تجربتي مع شد البطن والخصر والصدر

[ريم]

مساء الخير جميعا

يوم الاربعا 16-12-2009 الساعة 8 صباحا تم بحمدلله عملية شد البطن والخصر والصدر في مستشفى الرعاية الشاملة بروكير على يد استشارية التجميل الفرنسية دكتورة عطف ... انسانة شفافى ورائعة بمعنى الكلمة ولا انسى وقفة الدكتور سلطان معاي ومتابعته وتوصياته علي بالمستشفى وكان يؤسل مساعديه كل يوم يتطمنون علي وانا بغرفتي جزاك الله الف خير يادكتور ..


تبدا القصة قبل سنة وشهرين سويت عملية سكوبينارو عند الدكتور سطان ونزلت عليها نزول جدا جميل ولله الحمد ... وقبل شهرين احس اني قربت من الجسم المثالي ولكن الترهلات كان تزعجني احس اني صرت مرقوق :d

وبدأت رحلة البحث كنت اتمنى اسويها عند دكتورة لاني اخجل اني اسويها عند دكتور وبدأت أبحث لين شفت وحدة من صديقاتي سوت عملية شد للصدر وكان شي مرة يجنن سألتها وين قالتلي ببروكير ... طبعا انا تخوفت لان المستشفى لسه جديد وللحين ماطلعت عنه سمعة ولا عن دكاترته .. فرحت للدكتور سلطان وتكلمنا بالموضوع وشاف جسمي بس قالي مازال عندك دهون بالبطن قلتله قالت الدكتورة انها رح تفكني منها وتكشطها من جذورها فقالي توكلي على الله وانا بكون معك وفعلا كان معاي بكل لحظة وكان مساندني خلف الكواليس ويسأل عني ويوصي علي الدكاترة .. مانكر حسيت بنوع من الراحة كون دكتوري واقف معاي فوكلت امري لله ..

دخلت غرفة العمليات وازالو مني 7 كيلو من الجلد المترهل :( منظر مؤسف خاصة واني بعد ماصحيت من البنج لقيتهم حاطينها لي بأكياس عند الغرفة :d
تم شد البطن والحمدلله ربي لك الحمد وماشالله لا اله الا الله بطني صار فلات مرة وركبولي سر جديد وشدولي الخصر وركبولي سيليكون بصدري لان صدري كان مترهل مرة لدرجة اني اكتشفت ان اساس تكوين صدري كان شحوم :(

الالم موجود ولكن يحتمل كانت المضدات الحيوية شغالة والمسكنات لمدة 3 ايام ومن ثاني يوم طلبت مني الدكتورة انسى السرير وامشي كنت اتعذب وكل مامشيت انزف وكان الدم اللي ينزل يخوفني بس قالت انه طبيعي احسن انها تطلع هذي بقايا الدهون والدم ... وكل ماامشي اكثر يخف النزيف اكثر لين وصل الى قطرات ..

اليوم رابع يوم شالتلي درينات الصدر وواحد من درينات البطن وشدتلي المشدات كلها وخلت درين واحد تشيله لي بعد اسبوع ..

ماه عملية سهلة ابدا وفيها الم وصعوبة حركة خاصة واني سويت عمليتين بنفس الوقت ولكن حبيت اختم مشواري ومعاناتي مع السمنة واودعها للابد ...

أحلى احساس بالموضوع ان الواحد يدخل دب ويطبع رشيق اول مانادوني باسمي بعد البنج حطيت يدي على بطني ومالقيتها استانست :)


الدكتورة سوتلي العملية بقوس مكانه اسفل البطن تحت عند مكان القيصرية ولا فيه شقوق ولا جروح طولية ولله الحمد والصدر سوتها من ندبة صغيرة الصدر نفسه ومع الوقت تختفي وحتى لوم اختفت بالنسبة لي الندبة ولا الترهل

اقلها ممكن اغطيها بكونسيلر والا يتكشفون شي مع الوقت تخفف من لونها

واي سؤال انا مستعدة :) وعقبال الباقيين

[متفائله]

ماشاء الله لاقوة إلا بالله ,,
ماشاء الله تبارك الله ..
الف مليون حمدلله ع سلآمتك حبيبتي ..
والله فرحت لك كأني أنا إللي سويتها ..
الله يمتعك بالصحه والعافيه يارب ..
وسؤالي كم التكلفه ؟
ودخلتي كم وزنك وبعد العمليه كم ؟
الصدر سويت سيلكون بس وإلا سيلكون وشد ؟؟

[بنفســـــج]

الف الحمد لله على سلامتج اختي ريم

والف مبروك لك المرحلة الجديدة في حياتك

ربي يتممها عليكي وانتي بصحة وعافية

لا تنسين الاذكار حبيبتي :47:

[نـــــورة]

اولا الحمد لله على سلامتك يارب
وماقداك الا العافية يارب
وفالك الرشاقة يارب

عندي اسئله:

-الدكتورة اصلها عربي؟
-كيف تعاملها معك؟
-كم كلفتك عمليتك
-تكبير الصدر فقط كم يكلف اذا عندك فكرة
-حشوة السيلكون ملمسها كأنها طبيعي والا فيها قساوة شوي


شكرا لك
والحمد لله السلامة مرة ثانية

[ريم]

حياتي تسلمين وماهو غريب عليك هذا الاحساس
وسؤالي كم التكلفه ؟
صدر 18 الف
بطن وخصر 25 الف
مشد البطن والصدر 2300
لاني الجلد المزال كان مليان دم فقدت دم ونقلولي 3 وحدة ب 3500 ريال
يعني طلعت من عندهم وانا دافعة 51 الف شاملة كل شي
ودخلتي كم وزنك وبعد العمليه كم ؟
دخلت بوزن 72 وطلعت 66 كيلو ماشالله تبارك الله بس لاني طويلة طالعة انحف
الصدر سويت سيلكون بس وإلا سيلكون وشد ؟؟
سويت سيليكون وشد مع بعض بعض لان كان عندي تزهل تحت الابط ومن عند اطرف الصدر هذي كلها انشالت ووحطتلي سيليكون وشدتلي .

[/quote]

[ريم]

الف الحمد لله على سلامتج اختي ريم

والف مبروك لك المرحلة الجديدة في حياتك

ربي يتممها عليكي وانتي بصحة وعافية

لا تنسين الاذكار حبيبتي :47:


تسلمين ياغالية ومانكر ترى تجربتك هي اللي خلتني افكر جديا بالشد وحمستني وكنت اقرا تجربتك بكل حروف وتفاصيلها وخلتني احط ببالي اللي ممكن اصادفه عشان ماتفاجا

الله يجعلها سنة حلوة عليكي وكل ايامك افراح لانك جد تستاهلين كل خير

[ريم]

[عندي اسئله:

-الدكتورة اصلها عربي؟
ايوة الدكتورة مغربية بس عاشت وانولتد طول عمرها بفرنسا وتشتغل بين مستشفى بروكير وعياداتها الخاصة بفرنسا عشان كذا مواعيدها مو كثيرة
-كيف تعاملها معك؟
انسانة رائعة الحلو عليكي تقول حلو واللي مايصلح تقول مايصلح احس اني اتعامل مع امي من طيبتها ويكفي انها بيوم اجازتها جات تداوم عشاني وكل شوي تتصل على الممرضات تسأل عني .
-كم كلفتك عمليتك
51 الف صدر وبطن وخصر ومشدات
-تكبير الصدر فقط كم يكلف اذا عندك فكرة
18 ألف لان وحدة من صديقاتي مسويتها عندها وانا نفس الشي حتى ماحسبتلي قيمة الشد حطتها ضمن قيمة الصدر كامل
-حشوة السيلكون ملمسها كأنها طبيعي والا فيها قساوة شوي
للحين ماطلعت النتيجة النهائية بس اشوفهم وقت مايغيرون لي ان الشكل يوحي انه صلب ولكن لا لمستيه زي الجلي ..

شكرا لك
والحمد لله السلامة مرة ثانية[/quote]

[زوووف]

ريمووووووووو

مشرفتنا السابقه وحبيبة قلبي

وانا اقول وينها غايبه الدبيه

ماشاء الله تبارك الله الف مليون حمدلله ع سلامتك يا غاليه


والله فرحت لك كثييير بخطوتك الجريئه


الله يكتب لك السلامه الدايمه ييااارب


وبصراحه شجعتيني اروح لهم ببروكير

وانا مثلك ادور طبيبه احب لي ...



نبي تسولفين لنا عن كل شي مره عليك وهل الالم مثل عملية السمنه والا اشد ...؟


وكم ساعه جلستي بالبنج ..؟؟

وكم تكلفة كلا على حده لا هنتي ..؟؟


انتي اللي قلتي اسالوا وهذنا سألنا .....

[ريم]

حياتي والله انتي بالذات تامرين امر مو تسألين


وبصراحه شجعتيني اروح لهم ببروكير

وانا مثلك ادور طبيبه احب لي ...
فعلا طبيبة استر لان وقت التخطيط اللي قبل العملية لازم تشلين كل ملابسك وتبدا تقيس وترسم كنها خياط انا قدامها استحيت فمابالك برجال



نبي تسولفين لنا عن كل شي مره عليك وهل الالم مثل عملية السمنه والا اشد ...؟
الالم بالضبط مثل الم الجروح الخارجية وقت عملية السمنة يعني تحسين بنغزات ولكن للامانة هو الم محتمل وماهو مثل مانو مبالغين فيه


وكم ساعه جلستي بالبنج ..؟؟
عمليتي بدأت من 9 ونص الى 2 ونص لانها اول شي فتحت بطني من تحت ورفعته لفوق لين خصري وبدأت تكشط الشحوم والدهون كلها وبعدين نزلتها وركبت لي سر جديد وخطيتها من تحت فوق العانة بشوي والحمدلله مرة فلات صاير ماشالله لازم بظهري وبعدين طلعت ركبت لي سيليكون شدتلي الصدر
يعني العملية 5 ساعات وبالافاقة نص ساعة استشاري التخدير جدا ممتاز ماشالله اسمه عهد وهو الملازم لعمليات الدكتور سلطان كلها

وكم تكلفة كلا على حده لا هنتي ..؟؟
صدر 18 الف
بطن وخصر 25 الف
والمشدات 2300 الف
وترى ممكن تسويلك خصم بس انا غبية كنت مسوية نفسي هههههههه

انتي اللي قلتي اسالوا وهذنا سألنا .....[/quote]

[زوووف]

من جد ريم انتي انقذتيني


لي اسبوع ملحه علي الفكره ومتعبتني كثير

الحين حسيت انه ما بقى لي الا اروح فقط


تسلمي لي يا قمر والله

وان احتجت اي سؤال انتظريني الل يعينك علي ...>>امها داعيه لها اكييد ..

[الكلبوظه]

حمدالله علي سلامتك ياريم..
ماشاء الله..تجربتك حلوه ياقمر..
هاتبقي مرجع لكتير مننا.

ربنا يهنيكي يارب.

[ميمونه]

الف مبروك والف الحمد لله على السلامه
يارب يخفف عنك الالم وتعجبك النتيجه من جميع النواحى
سؤالى من فظلك:مع شد البطن هل سوتلك شد لمنطقة العانه؟
السليكون هل تحسيه ثقيل شوي على صدرك لما تنامى على ظهرك؟
الاذرع والافخاذ هل محتاجه شد؟وهل ممكن تسويهم مع بعض فى نفس العمليه؟
وشكرآ جزيلآ جزيلآ من القلب
ربنا يحفظك ويرعاك

[el_reem]

الحمد لله على سلامتج

الله يهنيج بالنيو لوووووووك

[بئر الأسرار]

الله يهنيكي فيها والحمد لله على سلامتك
والف مبروووووووووك
والله فرحتلك من قلب عقباااااالي
تحياتي لكِ ريم

[بئر الأسرار]

لحظه دوبني دققت في كلامك
كيف ركبولك سر جديد؟؟؟
يعني مو نفس السره تبعك كيف يحطوا وحده جديده والاوله وين تروح والله ما فهمت ؟؟؟؟:(
تكفين اشرحيلي هالسالفه بالتفصيل الممللللللل

[المنال]

الحمد لله على السلامه وصراحه لما تكون دكتوره اهون بكثير من الدكتور ضرورا وقت التخطيط

[ريم]

من جد ريم انتي انقذتيني


لي اسبوع ملحه علي الفكره ومتعبتني كثير

الحين حسيت انه ما بقى لي الا اروح فقط


تسلمي لي يا قمر والله

وان احتجت اي سؤال انتظريني الل يعينك علي ...>>امها داعيه لها اكييد ..

روحي وتوكلي على الله مارح تحسين بقيمة النحف والثقة بالنفس غير لا راح الترهل ولو تبين اروح معاك ابشري

[ريم]

حمدالله علي سلامتك ياريم..
ماشاء الله..تجربتك حلوه ياقمر..
هاتبقي مرجع لكتير مننا.

ربنا يهنيكي يارب.
حياتي انا انتي اكيد مارح ابخل ولو باقل معلومة

[ريم]

سؤالى من فظلك:مع شد البطن هل سوتلك شد لمنطقة العانه؟
لا لان ماعندي فيها ترهل واضح
السليكون هل تحسيه ثقيل شوي على صدرك لما تنامى على ظهرك؟
حاليا لا بس مدري مستقبلا يمكن مع اني ماتوقع لاني مسكت قطعة السيليكون قبل تحطها لي وكانت زي الجلي
الاذرع والافخاذ هل محتاجه شد؟وهل ممكن تسويهم مع بعض فى نفس العمليه؟
بالنسبة لي لا لاني كنت اسوي رياضة يوميا ولكني عجزت اشيل ترهل البطن لان تمركز الدهون كان كبير فيه واكيد تقدرين تسوينها مع بعض بس انا مانصح بطن ويد لانك كذا مارح تقدرين تتحركين براحتك ممكن بطن ورجل مع اني احس برضه عذاب من ناحية دخول دورة المياه وانتي بكرامة والحركة
وشكرآ جزيلآ جزيلآ من القلب
ربنا يحفظك ويرعاك[/quote]

[ريم]

الحمد لله على سلامتج

الله يهنيج بالنيو لوووووووك
ويخليك يارب تسلمين

[ريم]

لحظه دوبني دققت في كلامك
كيف ركبولك سر جديد؟؟؟
يعني مو نفس السره تبعك كيف يحطوا وحده جديده والاوله وين تروح والله ما فهمت ؟؟؟؟:(
تكفين اشرحيلي هالسالفه بالتفصيل الممللللللل
والله انا نفسي مدري بس كانت سرتي اول كبيرة ومدري وش تبي بالحياة فالدكتورة مع التغييرات قالت بغيرها لك او يمكن صغرتها المهم ماهي الاولى ابدا حتى كانت تمزح معي تقول جيبيلها خرز هههههههههه
بس فيه ناس مايغيرونها لهم يرفعونها ويرجعون يرجعونها ..

[ريم]

الحمد لله على السلامه وصراحه لما تكون دكتوره اهون بكثير من الدكتور ضرورا وقت التخطيط
الله يسلمك صراحة ايوة من جد طول الوقت وانا اتخيل لو اللي قدامي رجال ونا شايلة كل ملابسي وهي ترسم وتمتر من جد احراااااااااااااااااااااااااج
انتي كيفك الحين ؟

[شخصية مستهدفه]

ما شاء الله تبارك الله


مبروووووووووووك الف مبروك

ربي يفرحك باحلى نتائج يا رب

[المنال]

والله انا نفسي مدري بس كانت سرتي اول كبيرة ومدري وش تبي بالحياة فالدكتورة مع التغييرات قالت بغيرها لك او يمكن صغرتها المهم ماهي الاولى ابدا حتى كانت تمزح معي تقول جيبيلها خرز هههههههههه
بس فيه ناس مايغيرونها لهم يرفعونها ويرجعون يرجعونها ..
هههههههههه
حبيباتى السره من الداخل نفسها ما تتغير بس لما يشدون يضطرون انهم يقصون من حول السره ويشدون بعدين يفتحولها فتحه جديده
انا عن نفسى صارت ممطوطه على اسفل وفى البعض تكون السره بين الكرشتين مدفونه عسانى قربت الفكره انا كذلك سوالى سره جديه ومن احلى ما يكون

[المنال]

الله يسلمك صراحة ايوة من جد طول الوقت وانا اتخيل لو اللي قدامي رجال ونا شايلة كل ملابسي وهي ترسم وتمتر من جد احراااااااااااااااااااااااااج
انتي كيفك الحين ؟
وربى موقف يفشل الله لا يعاقبنا
عاد البطن وقت ما يخططه اهون اقلها ما اشوف وجهه اما الصدر هو الى يفشل وربى شايله همه
انا الان تمام ومستنيه العمليه الى متخوفه من نتيجتها وانشاء الله ربى يسهل

[شخصية مستهدفه]

ما شاء الله احس الاسعار حلوة و معقولة

ما تعرفي كم سعر عملية الايادي عندهم

[ريم]

اهلين شخوصة
تسلمين يارب وعقبالك
صدقوني ياجماعة مارح تحسون بقيمة الرشاقة والنحف الا بعد مايصير الجسم مشدود رح تكبر الثقة بالنفس والخفة ..

[ريم]

منو
اي والله عاد الصدر بلاوي جابت اثنين ممرضات كل وحدة تمسك من جهة والله موقف زفت كنت اتمنى يخدروني وبعدين يخطون بس رحمة انها دكتورة لو دكتور مدري وش كان بيصير فيني

على فكرة بنات اللي مسوية عملية شد ولسه ببدايتها انصحها تكثر من شرب فيتامين سي وعصير البرتقال لانه يساعد على التئام الجروح بسرعة

[نور الدنيا]

الحمدلله على سلالالالالالالالالامتك ياعسل ^_^

[ام لينا]

المركز وين بالضبط باي مكان؟

[تعبت سمنه]

لااله الاالله ولاحول ولاقوة الابالله

ماشاء الله تبارك الله

اللهم صلي على محمد

اللف مبروك واخيرا ارتحتي من عذاب السمنه الحمدلله

يارب لك الحمد والشكر

اشكرك لكتابتك تجربتك

خلتني افكر بالدكتوره واحتطها بالحسبان بعد ما اخلص من الشحوم ياااااااااااااااااااااااااااارب

عقبالي وعقبال البقيه يارب

[ريم]

الحمدلله على سلالالالالالالالالامتك ياعسل ^_^


الله يسلمك يابطة عقبالك

[ريم]

لااله الاالله ولاحول ولاقوة الابالله

ماشاء الله تبارك الله

اللهم صلي على محمد

اللف مبروك واخيرا ارتحتي من عذاب السمنه الحمدلله

يارب لك الحمد والشكر

اشكرك لكتابتك تجربتك

خلتني افكر بالدكتوره واحتطها بالحسبان بعد ما اخلص من الشحوم ياااااااااااااااااااااااااااارب

عقبالي وعقبال البقيه يارب

الله يخليكي تسلمي وعقبالك
انا مانقص من قيمة الدكاترة ولكن تظل الوحدة فينا فيها شوية حياء من هالناحية ولكن هذا مايعني ان الدكاترة الرجال مو كويسين لا والله والنعم فيهم ولكنها قناعات شخصية

[متحورة من دبي]

ما شاء الله تبارك الرحمن

الحمد لله على السلامة ومبروووووووووك عليج الشكل اليديد

عندي سؤال ^_^ .. كم كان وزنج وكم نزلتي ويوم سويتي العملية كم كان؟؟

أنا سمنتي متركزة في البطن بعد.. وللأسف أنا من دبي من الإمارات .. وما أعرف دكاترة تجميل .. وللأسف عمليات التجميل ما تقدرين اتسافرين واتسوينها لأنها مو مثل التحوير كم يوم وخلاص ..

أنا بطني ألحين مترهل وأصلاً ما سويت رياضة وخاصة من تحت .. نفسي أشد بطني مع العانة وأملي المنطقة الخلفية

عادي أسويها وأنا بعدني مو متزوجة؟

[ريم]

ما شاء الله تبارك الرحمن

الحمد لله على السلامة ومبروووووووووك عليج الشكل اليديد

عندي سؤال ^_^ .. كم كان وزنج وكم نزلتي ويوم سويتي العملية كم كان؟؟
اهلين ياعسل تسلمين وعقبالك كان وزني 150 قبل السكوبينارو ونزلت عليها ماشالله نزول حلو ويوم سويت العملية كنت بالسبعينات

أنا سمنتي متركزة في البطن بعد.. وللأسف أنا من دبي من الإمارات .. وما أعرف دكاترة تجميل .. وللأسف عمليات التجميل ما تقدرين اتسافرين واتسوينها لأنها مو مثل التحوير كم يوم وخلاص ..

أنا بطني ألحين مترهل وأصلاً ما سويت رياضة وخاصة من تحت .. نفسي أشد بطني مع العانة وأملي المنطقة الخلفية

عادي أسويها وأنا بعدني مو متزوجة؟
انا بعد كانت سمنتى متركزة بالكرش وكان مترهل وطايح ويقرف فرحت للدكتورة وشالتها لي وشالت مني دهون وشدتها بقوس هلالي من تحت البطن وشدتلي الخصر وانا ماني متزوجة زواجي رح يكون بعد 5 شهور وهذا يمكن احد الاسباب اللي حمستني اسوي العملية بسرعة خاصة وان الدكتورة شاطرة مو مخلية للندبات اثر يبين

[هيون]

الف الحمد لله على السلامة ، ومبروووك النيو لوك يا قميل
ربي يسعدك ويفرح نظرتك
سعيدة لقراءة تجربتك ،ولنجاحها ولوصولك لهدفك
و.. سيروا ونحن من ورائكم
:)
على فكرة هذي المستشفى في الخبر والا وين ؟ لأني شايلة هم التخطيط اذا كان دكتور :( وودي بدكتورة في الرياض شاطرة ومجربينها

[sola]

الف ماشاءالله تبارك الله مبروك ياريم الرشاقة والشكل الجديد اكيد دوبك الي حسيتي برشاقتك الله يهنيكي ويديم عليكي الوشاقة والصحة والعافية

[ريم]

الف الحمد لله على السلامة ، ومبروووك النيو لوك يا قميل
ربي يسعدك ويفرح نظرتك
سعيدة لقراءة تجربتك ،ولنجاحها ولوصولك لهدفك
و.. سيروا ونحن من ورائكم
:)
على فكرة هذي المستشفى في الخبر والا وين ؟ لأني شايلة هم التخطيط اذا كان دكتور :( وودي بدكتورة في الرياض شاطرة ومجربينها

الله يسلمك ويعافيك وعقبالك
المستشفى هذي ايوة بالخبر مقابل الظهران مول .

[ريم]

الف ماشاءالله تبارك الله مبروك ياريم الرشاقة والشكل الجديد اكيد دوبك الي حسيتي برشاقتك الله يهنيكي ويديم عليكي الوشاقة والصحة والعافية
صح دويني حاسة بالرشاقة وبنفس الوقت بالالم "( الله يهونها هالفترة

[شوكلاته دايت]

الحمدلله على سلامتك ..
والله يهنيييك برشااااقتك ..

بصرااحه حمستيني ..
ان شاءالله اسوي تكميم .. وبعد ما أنحف ..
ابدا ارمم بنفسي ..

انا حااطه فبالي دكتوره ..
واذا ربي احيانا .. بعد كم شهر علميني عن شكل صدرك شلون صار وبطنك .. طيب
لان هالمستشفى احبه سبحاان الله ..

[ريم]

الحمدلله على سلامتك ..
والله يهنيييك برشااااقتك ..

بصرااحه حمستيني ..
ان شاءالله اسوي تكميم .. وبعد ما أنحف ..
ابدا ارمم بنفسي ..

انا حااطه فبالي دكتوره ..
واذا ربي احيانا .. بعد كم شهر علميني عن شكل صدرك شلون صار وبطنك .. طيب
لان هالمستشفى احبه سبحاان الله ..

اهلين سلمى

لا تحطي ببالك تسوي عملية شد من البداية دامك للحين مانزلتي وزنك ابدأي بعد عملسة التكميم برياضة وحاولي تشدين على نفسك بالرياضة لا تخلين حياتك تعتمد على التدخلات الجراحية دام فيه حلول ثانية استفيدي من تجارب غيرك ترى والله صايرين سمكرة :d انا ماتمنالك ولا لاي وحدة تسوي عملية شد الا لو كان عندها ترهل كبير وماقدرت تتداركه من الاول بالرياضة

[مجرد إحساس]

الله عليكي ياريم شجعتيني وحمسيتني وانا عمليتي الاربعاء ان شاء الله
ادعوا لي
والله صاير نومي قليل من كثر ماني متحمسة للعملية والنتائج الحلوة ان شاء الله

[ريم]

مجرد احساس

الله يقومك بالسلامة ويحقق لك اللي ببالك هانت خلاص

[كوكا]

ريووومه
الف الحمدلله على سلامتج ياقمر

تستاهلين كل الخير وربي

انا مسويه التحوير قبلج بيومين عند الدكتور سلطان
طبعا قلت له ابي السكوبينارو :0107: بس مارضى
قال لازم تكون كتلة الجسم فوق ال60
واكيد هو ادرى باللي يصلح لي

يلا الحمدلله على كل حال وربي يسهل

وربي فرحانه لج حيييل
ياستي انتي المثل الاعلى وان شالله
بنمشي على دربج والفال لنا قولي امين

مره ثانيه الحمدلله على سلامتج
يااحلا عروس:47:

[ضوى]

الحمدلله على سلامتك اختي ريم
مره افدتي الجميع بتجربتك
والحمدلله حمل كبييير ازلتيه منك

ربي يسعدك ويوفقك بحياتك الجايه

[ريم]

ضوى ... كوكا

تسلمون ياقماري مع اني والله ماتمناها لاحد انه يسوي شد من ناحية منظر مرة حلو ماشالله ولا كنت اتخيل بيوم اني اكون كذا بس من ناحية ألم :( لالالالالالالالالالالالالالالالالالالالالالالالالا

[hadeel]

شوقتيني ريم
ودي اشفط بطني
بس بسألك ما فكرتي تشيلين ذراعك او زنزدك
لا الترهل مو حلو فيهم

[قمرية مكة]

حمداً لله على سلامتك والله يلبسك ثوب الصحة والعافية .

[ريم]

اهلين هديل

لا انا الحمدلله ماكان عندي ترهل باليدين ولا الزنود ولا حتى الفخوذ لاني كنت اسوي رياضة

بس كان ترهل بالبطن ويوم نحفت اكتشفت ان ماعندي صدري عشان كذا بس سويت شد للبطن والخصر وسيليكون للصدر

[اربع رشيقات]

ماشاء الله تبارك الله تجربتك روعه ومحمسه

الله يتمم لك امورك على خير يارب


ابي اسألك عن الزنود(الذراعين) انا عندي هالمنطقه مره مليانه ومرتكز فيها الشحوم

تتوقعين لو اسوي تمارين يوميه ماتترهل؟؟

انتي كيف كانت عندك هالمنطقه قبل لا تنحفين؟؟

[سكر]

الف الحمدللة على سلامتك تكفين ياريم ابى اسالك انا مشكلتى ترهل افخاذى وابى اسالك لانك من الخبر مثلى عن الدكتور طاشكندى تعرفين احد جربة هو يعمل من سنين بمستشفى السعد وانا قد ولدت فية بجراحة قيصرية اكثر من مرة وارتحت للمستشفى لكن هاذى جراحة تجميل والموضوع يختلف طبعا وبعد قد سمعتى عن د-حجازى بما نع الخبرانا تعبت نفسيا من هاذاالمو ضوع ابى اعزم ولا ادرى وين الصالح فية ولا وين اروح بصراحة افضل دكتور ساعدينى ارجوك اذا تعرفين شى الف شكر اختى ريم

[ريم]

اهلين سكر

انا دروت كثير عن تجارب ناس مو عن سمعة مستشفى من هالناحية لان هذا اخطر شي التجميل

مااذم احد ولا احط بذمتي بس بالشرقية مافكرت الا بسمسباوة ولكنه استقال من مستشفى سعد والدكتور حجازي بس عيبه صاير وقت العملية يرسل احد مايسويها هو بنفسه والاخيرة اللي انا سويت عندها اماكانيات المستشفى كبيرة والدكتورة مرة شاطرة

لكن انا مو مرة خبيرة بالمجال هذا فتقدرين تسألين اكثر لو حبيتي ولو ككان البحرين سهلة تروحينها فيه عبير الكبيسي مرررررررررررررررررررررررررررررة ممتازة

[اربع رشيقات]

ماشاء الله تبارك الله تجربتك روعه ومحمسه

الله يتمم لك امورك على خير يارب


ابي اسألك عن الزنود(الذراعين) انا عندي هالمنطقه مره مليانه ومرتكز فيها الشحوم

تتوقعين لو اسوي تمارين يوميه ماتترهل؟؟

انتي كيف كانت عندك هالمنطقه قبل لا تنحفين؟؟

:donublush:

[ريم]

اربع شقيقات

انا الحمدلله ماكان عندي ترهل من الاساس بالمنطقة هذي

[rote]

ما شاء الله ،، الله يتمم عليكِ الرشاقه و الصحه و العافيه يا رب . .

مبروك الجسم الجديد :)

[koookaa99]

مبروووك على هالخطوة الجريئة
وحمدالله على السلامة
والفال لي إنشاء الله

[الوفاء الخالد]

الله يبارك لك يارب ويهنيك وانتي بصحه وعافيه
وعقبالي يارب ان كان لي خير فيها

[احبك دايم]

مشكورة بصراحه كلامك مطمن

[ام السيف]

ماشالله ومبروك والله يتمم عليك
وين سويتيها انا من جده وش تنصحيني فيه

[أحلم بالرشاقة]

حبيبتي ريم الف مبروك نجاح عمليتك و تتهنين بجسمك الجديد يااااارب

عندي كم سؤال لو تكرمتي

** كيف آثار عملية شد البطن؟ كيف لون الجرح؟ مأثر على نفسيتك ولا لا وهل ناويه تسوين له شي معين زي الليزر وكذا؟

** كم حجم السيليكون اللي حطيتيه في صدرك؟ و وين حطته الدكتورة تحت ولا فوق العضلة؟؟
وكيف اثر الجرح حق الصدر؟؟

وشكررررا

[جرح المودة]

الحمدلله على سلامتك


ومبروك عليك اللوك الجديد

عقبالي يارب

بسألك بالنسبة للصدر كيف وضع الرضاعة الطبيعية

[نبض المشاعر]

ياريت احد يفيدنا عن الدكتورة عطف
في شد الاذرع
كم الكلفه وكيف الالم

[انثى متوحشة]

مبروك عليك اللوك الجديد الله يهنيك به

[nado]

مبروووك عليك نجاح العمليه حبيبتي..

انا بالشرقيه ومحتااااره مره ماادري وين اسوي العمليه كنت حاطه في بالي دكتور سمباوه بس للاسف راح لجده فياليت تقولين لي اسم الدكتوره الى سويتي عندها وهل سمعتي احد سوى عندها عمليه تكبير الصدر؟ واذا لا وش يقولون عنها؟؟

ويعطييك ربي الف عافيييه.

[قمرية مكة]

مبروووك عليك نجاح العمليه حبيبتي..

انا بالشرقيه ومحتااااره مره ماادري وين اسوي العمليه كنت حاطه في بالي دكتور سمباوه بس للاسف راح لجده فياليت تقولين لي اسم الدكتوره الى سويتي عندها وهل سمعتي احد سوى عندها عمليه تكبير الصدر؟ واذا لا وش يقولون عنها؟؟

ويعطييك ربي الف عافيييه.

أختي الدكتور سمباوة صح في جدة ولكن لم يعمل ولا في أي مستشفى أو مركز إلى الآن .

[يتومـه]

يا رب يوفقج حبوووبة

[ام خليلووو]

ماشاءالله تبارك الله

[بسمة حياتي]

الله يهنيك بالنتيجه ياريم ,الحشوه كم سي سي؟وكيف شكل الجرح حول الحلمه او حرف تي مقلوب اوجرح تحت الصدر ؟وهل الحشوه فوق العضل او تحت العضل؟وشكرا

[بنت محمد]

معليش شلون ندبة؟؟

هل كان صدرك طايح؟؟

مافيه جراحه وخياطه يعني والحجم تغير او نفسه بس انشد؟؟

[*haifa*]

الله يسعدك على هذا الموضوع كثير استفدت منه واشكرك على سعت صدرت وردك على جميع الاسئله
واتمنى ان ربي يسعدك وويوفق وييسر زواجك ويرزقك بالذريه الصالحه

[سهر الليالي]

مبروك عاللوك الجديد
والله يسعدك ياقمر
بس حبيت أسأل عن تكاليف التحاليل والأشعه
هل هي من سعر العمليه يعني 18 ألف فقط
واذا ماعليك أمر رقم تلفون المستشفى000ضروووووووووووووووووووووووووري
أخير لقيت دكتوره
لأنو أخذت موعد مع الدكتوره عبير الكبيسي بالبحرين
واحس سعرها غالي كتير 25 ألف ريال
بدون الأشعه والتحاليل
الله يوفق لا تتأخرين علي
0000سهوره000

[بنت محمد]

الف الحمد لله على السلامة

ابي افهم وشو الي تشدونه بالخصر؟؟

طيب ابي افهم هل تقصدون الضهر الصفطات الي فيه


ياربيه ودى احقق قوه بس شلون:(

[سهر الليالي]

ها حبوبه وينك
0000000000

[جوجو1111]

كيف حالك اخت ريم انا مسويه عملية تكبير صدر عند نفس الدكتورة وحابه اسئلك كم سؤال اذا ممكن

[جوجو1111]

الاخت سهر الليالي العمليه قيمتها 18000 داخله معها التحاليل بدون اشعه المامو جرام وبدون المشد
الماموجرام 600
المشد 1140

[جوجو1111]

اخت متى حسيتى انو الم الصدر خف وهل تعاني من شد وضغط في صدر اكثر من الثاني
لاني مسويتها وصارلي اسبوعين ومو مرتاحه شد في جهة الوسط بين الصدرين اليمين اكثر من اليسار ابغى اعرف حتى انتي كدا وهاذا طبيعي ولا لا شكرا شـكــ وبارك الله فيك ـــرا لك ... لك مني أجمل تحية .

[الحياة حلوة]

صباح الخيرر ياحلوين ...
جوجو حبيت اسألك كم مقاش الحشوة ؟ووين حطتها لك فوق العضله ولا تحت وايش تفرق؟

[جوجو1111]

مقاسها 350
خلف العضله

[sola]

ريم فينك طمنينا عليكي
حابة اسألك كيف جرح الصدر بالزبط ممكن توصفيلي

[تونه الكويت]

للرفـــــــــــــع

[لولو_نايت]

الله يهنيك يا ريم، وعقبال لما تكوني راضية الرضى التام .

[هنـــد]

الف الحمدلله على سلامتك ريم

حبيت اسألك اذا مثل ما يقولون، عملية شد وتكبير الصدر تفقد الأحساس بالحلمة؟

أنشالله يارب عقبال ماأعمل العملية قريب وأبدا حياة التغيير! :thumbup:

[ســـــــــــــناء]

اختى الله يجزاك خير ممكن تعطيني رقم الدكتوره او رقم عيادتها ابغي احجز موعد عندها تكفين اختى ارسلي رقمها او اي رقم يدلني عليها

والحمد الله على سلامتك

[نورالتحرير]

الحمدلله على السلامة ألف مبروك .. لقد سعدت بهذا الخبر

[sun55]

روعه الله يهنيك بس حبيت اسالك عن فتره النقاهه كم وقتها وهل تفضلي على المسكنات كثير وبالنسبه للسلكون هل لازم يتغير مع الوقت والترهلات هل تروح مع عمليه الشد سامحيني اسالتي كثيره
بس الحمد لله على سلامتك وتجربتك مطمئنه بالنسبه لتهويل بعض التجارب الاخرى يعني نفسي اسوي خصري وصدري بس اخاف من الالم عموما استمتعي بالنتيجه وعيشي حياتك بعيد عن الترهلات والزوائد

[نديم السهر]

مشاء الله هنيا لك

والله حمستيني انا ساكنه قريب من المستشفى بس احس محد يجيه

وامانه الدكتوره زينه

طيب ورتك صور لعمليات سوتها قبل وبعد

وشد البطن كيف مرتب مو كانه مفصول

تدرين بطني متجعد وطايح وانا ضايق صدري وخايفه

وطيب هي مكلفه وشلون ادبر المبلغ والله فشله اطلب من اهلي

انا متزوجه وعندي 3اطفال وافكر احمل

طيب د سلطان وينه باي مستشفى

اقدر اروح تكشف عليه واعرف كم تكلفني
وبكم الكشف وهل فيه خصم لمنسوبي القوات الجويه

يارب يهنيك بجسمك

[لمسة حنان]

مشاءالله عليك ريمووو
مبروووووووووووووووووك الانجاز حياتووو

وان شاءالله مازلتي رشيقه بعد التعب

سوالي قلبي

هو اثار العمليه واااااااااااااااضح وكم نسبت الوضوح الله يسعدك؟

وشو ماركه حشو السيلكون ؟

وشو احسن طريقه للتكبير الصدر خبرتك الدكتوره ؟؟؟

وتكبير الصدر بالسيلكون مايضر اثناءا الحمل الارضاع واوقات الدوره عادي حجم الصدر ولا يكبر شوي ادا عندك ملعومه افيدني ؟؟

والعمليه كم غرزه ولا في شي ليزر الخياطه ؟

وادا عندك رقم لعياده اكون شاكره

وتنصحيني اروح للدكتور ه ولا لاااااااااااااااااااااااااااااااا


والله يعطيك كل ماتتمني واكثر ويسهلي امر العلمليه

لا تبخلي علي بكل معلومه تفيدني