى لو بعد سنتين .

الله يكتب اللي فيه الخير , أنا عارف ما هو وقت التردد و لكن والله ما هو خوف قدر ما هو اني صحيت على نفسي و تذكرت اني ياما أهملت في صحتي و جسمي و الى الآن الله سبحانه وتعالى يلطف فيني و يحميني عن الأمراض و هذا فعلا درس لي أحس اني واحد ثاني أقد أغير عاداتي السيئة .

السؤال هل هو فعلا خوف و الا فعلا صحيت وارادتي صارت حديد و من بكرة بشترك في نادي و أبدأ صفحة جديدة .



سامحوني طولت عليكم بس حرة في قلبي



أخوكم البراء

[سحابة ليل]

وعليكم السلام
بالتوفيق بإذن الله ماعليك الا العافيه
الله يسهل امرك
ويكتب لك اللي فيه الخير
يارب

[الأوسكار]

ماعليه تقدر تروح وتجي بمزاجك انا بعد العمليه 3اسابيع وبروح وبجي على المواعيد ان شاءالله
وحتى الان مامنعني الدكتور من السفر اوغيره

[البراء]

هلا شباب
أنا في المستشفى بكرة ان شاء الله العملية الساعة 8 و سويت كل التحاليل لكن محد قال عن منظف الأمعاء طعمه مقرف جدا


و الحل

[عسل77]

اهلين اخوي

انا عملية اختي معك بكره وهي الان بالمستشفى

الله يقومكم بالسلامه انتم الاثنين

بس من الاول فيكم بالعمليه انت والا هي :-)

[نور الدنيا]

الله يقومكم بالسلامه ان شاء الله

اخوي وشو منظف الامعاء اول مره اسمع فيه ؟؟؟؟؟؟؟؟؟

[عسل77]

نور الدنيا هذا محلول يمشي البطن

عشان يفضى من الاكل قبل العمليه

بس من جد طعمته مره بايخه وكميه كبيره بعد

لاعت كبدي وانا اشرربه بس كل هذا عشان خاطر الرشاقه ههههههه

[البراء]

سلام
شكلي أنا أول واحد في العمليات قالوا لي الساعة 8 الصباح , الله يتمم على خير

من جد مقرف حق تنظيف المعدة .




دعواتكم

[عسل77]

كلمت اختي اسالها تقول لا انا الاول ههههههههههه

لاتهاوشون مو طابور مدرسه

والله يقومكم بالسلامه

من جد خايفه على اختي بس الله يستر وش نقووول

[نور الدنيا]

اهااااااا

الله يسهل عليكم يااارب وتقوومون بالسلامة

[Mohammed.R]

الله يسهل عليكم جميعا

نستودعكم الله التي لا تضيع ودائعه

[عسل77]

ابشركم اختي قامت بالسلامه وهي بحاله جيده

وسالتها عن البراء تقول بعد عمليته تمام التمام

الحمد لله على سلامتهم

[نور الدنيا]

الحمدلله على سلالالالالالالالالالالالالامتهم

الله يتمم عليهم الصحه والعافيه

[انسانة]

انا اليوم كنت في المستشفى اسوي التحاليل قبل الموعد وكنت ابي ازور أختك يا عسل واطمن على البراء لكن امي ما رضت تقول انتي تعرفين انهم تعبانين ولاهم رايقين زيارات لكن دعيت لهم الله يسهل لهم ويطلعون بدري من المستشفى وهم بخير
والله كان قلبي معاهم طوال الوقت الله يتمم عليهم ويفرحون بنزول الوزن انشاالله يارب

[البراء]

سلام
أبشركم كل شيء تمام الحمدلله بس شوية تعب

[نور الدنيا]

الحمدلله على سلامتك و ان شاء الله تطلع من المستشفى وانت بخيير وعافيه

تعب كم يوم بعدين كل شي تمام باذن الله

[عسل77]

انسانه حرام عليك كان جيتي انا كنت مسنتره عند اختي ازورها كان شفناك

يالله عاد خيرها بغيرها ..

اخوي البراء والله التعب يهوون لو تفكر في الرشاقه :022:

وتطلع من المستشفى وانت بصحه وعافيه يارب

يوم الاربعاء انشاء الله تطلعون وانا بعد اشيل الي في بطني ههههههه

[نور الدنيا]

يوم الاربعاء انشاء الله تطلعون وانا بعد اشيل الي في بطني ههههههه



<-- داخله عررررررررررررررررض :p

تشيلين شنو من بطنك ؟؟؟؟؟؟؟؟؟

[Mohammed.R]

الحمد لله على السلامة و اهلا بكم في الرابطة

[ريم]

حمدلله على سلامتهم وانشالله يقومون بالسلامة التعب فترة وتعدي انشالله كلنا مرينا فيه لكن كل شي له ضريبة هذي شحوم من سنين تحملناها مارح نتحمل كم يوم تعب بسيط

[انسانة]

لا تخافين عسل ما تعور لما يشيلونها ولا شي
والله كان ودي اجيكم لكن امي ما رضت اهم شي تطمنا على اختك
ويالبراء كلها اسبوع بالكثير وانت عال العال وتراكض زي الحصان لا تشيل هم

[البراء]

سلام
المفروض أطلع من أمس الأربعاء لكن الدرين ما هو راضي يوقف و يقول الدكتور احسن تجلس للجمعة عشان نتطمن عليك
مرة حالتي النفسية سيئة تعبت من المستشفى مع ان زوجتي مرة مهي مقصرة بس خلاص الواحد ضاق خلقه
الله يسهل

[انسانة]

انشاء الله طلعتوا طمنونا

[قمرية مكة]

يا البراء لا تتردد وأعمل العملية تراها سهلة وماهي بالصعوبة إلي إنت متصورها ،

وكلها أيام قلائل وتكون زي الفل بإذن الله تعالى .

[البراء]

سلام
الحمدلله كتبوا خروج قبل شوي


الله يسهل

[ريم]

حمدلله على سلامتك يالسكوبي الجديد :d

[عسل77]

:olala:

حمد لله على السلامه والحين عدييت اصعب فتره

وطمنا عنك دايم لاتقطعنا

[البراء]

مدري ليش أحس ودي أخنقك يالسكوووووووبييييية ,,,,,,, أمزح معاكي

الحمد لله على كل حااااال و الحمدلله الله قومني بالسلامة , بكرة ان شاء الله عند موعد مع الدكتور أفك الجرح و مع الدايتشين , و راااجع للريااااض و الله لها وحشة الرياض و خاااصة الوالدة , الله يسهل تجربة كانت مرة كبيرة بحلوها و بمرها



أشكر كل من سأل عني و اهتم فيني و الحمدلله على سلامة الكل و الله لا يوريهم مكرووووه .





شكرا لكم و ان شاء الله نتواصل

[انسانة]

نبي اخبارك طمنا عليك يالبراء

[البراء]

السلام عليكم ورحمة الله وبركاته
و الله لكم وحشة , من زمان عنكم , انا اليوم كملت شهرين و9 ايام و نزل وزني 18 كيلو بسسسسسسسس , و بدون رياضة و بالنسبة للأكل أنواع الأكل عادي حتى أمس شربت بيبسي :wave(1):
شكله لابد من الرياضة من يوم السبت , و أحس ان شهيتي للأكل صارت أكثر من اول وش الحل ؟؟؟

أشكركم كلكم على سؤالكم عني و يعطيك العافية انسانة ما قصرتي .

[Mohammed.R]

هلا بك اخوي البراء

كلامك صحيح لا بد من الرياضة شد حيلك و خلك ويانا في المنتدى علشان نحمس بعض المشوار طويل و العملية هي البداية ,

دمت بود و اوصلك الله للوزن المثالي وانت بصحة وسلامة