هيون وشفط الدهون (التجربة من الالف الى الياء بكم ومعكم)

[هيون]

مراحب يا اهل الله ياللي هنا
بصراحة عجبني تفاعل الاعضاء بهالمنتدى وتفانيهم في النصيحة للجميع
لذلك قلت اشارككم برحلتي في عملية الشد والشفط من بدايتها لنهايتها
ولكم الدعاء الخالص في السر قبل العلن

وزني حاليا 76 وطولي 158
ما اجريت عمليات تحوير واللزي منو ، لكن وزني زاد بسبب الحمل والولادة
واللي بدورهم سببوا ترهلات في منطقة البطن ،، قررت اني اعمل شفط وشد لمنطقة البطن بعد محاولات عديدة لانزال وزني اكثر من هالوزن
لكن ثبت على هالوزن

الاسبوع الماضي رحت للدكتور جمال جمعة وقال لي عمليتك بسيطة
تحتاجين شفط البطن وشوية من الظهر وراح احدد لك الخصر
ولما قلت له ان نسبة الهيموقلوبين عندي 10 بس قال ما في مشكلة اعمل لك العملية بهالنسبة
انا خفت يكون هدفه مادي !! لأني استشرت طبيب في مصر عن هالعملية قال يكون نسبة دمك 14

عملت عنده تحاليل شاملة ، وكلمت السكرتيرة اتطمن قالت لي نتايجك اوكي
ونسبة دمك 11 ونص << لأني كنت آخذ حبوب حديد تحسبا لاجراء هالعملية

عطتني موعد مع الدكتور السبت (بكرة) عشان نتفق على بقية الترتيبات
موعد العملية ، وخطواتها وكل هالامور

السؤال :
1- نسبة الهيموقلوبين 11ونص هل هي مناسبة لاجراء مثل هالعملية؟
2- وش رايكم في شغل د.جمال جمعة في الشفط والشد ( شد عضلات وشفط دهون وقص الجلد الزايد ،وآثار الخياطة ،والمتابعة بعد العملية ...الخ)
3- سعر شفط وشد البطن قال تقريبا 18 الف والظهر 7 آلاف والمستشفى تقريبا 5 او 6 آلاف ، هل هي اسعار مناسبة؟
4- اي انسب مستشفى لاجراء العملية : الركز التخصصي الطبي او مستشفى المملكة؟ لأنها هي اللي يتعامل معها

5- تنصحوني بدكتور اضمن منه ؟؟ لأني كثير قريت مدحكم للدكتور ايمن حلمي وبديت اتردد :(

بليييييييييز منتظرة تفاعلكم معي
جنات ورد لكم كللللكم

[..نجد..]

والله مادري
ان شاء الله البنات يردون عليك ونستفيد كلنا منهم

والله يحييك معنا :)

[تقة]

موفقة بإذن الله ... لك مني أجمل تحية .

[زوووف]

الله يوفقك ياارب


للحين ما بديت بخطواتي القادمه للشد


بس اسمع بايمن حلمي وشاهدت له مقابلات كثيره ..



انتي سوي عنه بحث وشوفي عدد عملياته ...


حاولي بهالوقت تنزلين اكثر بوزنك

الله يكتب لك الخير

[شخصية مستهدفه]

هلا اختي الله يبارك لك في كل خطوه

حبيبتي حاولي تنزلي كم كيلو عشان الخياطات ما يسير فيها ندبات بسبب الدهون اللي تحت الجلد

اما بالنسبة للدكاترة ان شاء الله يفيدوك البنات

[المنال]

سمعت له مدح وشفتله مقابله وانشاء الله ما قدامك الا الخير
الاسعار تعتبر مناسبه اذا قارنتها باسعار ايمن لانه سوالى الظهر والبطن ب40 شغل يده بس يستاهل مدام ارضتنى النتيجه
مركز التخصصى الطبى انا سويت عمليه الشد فيه كانت عنايتهم كويسه بس كان الدكتور ايمن كل شوى يكلم السسترات ماادرى امكن هذا السبب او هم كذا عنايتهم
انا اشهد لايمن حلمى فى شد البطن والظهر اما غيره انشاء الله قريب تقرون تجربتى معاه

[المنال]

على فكره ايمن ما رضى يسويلى العمليه الين وصل الدم 13 وعليها مارضى يوم كان 11

[هيون]

والله مادري
ان شاء الله البنات يردون عليك ونستفيد كلنا منهم
والله يحييك معنا :)

شاكرة مرورك العذب
(وردة)

[هيون]

موفقة بإذن الله ... لك مني أجمل تحية .

دعواتك :)
شاكرة لك جميل المرور والشرطة
اعذب التحايا

[هيون]

الله يوفقك ياارب
للحين ما بديت بخطواتي القادمه للشد
بس اسمع بايمن حلمي وشاهدت له مقابلات كثيره ..
انتي سوي عنه بحث وشوفي عدد عملياته ...
حاولي بهالوقت تنزلين اكثر بوزنك
الله يكتب لك الخير
ربي ييسر لك امورك

عملت بحث عن د. جمال في النت وللاسف ما لقيت تجارب لاحد معه
ومثل ما قلتي : صار لي فترة امشي على نظام غذائي عشان ينزل وزني اكثر

الف شكر على النصيحة والمرور العطر

[هيون]

هلا اختي الله يبارك لك في كل خطوه
حبيبتي حاولي تنزلي كم كيلو عشان الخياطات ما يسير فيها ندبات بسبب الدهون اللي تحت الجلد اما بالنسبة للدكاترة ان شاء الله يفيدوك البنات
هلا بك يا غالية
المحاولات ما زالت مستمرة .. لكن تخبرين برد الشتا .. والجوع :gcake:
شاكرة لك طيب المرور

[هيون]

سمعت له مدح وشفتله مقابله وانشاء الله ما قدامك الا الخير
الاسعار تعتبر مناسبه اذا قارنتها باسعار ايمن لانه سوالى الظهر والبطن ب40 شغل يده بس يستاهل مدام ارضتنى النتيجه
مركز التخصصى الطبى انا سويت عمليه الشد فيه كانت عنايتهم كويسه بس كان الدكتور ايمن كل شوى يكلم السسترات ماادرى امكن هذا السبب او هم كذا عنايتهم
انا اشهد لايمن حلمى فى شد البطن والظهر اما غيره انشاء الله قريب تقرون تجربتى معاه

هلابك منو ..واخيرا التقينا فيس تو فيس :olala:
اول شي احيي فيك انسانيتك .. وكرمك في النصيحة << متابعة موضوعك وحافظته عندي في المفضله :) وكلامك اعتبره داعم كبير واساسي في اجرائي لهالعملية رغم ان اهلي وزوجي مو راضين تماما عليها :bgs11:

اجل تنصحيني اكمل مشواري مع د.جمال ، وفي المركز التخصصي اعمل العملية !
خلينا نشوف وش يصير في موعد بكرة .. واعلمك

تدرين حاولت القى هاليومين موعد عند د. ايمن بس ما حصلت قبل 18 يناير
بنتظر استشارته ، واقارن بين الدكتورين، ومع الاستخارة واستشارتكم اكيد ما راح اندم
بساتين ورود لك يا عروسه
ربي ييسر الامر

[هيون]

على فكره ايمن ما رضى يسويلى العمليه الين وصل الدم 13 وعليها مارضى يوم كان 11

( فيس ينزل دموع اربع اربع)
وهذا خوفي :( لما قال لي عادي اعمل للي نسبتهم 10

تدرين يا منو من شهرين كان نسبة الهيموجلوبين 10
وجلست آخذ حبوب الحديد ، مع الزبيب الاسود اليمني لين وصلت لـ 11 ونص

انا مو مقتنعة اني اعمل العملية بهالنسبة ، لاني راح افقد كثير اثناء العملية

يا ليت اعرف وش كنت تاخذين ( ادوية أو نظام تغذية..) حتى وصلت لنسبة الدم المطلوبة

وعلى طاري النسب ، هو قال اقدر اشفط 10 كيلو ، وبأمان !!!!!!!!وانت تحتاجين تقريبا 7 كيلو ( 3 من الظهر ، و4 من الخصر والبطن)
لكن اللي قريته ان الكمية الآمنة هي 5 لتر

ما ادري كم النسبة الآمنة للشفط حسب خبرتك؟؟
وهل يمكن شفط الدهون من منطقة الافخاذ بنفس العملية ؟؟

أصدق الدعوات .. واطيب التحايا

[المنال]

تسلمين حبيبتى......
اما الدكتور جمال قد شفته فى التلفزيون واكيد انه زين بس ما احكم عليه
ما ودى امدح ايمن اكثر اخاف احد يسوى عنده وما تعجبه النتيجه ويقول السبب منو
التخصصى فى العنايه تمام بس اكلهم مو حلو لانه دايت بس نفس المستشفى تمام
الحبوب الى كنت استعملها
(فيروز) واستعملتها لمده شهر لين وصل13
اما الشفط انا سمعت د-ايمن يقول 7ليتر يكون فى امن اما اذا زادت يعتبر تجاوز من الطبيب وممكن توصل 10 لتر مو كيلو امكن انتى غلطانه اكيد قلك ليتر مو كيلو
اما الفخوذ ما عندى خلفيه الدكتور ادرى بها النقطه
وربى ما تتخيلين قد ايش مسويتلى قلق سيره عمليات الشد حتى نومى مقطع من ها الموضوع

[هيون]

تسلمين حبيبتى......
اما الدكتور جمال قد شفته فى التلفزيون واكيد انه زين بس ما احكم عليه
ما ودى امدح ايمن اكثر اخاف احد يسوى عنده وما تعجبه النتيجه ويقول السبب منو
التخصصى فى العنايه تمام بس اكلهم مو حلو لانه دايت بس نفس المستشفى تمام
الحبوب الى كنت استعملها
(فيروز) واستعملتها لمده شهر لين وصل13
اما الشفط انا سمعت د-ايمن يقول 7ليتر يكون فى امن اما اذا زادت يعتبر تجاوز من الطبيب وممكن توصل 10 لتر مو كيلو امكن انتى غلطانه اكيد قلك ليتر مو كيلو
اما الفخوذ ما عندى خلفيه الدكتور ادرى بها النقطه
وربى ما تتخيلين قد ايش مسويتلى قلق سيره عمليات الشد حتى نومى مقطع من ها الموضوع

اهم شي في المستشفى دكاترة التخدير كويسين ؟؟ ما تذكرين وش اسم دكتورك ؟؟

حبوب (فيروز) كنت آخذها وانا حامل ، الحين استخدم (فيروفت)، الظاهر برجع استعملها يمكن نتيجتها احسن

بالنسبة لكمية الشفط قال لي ((كيلو))واستغربت .. لأن اللي اعرفه انهم يحسبون الكمية باللترات
لكن رد علي وقال الكيلو عندنا يساوي اللتر <<:donublush:

سلامتك يا منو من القلق ..ما تشوفين شر وربي يشرح صدرك
انا مثلك هاليومين .. كثير افكر بالعملية وسببت لي ارق ..ونومي متقطع بسبب كثرة التفكير فيها

ربي ييسر لي ولك كل امورنا يارب

يامال الثانكيو على هالتفاعل الرايق

[بسمة حياتي]

حبيبتي هيام جمال جمعه سمعته حلوه مثل ايمن حلمي بس للحق انا ما شفت شغلهم بعيني
منو ليش بتغيرين الدكتور وانت عاجبك شغله؟؟؟؟هل عشان الناحيه الماديه؟اذا لا فانا ما انصحك تغيرينه لان اختلاف المنطقه في الجسم ليست المقياس وانما المقياس خفه يد الدكتور ونظافته في الشغل ودقته ثم متابعته بعد العمليه والمهاره موهبه والشغل واحد ترى كله قطع وشداتمنى التوفيق للجميع

[ام لينا]

الدكتور اسمع عنه انه كويس سره مناسب بس انتظري شهر عشان الدم افضل عالجي فقر الدم اولا
وبالتوفيق
بس قبل الرجيمات كم كان وزنك

[المنال]

حبيبتي هيام جمال جمعه سمعته حلوه مثل ايمن حلمي بس للحق انا ما شفت شغلهم بعيني
منو ليش بتغيرين الدكتور وانت عاجبك شغله؟؟؟؟هل عشان الناحيه الماديه؟اذا لا فانا ما انصحك تغيرينه لان اختلاف المنطقه في الجسم ليست المقياس وانما المقياس خفه يد الدكتور ونظافته في الشغل ودقته ثم متابعته بعد العمليه والمهاره موهبه والشغل واحد ترى كله قطع وشداتمنى التوفيق للجميع
انا عاجبنى شغله بلمره بس ودى اغيره كذا ههههههههههههه
اما الماده انا ما عندى اشكاليه لو ايش تكون
اما المهاره فدكتور ايمن فيه نظافه الجرح

[ام لينا]

جمال جمعه وين عيادته؟

[المنال]

اهم شي في المستشفى دكاترة التخدير كويسين ؟؟ ما تذكرين وش اسم دكتورك ؟؟

حبوب (فيروز) كنت آخذها وانا حامل ، الحين استخدم (فيروفت)، الظاهر برجع استعملها يمكن نتيجتها احسن

بالنسبة لكمية الشفط قال لي ((كيلو))واستغربت .. لأن اللي اعرفه انهم يحسبون الكمية باللترات
لكن رد علي وقال الكيلو عندنا يساوي اللتر <<:donublush:

سلامتك يا منو من القلق ..ما تشوفين شر وربي يشرح صدرك
انا مثلك هاليومين .. كثير افكر بالعملية وسببت لي ارق ..ونومي متقطع بسبب كثرة التفكير فيها

ربي ييسر لي ولك كل امورنا يارب

يامال الثانكيو على هالتفاعل الرايق
شوفى حبيبتى دكتور التخدير الى رحتله قبل العمليه بسبوع مو نفسه الى يوم العمليه ومنى عارفه اسم ولا واحد منهم
اما الليتر هو كيلو تقريبا بس الشفط لابد يقيسوه بلتر لانه سوائل

[متفائله]

ماشاء الله ردت عليك منو .. وهي خبره وماتقصر بالنصح والتوجيه بارك الله فيها..
وما راح أزيد على ردها ورد البقيـه ماقصروا ..
ودعواتي لك بالتوفيق والسداد والله يكتب لك إللي فيه خير..
أستخيري ووكلي أمرك لله , لاتخافين ولا تترددين ..
خذي حبوب الدم ,, أختاري الطبيب الكويس ,, ضبطي أمورك ,, ووتوكلي ع الله ..
وعقبال ما نبارك بسلامتك حبيبتي ..
وعقبالي إن شاء الله , :o

[بئر الأسرار]

بس يا قلبي مسألة الدم والله تقلق لانه انتي في العمليه رح تخسري دم
حاولي انك تستمري في اخذ حبوب الحديد الى موعد عمليتك
والله يكتبلك اللي فيه الخير
تحياتي لكِ

[هيون]

حبيبتي هيام جمال جمعه سمعته حلوه مثل ايمن حلمي بس للحق انا ما شفت شغلهم بعيني
الف شكر على التطمين ..ربي يطمنك على حبايبك
شاكرة مرورك الرائع
القفي هالوردة يا احلى بسمة في الحياة :)

[هيون]

الدكتور اسمع عنه انه كويس سره مناسب بس انتظري شهر عشان الدم افضل عالجي فقر الدم اولا
وبالتوفيق
بس قبل الرجيمات كم كان وزنك

مثل ما قلتي : بنتظر شهر عل وعسى تزيد نسبة الدم
وزني قبل الرجيم 80 ، ،
بتقولين ما نزلتي كثير ؟!!
بقول لك مليت من كثر هالحميات : نزول سريع ..ثم عودة اسرع وبأوزان أعلا :(

قلت يا هيون توكلي على الله واشفطي هالشحمتين .. وارتاحي

سعيدة بمرورك يا ام لينا
وهذي وردة لك

[هيون]

جمال جمعه وين عيادته؟

عيادته (فنون الطب) جنب سوق المملكة ، وفتح الحين مستشفى (اجمل) في شارع الضباب

[هيون]

شوفى حبيبتى دكتور التخدير الى رحتله قبل العمليه بسبوع مو نفسه الى يوم العمليه ومنى عارفه اسم ولا واحد منهم
اما الليتر هو كيلو تقريبا بس الشفط لابد يقيسوه بلتر لانه سوائل

صوح الكلام يا حلو
ربي ييسر لك امرك يا منو ويكتب لك الخير

[هيون]

ماشاء الله ردت عليك منو .. وهي خبره وماتقصر بالنصح والتوجيه بارك الله فيها..
وما راح أزيد على ردها ورد البقيـه ماقصروا ..
ودعواتي لك بالتوفيق والسداد والله يكتب لك إللي فيه خير..
أستخيري ووكلي أمرك لله , لاتخافين ولا تترددين ..
خذي حبوب الدم ,, أختاري الطبيب الكويس ,, ضبطي أمورك ,, ووتوكلي ع الله ..
وعقبال ما نبارك بسلامتك حبيبتي ..
وعقبالي إن شاء الله , :o

ما شاء الله ..كلامك جامع مانع
وهذا اللي راح يصير ان شاء الله
يارب يكتب لك كل خير
الف شكر على المرور

[هيون]

بس يا قلبي مسألة الدم والله تقلق لانه انتي في العمليه رح تخسري دم
حاولي انك تستمري في اخذ حبوب الحديد الى موعد عمليتك
والله يكتبلك اللي فيه الخير
تحياتي لكِ

وهذا المقلق في الامر :(
الف شكر على المرور يالغالية

[هيون]

خلوني اعلمكم وش صار معي امس :
طبعا سكرتيرته كانت معطتني هالموعد عشان يكلمني الدكتور عن تفاصيل العملية - مثل ما قالت لي بالتلفون
لكن اللي صار اني بمجرد ما دخلت العيادة اخذتني على غرفتها وقبل لا اجلس سألتني :
كم قالت الدكتور تكلفة العملية ؟ ومتى تبين موعدها ؟
@@
انا استغربت من هالعجلة !! طيب وين الدكتور اللي راح يفهمني تفاصيل العملية وخلافه ؟؟!!
طلبت منها اقابل الدكتور ، وقال لي نتايجك مطمئنة،وممكن نجري العملية باي وقت تحددينه
طلبت منه صور (قبل وبعد) وشفتها ، بصراحة بعضها كويس :)، وبعضها موبالحيل :(
سألته عن المضاعفات قال لي تنميل وكدمات فقط لمن لا يعاني من الربو والقلب
ما ادري ليش ما حسيت بالراحة ! ولهالسبب طلبت صورة من التحاليل عشان اوريها لدكتور ايمن حلمي في الموعد الجاي

ما ادري اذا كان احد يعرف ((دكتورة)) شاطرة في الرياض ، ومجربين عملياتها غير ايمن او جمال
بديت احاتي وقت التخطيط ( فيس احمر)

مع صادق الدعوات

[عشرينية]

ايه اذا خلصتي من ايمن
روحي للشلاش في ادمه

وانا صراحه ودي تسوين عند جمال جمعه والا الشلاش عشان اشوف النتيجه عليك :d

[المنال]

اتكلى على ربك وممكن نسمع تجربه عن قريب لعضو مسوى عنده
بس اهم شئ ارفعى الحديد بعدين سويها

[هيون]

ايه اذا خلصتي من ايمن
روحي للشلاش في ادمه

وانا صراحه ودي تسوين عند جمال جمعه والا الشلاش عشان اشوف النتيجه عليك :d

ودي بصراحة .. بس استحي كل شوي (دكتور ) يكشف علي :(
<< صدقت الاخت هع

ما ودك نقط انا معك لوحدة نخليها تجرب عند اللي قلتي عنهم ؟؟
ونحكم بعد عمليتها

قولي تم
*_^

[هيون]

اتكلى على ربك وممكن نسمع تجربه عن قريب لعضو مسوى عنده
بس اهم شئ ارفعى الحديد بعدين سويها

ربي يسعد ايامك يا منو 24 ،،، وربي دخلتي قلبي بدون تذكرة << بشري امك :wave(1):

الله يسهل امرك وامري وكل حبايبنا

[المنال]

ربي يسعد ايامك يا منو 24 ،،، وربي دخلتي قلبي بدون تذكرة << بشري امك :wave(1):

الله يسهل امرك وامري وكل حبايبنا
تسلمين حبيبتى واعجبتنى هذى بدون تذكره
اللهم امين

[المبـــــ حلوة ــــسم]

الله يتمم موضوعك على خير

[المنال]

ودي بصراحة .. بس استحي كل شوي (دكتور ) يكشف علي :(
<< صدقت الاخت هع

ما ودك نقط انا معك لوحدة نخليها تجرب عند اللي قلتي عنهم ؟؟
ونحكم بعد عمليتها

قولي تم
*_^
عشرينيه ايش رايك تجربيهم وتعلمينا ولا ما تبغين تجازفين فى نفسك

[المنال]

ايه اذا خلصتي من ايمن
روحي للشلاش في ادمه

وانا صراحه ودي تسوين عند جمال جمعه والا الشلاش عشان اشوف النتيجه عليك :d
عشرينيه ويش رايك تجربينهم قبلنا وتقوليلنا
بس عجلى ترى معد فى وقت

[هيون]

تسلمين حبيبتى واعجبتنى هذى بدون تذكره
اللهم امين

يا هلا بهالصباح
منورة منو

[هيون]

الله يتمم موضوعك على خير

آمين يا رب
شكرا على المرور الطيب

[هيون]

باك

رحت للدكتور ايمن حلمي وطلب مني أنزل خمس كيلو بهالشهر وبعدين يشوفني مرة ثانية

وقال لي راح اسوي لك شفط وشد البطن مع الخصر ، وشفط من الظهر
مع عملية شد الثدي .. كلها في عملية وحدة


سؤال /

في احد عمل البطن مع الصدر في عملية وحدة ؟؟
لأني متخوفة :(

[المنال]

باك

رحت للدكتور ايمن حلمي وطلب مني أنزل خمس كيلو بهالشهر وبعدين يشوفني مرة ثانية

وقال لي راح اسوي لك شفط وشد البطن مع الخصر ، وشفط من الظهر
مع عملية شد الثدي .. كلها في عملية وحدة


سؤال /

في احد عمل البطن مع الصدر في عملية وحدة ؟؟
لأني متخوفة :(
هلا هيون.......
ترى احسن لك تنزلين كل الوزن الى ما ترغبين فيه عشان بعد الشد توقفين نزول على اساس ما يرجع الارتخاء مره ثانيه
وانا اعرف وحده مسويه شد وتكبير للثدى مع شد للبطن مع الظهر
وفراوله نجديه مسويه نفس العمليه الى بتسويها فراسليها واستفسرى منها اكثر وانشاء الله بتفيدك

[مجرد إحساس]

الله ييسر امرك

انا مسوية شد بطن وشد صدر وتكبير في عملية وحده

[هيون]

هلا هيون.......
ترى احسن لك تنزلين كل الوزن الى ما ترغبين فيه عشان بعد الشد توقفين نزول على اساس ما يرجع الارتخاء مره ثانيه
وانا اعرف وحده مسويه شد وتكبير للثدى مع شد للبطن مع الظهر
وفراوله نجديه مسويه نفس العمليه الى بتسويها فراسليها واستفسرى منها اكثر وانشاء الله بتفيدك

بعد عمري منو .. لا عدمتك أخت طيبة أصل !
ان شاء الله تبرد قلبي فراولتنا مثل ما تبردين قلبي دوم

شاااااااااااااكرة لك مرورك العذب

[هيون]

الله ييسر امرك

انا مسوية شد بطن وشد صدر وتكبير في عملية وحده

ماشاء الله تبارك الله .. انتم السابقون ونحن اللاحقون أجل :)
حبيبتي .. ودي اسئلك كم سؤال لأني جدا قلقة :

من عمل لك العملية ؟ وبأي مستشفى ؟
كيف كانت الآلام بعد العملية ؟
ومتى قدرت تمارسين حياتك بشكل طبيعي ؟
ومتى رجعت للدوام - اذا كنت موظفة ؟
وكم كلفتك العملية ؟

شاااكرة ومقدرة لك تواصلك الراقي كشخصك

[مجرد إحساس]

ماشاء الله تبارك الله .. انتم السابقون ونحن اللاحقون أجل :)
حبيبتي .. ودي اسئلك كم سؤال لأني جدا قلقة :

من عمل لك العملية ؟ وبأي مستشفى ؟
كيف كانت الآلام بعد العملية ؟
ومتى قدرت تمارسين حياتك بشكل طبيعي ؟
ومتى رجعت للدوام - اذا كنت موظفة ؟
وكم كلفتك العملية ؟

شاااكرة ومقدرة لك تواصلك الراقي كشخصك

ان شاء الله تلحقيني على خير :)

بالنسبة للاسئلة كل اجاباتك ح تلاقيها في موضوعي :)

http://www.temyatt.com/vb/showthread.php?t=21467

من الالف الى الياء ، واذا قرأتي وفيه اسئلة ثانية لسه مالقيتي اجابتها اسئلي وابشري بجاوبك من عيوني ولو اني ماخليت شي ماكتبته :)

[هيون]

يا بعد عمري انت والله !
ربي لا يحرمني من الاخوات الطيبات شرواك

اصدق الدعوات واطيب التحايا

[مجرد إحساس]

هيون الله يسلمك ياقلبي ماعليكي زود والله :)

[هيون]

هيون الله يسلمك ياقلبي ماعليكي زود والله :)

منورة المتصفح يا غالية
:)

[هيون]

حبيت أعلمكم إني أتممت اسبوعين من عملت العملية - ولله الحمد -
والتفاصيل سأوافيكم فيها تباعا

:)

[هيون]

كان هذا هو الموجز .. وإليكم نشرة الأخبار بالتفصيل :)

7

7

نوع العملية : شفط وشد البطن + تحديد الخصر + شفط الظهر
الدكتور : أيمن حلمي
المستشفى : المركز التخصصي الطبي- الرياض
الوزن قبل العملية ( وتحديدا : صباحية العملية << عايشة أجواء عرس !! ) : 72 كجم

[هيون]

التخدير عام
مدة العملية : من 9 صباحا - الى 4 ونص عصرا
التكاليف : 50 الف ريال اجرة الدكتور + 1600 قيمة مشدين + 3000 تكاليف إقامة 5 ايام في المستشفى + 600 ادوية وما ادري ليه ( قبل اطلع من المستشفى) + 700 ريال تخطيط قلب وتحاليل قبل العملية ( وما ادري اذا في شي نسيته !!! )

[غنوجة]

اللف الحمد الله علي سلامتك

[هيون]

اللف الحمد الله علي سلامتك

الله يسلمك
الف شكر على المرور
:)

[هيون]

نوع العملية : شفط وشد البطن + تحديد الخصر + شفط الظهر
الدكتور : أيمن حلمي
المستشفى : المركز التخصصي الطبي- الرياض
الوزن قبل العملية ( وتحديدا : صباحية العملية << عايشة أجواء عرس !! ) : 72 كجم

نسيت عملية
7
7

شد الصدر :)

8
8
سقطت سهوا

[غنوجة]

٨
٨
٨
ايوا كذا ٥٠ اللف تكون معقوله

[هيون]

8
8
8
غنوجة !!
انا حاسة ان ( مخي ) انشفط مع الدهون !!
حسيتي بهالاحساس :(

[غنوجة]

٨
٨
٨
والله قلتها من قبل
التركيز والعقل والتفكير وكل شي منطقي طار مع الدهون

[هيون]

8
8
الله يطمن قلبك يا شيخة
يعني اذا شفتي اي حركة موش ولا بد فانا معذورة : ( ليش على المريض حرج )










فاصل ونواصل
:)

[بئر الأسرار]

ههههههههههه الله يطمنكم
اجل يروح مع الدهون

الحمد لله على سلامتك هيونه ومبروووك على النيو لوك تتهني ان شاء الله
في انتظار الباقي >> متاااابعه

[المنال]

صباح الخير ...
يعنى كمان انتى حاسه ان (مخك)خف بعد الشفط شكله يمر على العقل وياخذ منه شوي
معناته أنا مع العمليه الجايه بستوي بلا عقل الله المستعان
أخبار جروحك؟ ومنتظرين اليوميات.

[هيون]

ههههههههههه الله يطمنكم
اجل يروح مع الدهون

الحمد لله على سلامتك هيونه ومبروووك على النيو لوك تتهني ان شاء الله
في انتظار الباقي >> متاااابعه

لا يا بئر الاسرار .. هو ما يروح تمامااااااااااا .. تقدرين تقولين زهايمر مؤقت << يا ويلك من اطباء التجميل ( فيس يتلفت يمين ويسار)


الله يسلمك يالطيبة .. وشاكرة متابعتك
(وردة)

[هيون]

صباح الخير ...
يعنى كمان انتى حاسه ان (مخك)خف بعد الشفط شكله يمر على العقل وياخذ منه شوي
معناته أنا مع العمليه الجايه بستوي بلا عقل الله المستعان
أخبار جروحك؟ ومنتظرين اليوميات.

هلا وغلاااااااااا .. هلا بالملهمة :girl_in_love:
اول شي .. خليني اشكرك على مساندتك لي .. وعلى كل كلمة طيبة سمعتها ( قريتها) منك
منو !! ابجديتي ما تسعفني لتقديم الشكر والامتنان لك !
كل اللي اقدر اقوله ( جزاك الله خير) يا قمر
:doaa:

وغالية ..والطلب يوميات !

[هيون]

اول يوم العملية ما كنت حاسة الا بالاجهاد العام .. يعني ما كنت احس بآلام موضع العمليات، وكل اللي نفسي فيه : النووووووووووووم

ثاني يوم كأن جبال الدنيا على ظهري من الثقل اللي احسه واستمر هالاحساس 5 ايام تقريبا ،
بهاليوم شالوا قسطرة البول - وانتو بكرامة - وبديت امشي بصعوبه لدورة المياه فقط.

ثالث يوم بديت امشي على خفيف وظهري محني - حسب ارشادات الدكتور، واعطوني زيت خروع
حتى يسهل عملية الاخراج تفاديا لمضاعفات الامساك.

رابع وخامس يوم في المستشفى وما صار شي جديد الا في اليوم الرابع اعطوني تحاميل وتيسر امر الخروج .

سادس يوم وهو آخر يوم في المستشفى شال الدكتور الدرنقات بعد ما اخذت ابرتين وحبة مسكن ،
لان سحبتهم مؤلمة نوعا ما .

[هيون]

أنصح بقراءة بعض الفتاوى المتعلقة بامور الطهارة والصلاة مع وجود قسطرة البول ودرنقات السوائل الخارجة من الجسم قبل اجراء العملية
حتى تكونوا على بينه من اموركم الدينية

[أحلم بالرشاقة]

ألف مبروك والحمدلله على السلامه يا عسل

بانتظار تفاصيل التفاصيل

حبيت اسألك ان كنتي موظفه اخذتي اجازه؟ وكيف كتبها لك الدكتور؟
برضو سويتي تكبير للصدر مع الشد؟
ناويه تحملين ولا خلاص؟ وش قال لك الدكتور عن هالموضوع

ربي يتمم شفائك على افضل ماتتمنين ياقمر

[هنوده]

شنو حبوب فيروز شلون صايره لان دمي سبعه ومشكوره

[المنال]

هلا وغلاااااااااا .. هلا بالملهمة :girl_in_love:
اول شي .. خليني اشكرك على مساندتك لي .. وعلى كل كلمة طيبة سمعتها ( قريتها) منك
منو !! ابجديتي ما تسعفني لتقديم الشكر والامتنان لك !
كل اللي اقدر اقوله ( جزاك الله خير) يا قمر
:doaa:

وغالية ..والطلب يوميات !
تسلمين حبيبتى :9: وإنشاء الله ربى يتمم عليكى وانتى بصحه وعافيه
وفى انتظار اليوميات الين تشوفين النتيجه النهائيه.

[هيون]

ألف مبروك والحمدلله على السلامه يا عسل
بانتظار تفاصيل التفاصيل
حبيت اسألك ان كنتي موظفه اخذتي اجازه؟ وكيف كتبها لك الدكتور؟
برضو سويتي تكبير للصدر مع الشد؟
ناويه تحملين ولا خلاص؟ وش قال لك الدكتور عن هالموضوع
ربي يتمم شفائك على افضل ماتتمنين ياقمر

* الله يبارك فيك يا طيبة
* انا موظفة واعطاني الدكتور اجازة شهر مرضية ، وكتبها الدكتور قبل اطلع من المستشفى .
المستشفى طلبت ورقة تحويل من جهة عملي لاتمام اللازم.

* بالنسبة لعملية الصدر فكانت (شد) فقط بدون تكبير او تصغير .

* اما الحمل فلله الحمد انهيت من هالقصص ، ربي يبارك لي باللي عندي.
ولهذا السبب ما سألت الدكتور عن هالموضوع


شاكرة لك متابعتك وتواجدك يا عسل.
واي استفسار عن اي تفاصيل انا حاضرة

[هيون]

شنو حبوب فيروز شلون صايره لان دمي سبعه ومشكوره
سلامات سلامات الف لاباس عليك
حبوب ( ferose فروز: لجميع حالات نقص الحديد، وهي اقراص للمضغ او للبلع بطعم الشوكولاته ) استشيري طبيبك وشوفي وش يقول لك.

ممكن تاخذين هالوصفات لانها ترفع الدم :
* جرجير وتعصرين عليه شوية ليمون
*انقعي لك فنجان زبيب اسود بالليل والصباح اشربيه بعد ما تخلطينه بالخلاط. *اعصري حبه شمندر معتفاحة بخلاطة الجزر واشلابيها ، طعمها موب شين.

والف لاباس عليك.
:47:

[هيون]

تسلمين حبيبتى :9: وإنشاء الله ربى يتمم عليكى وانتى بصحه وعافيه
وفى انتظار اليوميات الين تشوفين النتيجه النهائيه.

يعافيك يارب يالغالية

امس اتممت 3 اسابيع ولحد الآن ما قدرت امشي وظهري منتصب :(
احس بشد كبيييييييير ف منطقة البطن ، وبعض الآلام في الظهر تزيد من العصر الى الليل ..

مهم جدا عمل مساج للظهر حتى يحرك الدورة الدموية ف هالمنطقة المسكينة




اعجز عن شكرك منو
(وردة)

[هيون]

24 يوم من عملية الشد :
اليوم صليت بدون كرسي .. ركعت وسجدت ولله الحمد والمنة

[ما لي سواك يا الله]

الحمدلله على سلامتك أختي

و إن شاء الله النتايج ترضيك

[هيون]

الله يسلمك
الف شكر على المرور

[هيون]

بدأت من الاسبوعين الماضيين بوضع شرايط السيليكون على الجرح
ما احس في تحسن في لون الجرح الى الآن

الغريبة انو في نفس الجرح مكان غامق ومكان فاتح وشي ما يبين له اثر بالمرة !!!!!!!!
اتمنى كل هالتدرجات تختفي :)

[المنال]

بدأت من الاسبوعين الماضيين بوضع شرايط السيليكون على الجرح
ما احس في تحسن في لون الجرح الى الآن

الغريبة انو في نفس الجرح مكان غامق ومكان فاتح وشي ما يبين له اثر بالمرة !!!!!!!!
اتمنى كل هالتدرجات تختفي :)
حبيبتى شرايح السلكون لو آثرت فى اللون شئ لا يذكر:wave(1): يعنى لا تتأملين اللون يروح
هيا تفيد فى الارتفاعات والانخفاضات فقط وعلى قولك فى وصف الجرح أماكن فاتحه وأماكن غامقه وأماكن ما كأن فيها عمليه.

[هيون]

المشكلة يا منو في الجرح ان اللون الغامق صاير في منطقة التقاء النهدين تقريبا
واللي ما فيه لون باقي الجرح من الداخل !
شوفي الحظ:(

[sun55]

ماشاء الله

[sun55]

بنات انا قررت اسوي العمليه بس ماابغى ندبات اولون تكون مكشوفه

[هيون]

بنات انا قررت اسوي العمليه بس ماابغى ندبات اولون تكون مكشوفه

حتى انا (كنت) مقررة هالشي !
لكن ما حصل لي :3lk:

منورة يا قمر

[هيون]

اليوم طلع لي مثل الحبة .. شي زي الخراج بطرف الحلمة
الدكتور وسكرتيرته مسافرين ..
أخاف آخذ مضاد وأتوهق :(

وش السواة ؟؟؟؟

[المنال]

اليوم طلع لي مثل الحبة .. شي زي الخراج بطرف الحلمة
الدكتور وسكرتيرته مسافرين ..
أخاف آخذ مضاد وأتوهق :(

وش السواة ؟؟؟؟
ماتشوفين شر هيون
حبيبتى إرسليله رساله ولا تتهاونين وأوصفى الحاله مثل ما إنتى شايفتها ودقى عليه لين يرد
وما قدامك إلا الخير إنشاء الله

[هيون]

الشر ما يجيك يالغالية
ربي يكتب اللي فيه الخير

[عليا]

ها وش اخبارك الحين طمنيني عليك وشلون نتايجك الأن وبالذات الصدر الشد كيف وشكل الصدر هل هو قمعي ولا دائري والضهر كيف مشدود ولا ترهل بعد الشفط:gbuterfly:

[هيون]

ها وش اخبارك الحين طمنيني عليك وشلون نتايجك الأن :gbuterfly:

ابشرك ! عال العال ولله الحمد ، لكن الشهية مفتوحة على مصراعيها ، وما غير آكل :(
شكلي يبي لي عملية ثانية !

وبالذات الصدر الشد كيف وشكل الصدر هل هو قمعي ولا دائري
هااااااااااااااااه @@
كيف قمعي ؟؟ ما فهمت هالشكل على الصدر !
عموما ، شكل الصدر طبيعي، مو مرتفع ومنفوخ من الاعلى
ومن تحت مشدود ..

والضهر كيف مشدود ولا ترهل بعد الشفط
ما لاحظت ترهل ! واموري طيبة ولله الحمد

منورة المتصفح بوجودك

[نيرميين]

اختي النسبه لازم تكون 10 ونص انا لما رحت لكم دكتور قالولي 10 ونص ...بس ادا كان مرتفع طبعا افضل ادا كانت منطقه انما اكتر من مكان اكيد لازم تكون النسبه اكتر لان كل 5 ليترات تخسر 500 ملييلتر دم فهمت ياقلبي
واللتر هو الكيلو ...
يعني 5ليترات يعني 5 كيلو غرام

[هيون]

هلا بك نيرمين
انت تقصدين حجم الدهون ؟ والا ايش ؟

منورة المتصفح

[هيون]

بااااااااااااااك
------------------

اليوم حابة اتكلم عن تجربة جديدة في الشفط .. الا وهي

7


7



شفط الذقن

8
8
يعني من هاللون الاحمر اعرفوا السالفة :( :( :(

[المنال]

^
^
^
أكيد حلوه:+k68+:
قلبي معاكِ

[هيون]

8
8
من بؤك لباب السما

آآآآآآه يا منو !!! منتي عارفة البير وغطاااااااااااااه :(

[هيون]

قدّر الله عليّ وعملت شفط ذقن
الحقيقة ما كنت اعاني من ترهل بشع او منظر دهون موب طبيعي
شكل وجهي كان عادي ، لكن مع التقدم في السن ... وتعدي مرحلة التين ايجيز << ترقيع للعمر
ومع عوامل التعرية حسيت اني بحاجة لتحديد شكل الوجه في منطقة الذقن تحديد
اعني المنطقة اللي تحت الوجه

سألت الدكتور : ممكن اعمل شفط ذقن لتحديد الوجه ؟؟ وزوال اللغلوغ ؟؟
قال لي ممكن
توكلت على الله وعملتها..
أعترف اني كنت كسلانة جدا لاني ما سألته عن تبعاتها ، وآثارها الجانبية ...الخ
كنت حاطة ف بالي شكلي النهائي بغض النظر عن اي شي ثاني

دخلت غرفة العمليات الساعة 8 صباحا ، وعطوني مخدر موضعي مع منوم
استمرت العملية الى الساعة 9 الا ربع تقريبا ، وكان معها حقن اليدين

بعدها طلعت على غرفة الافاقة ربع ساعة تقريبا ، ولبست المشد الخاص بالذقن
وطلعوني للغرفة
بعدها صار ما لم يكن بالحسبان .. :(
ترا را راااااااااااااا << موسيقى تصويرية للاثارة

[عليا]

حمستيني وش صار

[هيون]

هلا بك عليا ..
اقول لك وش صار :

صار فمي يميل على جنب بقووووووة اذا تكلمت والا ضحكت
خاصة الشفه السفلى

في البداية قلت آثار البنج ، وما اخذت فيها ، لكن مر يوم .. يوميييييييين .. ثلاثة :(
ولا يزال الميلان !



وه :(

بكمل بعدين << للاثارة والتشويق

[المنال]

ودي أزنطك يا هيون :30:
إيه عارفه البير وغطاه
وكمان عارفه إنك كنتى مثل البخت ومافيك شئ ورحتي سويتي شئ منتي فى حاجته
وأي عمر إلي تتكلمين عنه :punish: لا عمرك كبير ولا لغلوتك محتاجه لها الدرجه والدليل إني مالاحظت شئ وقت ما قابلتك
أجل ويش بتخلين لعمر الاربعين والخمسين؟؟؟ ممكن ذاك الوقت بيوضح هالشئ وممكن تسوينها حزتها وتحتاجيها بحق وحقيقى
حبيبتى أمس خبرت الوالده وقلتلها ويش صلحتى وإيش المضاعفات إلي صارتلك قالت: الله يهديها يعنى ويش فيها لغلوغتها وجهها مثل القمر ومافي أحلى منه
بعد كذا قالت: انا ما قلتلكم إن السالفه بتصير إدمان وبتفكرون تصلحون أشياء منتم محتاجينها:um_ttreez: وماراح تطلعون من العياده على خير خخخخخخخ
بس ما أقول إلا الله يكفيك شرها وإنشاء الله تتعدل الأمور فى هالفتره
متى موعدك عند الدكتور؟

[هيون]

ودي أزنطك يا هيون :30:

حلالك يا وخيتي !
إيه عارفه البير وغطاه
وكمان عارفه إنك كنتى مثل البخت ومافيك شئ ورحتي سويتي شئ منتي فى حاجته
لان عيونك حلوة وروحك حلوة تشوفين كل شي حلو
وأي عمر إلي تتكلمين عنه :punish: لا عمرك كبير ولا لغلوتك محتاجه لها الدرجه والدليل إني مالاحظت شئ وقت ما قابلتك
أجل ويش بتخلين لعمر الاربعين والخمسين؟؟؟ ممكن ذاك الوقت بيوضح هالشئ وممكن تسوينها حزتها وتحتاجيها بحق وحقيقى
حبيبتى أمس خبرت الوالده وقلتلها ويش صلحتى وإيش المضاعفات إلي صارتلك قالت: الله يهديها يعنى ويش فيها لغلوغتها وجهها مثل القمر ومافي أحلى منه
وليه هالفضايح بس يا منو ! كان خليتي الطاجن مستور
وربي والدتك وانتي اقمار
وردتين لكم
بعد كذا قالت: انا ما قلتلكم إن السالفه بتصير إدمان وبتفكرون تصلحون أشياء منتم محتاجينها:um_ttreez: وماراح تطلعون من العياده على خير خخخخخخخ
بس ما أقول إلا الله يكفيك شرها وإنشاء الله تتعدل الأمور فى هالفتره
متى موعدك عند الدكتور؟
آآه ! جابتها الوالدة على بلاطة
ربي يقنعنا باللي عندنا بس !

متى موعدي ؟؟
ما اخذت لهالعملية موعد ثاني ، ولا كلمتني غادة
كل يوم اقول بتصل آخذ موعد ولا ييسرها ربي

الله يكتب اللي فيه الخير

[عليا]

هلا بك عليا ..
اقول لك وش صار :

صار فمي يميل على جنب بقووووووة اذا تكلمت والا ضحكت
خاصة الشفه السفلى

في البداية قلت آثار البنج ، وما اخذت فيها ، لكن مر يوم .. يوميييييييين .. ثلاثة :(
ولا يزال الميلان !



وه :(

بكمل بعدين << للاثارة والتشويق


حرام عليك لاتشوقيني
بسم الله عليك الله يكفيك الشر يارب والله شي غريب
يعني ظربوا العصب ولا كيف انت صلحتيها على الجوانب ولا بس لغلوغتك
اكيد عند حلمي
الله يشفيك يارب ياهيون

[بسمة حياتي]

هيون طمنينا عليك ان شاء الله امورك تمام
اسأل الله العظيم رب العرش العظيم ان يشفيك

[هيون]

حرام عليك لاتشوقيني
بسم الله عليك الله يكفيك الشر يارب والله شي غريب
يعني ظربوا العصب ولا كيف انت صلحتيها على الجوانب ولا بس لغلوغتك
اكيد عند حلمي
الله يشفيك يارب ياهيون

لازم يا علوش لزوم الاكشن :11ight:

والله ما ادري وش اللي انضرب بالضبط :a16:
انا شفطت حاجة بسيييييطة مرة ولا تكاد تذكر من اسفل الذقن .. حتى ما اقدر اسميها لغلوغة من صغرها ..
بس ابن آدم طماع:mda:

صحيح عند حلمي ، والشهادة لله هو عمل اللي عليه ، والظاهر ان هالشي من آثارها الجانبية ، لانه بعد العملية مر علي بالغرفة قال لي :
اشوف اسنانك :exclamation(1):
انا استغرب لحظتها ! وش دخل الاسنان بالسالفة ؟؟ :008a:

فالظاهر كان بيتأكد من شكل الشفايف اذا انفتحت :cool2:

مشكورة علوش على الزيارة

[هيون]

هيون طمنينا عليك ان شاء الله امورك تمام
اسأل الله العظيم رب العرش العظيم ان يشفيك
أبشرك !!
تحسنت اموري 80 % تقريبا
وبانتظار وضعي الطبيعي ، لان الدكتور قال بيستمر الوضع من اسبوع الى 6 اسابيع
والحين لي 3 اسابيع تقريبا ، وبإذن الله بنهاية المدة تكون كل الامور :ok:


مشكورة يالغلا على زيارتك

[لا لسمنه]

هيوه الف حمد لله على السلامه حبيبتي انا ودي اشفط الدقن النازل من الفك احسه مشوه وجهي

بس بسالك انتي عند مين عملتيها ومين تنصحيني اسويها عنده وكم اسبوع وتبان النتيجه ودي احدد وجهي قبل العيد

ةالله يرزقك دنيا واخره ويسعدك واسفه تعبتك

[هيون]

هيوه الف حمد لله على السلامه حبيبتي انا ودي اشفط الدقن النازل من الفك احسه مشوه وجهي

بس بسالك انتي عند مين عملتيها ومين تنصحيني اسويها عنده وكم اسبوع وتبان النتيجه ودي احدد وجهي قبل العيد

ةالله يرزقك دنيا واخره ويسعدك واسفه تعبتك

انا معك ان الجزء النازل يشوه شكل الوجه ، لكن الطبيب هو اللي يقرر انتي تحتاجينها والا لا ..
انا عملتها عند د.أيمن حلمي ، واكيد انصح فيه لآنه عارف شغله ، وارتحت معاه ولله الحمد

والنتيجة تبان بعد 6 اسابيع ، يعني ما يمديك تعملينها للعيد
شي ثاني :
بعد العملية لازم تلبسين مشد الوجه 6 اسابيع ، الاسبوع الاول ما تنزعينه ابداااااااا
24 ساعة ، وكذلك بقية الاسابيع ، لكنه ضروري جدا في الاسبوع الاول

انصحك تستشيرين الطبيب
ربي يكتب لك اللي فيه الخير

الا لغلوغتك كبيرة ؟؟

[شادي]

هلا هيوووووووووون..

الحمدلله ع السلامة من كل عمليااااااااااااتج و الله ينولج اللي تتمنينه

و انتم السابقون في درب التجميل و نحن اللاحقون (إذا ما نفعت الرياضة)

س صغيروووووون: بالنسبة لآثار عملية البطن.. هل واضحة ولا بدت تختفي؟؟

و سواااااااااااااالم
^__^

[هيون]

هلا هيوووووووووون..

الحمدلله ع السلامة من كل عمليااااااااااااتج و الله ينولج اللي تتمنينه

و انتم السابقون في درب التجميل و نحن اللاحقون (إذا ما نفعت الرياضة)

س صغيروووووون: بالنسبة لآثار عملية البطن.. هل واضحة ولا بدت تختفي؟؟

و سواااااااااااااالم
^__^

هلا بك شادي ، والله يسلمك من كل شر ، ويارب ما تحتاج للعمليات وتكفيك الرياضة

بالنسبة لآثار عملية البطن فلا تزال واضحة ، خاصة بالوسط ، اقصد اللون ، لكن الحمد لله ما فيها بروز أوارتفاع .

شاكرة مرورك

[هيون]

عدنا :)


بعد ما طلعت من الافاقة ، رحت للغرفة وكنت حاسة بدوخة ، وفيني النووووووووووووووم
دخلت علي اختي وحسيت وانا اكلمها بميلان شديد في فمي - تحديدا الشفه السفلى

لما جالي الدكتور بعد العملية بساعة تقريبا قال لي : أشوف اسنانك ؟
سؤال غريب !! لكن ما سالته وش دخّل الاسنان بالذقن .. وسكت

-----------------------------
طلعت من المستشفى الساعة 3 ونص تقريبا

يوم الاربعاء ارسلت مسج للدكتور استفسر فيه عن هالميلان
قال الامر ممكن يحصل -
وكان عندي موعد الجمعة لاني بسافر السبت
-------------------------
وفعلا رحت المستشفى ( وكان فاضي مافيه الا انا وهو والنيرس)
وكشف علي ، وقال يمكن يستمر معك من اسبوع الى 6 اسابيع
وطلب مني اني اخفف من استعمال المشد ، وما يكون ضاغط مرة على الفك
سألته اذا ممكن اعمل تمارين معينه تسرع في عودة المياه لمجاريها :)
قال لي على تمرين يشبه مضغ العلك
قلت له : لكن انا حاقنه وجهي ، وسبق اني قريت ان العلك يؤثر على الحقن ؟
علمني تمرين ثاني : وهو اني افتح شفايفي بقوة ( مثل الابتسامة العريضة جدا) ثم ازم شفايفي ( كأنها بوسة)
---------------------------

والحين الحمد لله اموري متحسنه جدا .. أعني الميلان طبعا .. بنسبة 90% تقريبا

[المنال]

^
^
^
الحمد لله النسبه تحسنت و صارت90%
طيب النتيجه كم؟
هيون أبغى موعد عند حلمى ومالقيت
والدكتور طلع مسافر وتوه مارجع
وقالت( تهانى) بدق عليكى على الاثنين وشوف ألقالك موعد قبل العيد أو لا
شكلى بروح بدون موعد أو بكلم الدكتور نفسه

[غنوجة]

وش سالفة حقن اليدين هيون ؟؟؟؟؟؟؟؟؟؟

[امونة]

الف حمد لله على سلامتك
وربي يفرحك باحلا النتائج
ضحكتني اسم الغلوغة ههههههههههه هي اسمها كذا
ربي يسعدكم دوم

[sola]

الف الحمدلله على سلامتك اليوم الي قرأت قصتك مبروك اللوك الجديد الله يهنيكي
كيف الفك دحين انشاءالله احسن وايش حكاية حقن اليد مااتكلمتي عنها

[هيون]

^
^
^
الحمد لله النسبه تحسنت و صارت90%
طيب النتيجه كم؟
هيون أبغى موعد عند حلمى ومالقيت
والدكتور طلع مسافر وتوه مارجع
وقالت( تهانى) بدق عليكى على الاثنين وشوف ألقالك موعد قبل العيد أو لا
شكلى بروح بدون موعد أو بكلم الدكتور نفسه

نتيجة الذقن ما اقدر احكم عليها الحين !
خاصه انه من الاساس وقبل العملية ما كان سيئ << اجل ليه عملتيها :pissed:

---------------
المنال @@ وش ناوية عليه بهالموعد ؟؟ لا يكووووووووووون ....

[هيون]

وش سالفة حقن اليدين هيون ؟؟؟؟؟؟؟؟؟؟

سالفتها يالطيبة انك تحقنين اليدين من دهونك الذاتية اذا كنت تعانين من شيخوخة اليدين
بالاول ما كان عاجبني شكل اليدين ، لان شكل العروق باينه فيها
اضافه الى وجود بعض التجاعيد في مفاصل الاصابع
سألت الدكتور كيف ممكن احسن شكل اليد ؟
قال ممكن بالحقن من الدهون

وبالفعل ، تحسن شكلها كثير عن اول ، وهذا ثاني حقن لها
لان اول مرة كانت مع عملية شد البطن - ما ادري اذا كنت كاتبة هالمعلومة ف بداية موضوع العملية او لا ...:mnoker:



يا بنااااااااااااااات .. انا اعاني من فقدان الذاكرة بعد الشفط والحقن :hh:
انتو مثلي ؟؟؟؟؟

[هيون]

الف حمد لله على سلامتك
وربي يفرحك باحلا النتائج
ضحكتني اسم الغلوغة ههههههههههه هي اسمها كذا
ربي يسعدكم دوم

الله يسلمك يا امونة
اجل ضحكتي على (( لغلوغة)) يا ختشي :gcrazy:
هي اسمها وشكلها يضحكون :smillle:

مشكورة على المرور يا حلوة

[الشيماء]

موفقة بإذن الله ... لك مني أجمل تحية .

[هيون]

الف الحمدلله على سلامتك اليوم الي قرأت قصتك مبروك اللوك الجديد الله يهنيكي
كيف الفك دحين انشاءالله احسن وايش حكاية حقن اليد مااتكلمتي عنها


الله يسلمك :a52:
ابشرك اموري طيبة ولله الحمد ، لكن النتيجة النهائية ما اعتقد انها اللي اشوفه الحين
لانه لايزال فيه حركات :mda:

اما حقن اليد فتكلمت عنه في الردود السابقة
واعذريني يا sola اذا كا كنت ذكرته في المرة الاولى ، قلت لكم صار فيني زهايمر:11ight:

[لا لسمنه]

هلا هيونه قبل امس شفطت اللغلوغ ورقبتي واحس يتمميل وميلات واحس فمي مبنج وااقدر احكي

مرره خايفه وكلمت الدكتور قالي غادي واللحين لابسه المشد كم جلستي لابسته
ورقبتي مزرررررقه وخايفه انفضح بالعيد

يحبيلك جاوبني وعلميني وش قصه ميلان الفم ومتى يروح

ومكورررره يالغاليه


خخخخخ الله يعيني مشد بالوجه ومشد بالبطن

معليش يقلد بموضوعك في ناس ارسلت لي على الخاص مااقدر ارد عليهم لان مشاركاتي ماتسمح اعذروني

[هيون]

موفقة بإذن الله ... لك مني أجمل تحية .

هلا بشش وبهلشش وبالجمل لي رحل بشش
:kf:
<< تبي تطيح الميانة وموب عارفة كيف:)

[هيون]

هلا هيونه قبل امس شفطت اللغلوغ ورقبتي واحس يتمميل وميلات واحس فمي مبنج وااقدر احكي

مرره خايفه وكلمت الدكتور قالي غادي واللحين لابسه المشد كم جلستي لابسته
ورقبتي مزرررررقه وخايفه انفضح بالعيد

يحبيلك جاوبني وعلميني وش قصه ميلان الفم ومتى يروح

ومكورررره يالغاليه


خخخخخ الله يعيني مشد بالوجه ومشد بالبطن

معليش يقلد بموضوعك في ناس ارسلت لي على الخاص مااقدر ارد عليهم لان مشاركاتي ماتسمح اعذروني

يعني تهورتي وعملتيها قبل العيد :025:
الف الحمد لله على السلامة !
بالنسبة للمشد يا حلوة خليك لابسته 24 ساعة خاصة الاسبوع الاول مهممممممم جدا
وتستمرين لابسته 6 اسابيع متواصله
انتبهي تهملينه ، لان النتائج تترتب على التزامك بلبس المشد خاصة الايام الاولى

اما الازرقاق << كذا يعبرون عنه :gcrazy:
اقصد الكدمات اللي بالرقبة فلله الحمد ما كنت اعاني منها ،لان الدكتور أيمن شاطر بسم الله عليه
وانتي بالعيد تقدرين تخفينه بالكونسيلر ، وفي كفرات قوييييية مرررررررة تنباع بالصيدليات ن اخذي منها ، وانصحك تختاري اللي اغمق من لونك بدرجة، تكون التغطية مررررررة حلوة

الا على فكرة . باي مستشفى عملتي الشفط ؟ وعند اي دكتور ؟ وكم كلفتك ؟

اما الميلان فالحمد لله خف كثير ، يعني يبغالك اسبوعين ثلاثة يتعدل الوضع
ولا تنسين تعملين التمارين اللي قلت لكم عنها << يعني راجعي الكلام :)


واذا طلعتي اهم شي انك ما تتحمسين بالسوالف ، وتكتفين بابتسامة هادية :smillle:
واذا احد لاحظ الميلان قولي لفحة هواء << الدكتور علمني هالصاروخ :flying:

[احلامي كبيره]

ماشاء الله تبارك الله ياااهيووون,,

مجازفه وبطله احب الناس اللي هيك < تصيرين صديقتي:sweatdrop:< تبي اللي يدفها نحو العمليات.. كل اللي عندي تحطيييم :cry2:

[هيون]

افااااااااااااا عليك يا احلامي !!!
انا اختك اللي ما ولدتها امك في تحقيق الاحلام ودعمك معنويا
بس توكلي على الله وقولي بسم الله ! << تحسب نفسها ف مطعم الاخت !

شوفي يا احلامي انا اللي عندي موب بس تحطيم ! الا يقتلونك قتل في الرفض القاطع
لكن اذا حطيتي هدف ف بالك لازم تسعسن له بجدية اكثر
عاد انتي وطموحك ! << على وزن : انتي وضميرك

ها !! متى تبين نصير اصدقاء ؟

[احلامي كبيره]

يااابعد عمري انتي وه فديتك انا كلي .< فيس يتلفت لاحد يسمعه

بصير صديقتك من الللحين :happy2:

تسلمين ياعمري كلك ذوووق اخجلتيني :oop: