عملية شد "مجرد إحساس" من الألف إلى الياء

[مجرد إحساس]

بسم الله الرحمن الرحيم

السلام عليكم ورحمة الله وبركاته

قبل كل شي نبذه بسيطه عن الدكتور : ابراهيم اشعري ، اخلاق راقيه ، ثقافة عالية ، باله طويل ، صدره وسيع ، يستوعب المريض ، غير الاحترام اللي يفرضه على الشخص اللي قاعد معاه ، تعامله جدا ممتاز ايش اقول وايش اخلي بصراحه دكتور ماشفت زيه


انا بكلمكم اليوم عن عمليتي ( عملية الشد )

بعد ماسويت عملية التحوير لي حاليا سنة ونص قررت اني اسوي عملية الشد لانه بصراحة الشد كاسر خاطري ومو مفرحني بنتيجة نزول وزني الحمدلله طبعا كنا فينا وصرنا فينا بس الحلو مايكملش :) وقلت ان شاء الله بإرادة الله اكمله وبالفعل بدأت ابحث عن دكاترة التجميل واقرأ عن هذا واسمع عن هذا واتصل بهذا بس سبحان الله ماادري ليش ارتحت للدكتور إبراهيم أشعري بس ايش يادخت عليه دوخة صرت ادوره بشمعه اتصلت على كل العيادات اللي كان يشتغل فيها ماله اثر في النت مافي احد يعرف له لا عنوان ولا رقم اثنين معانا في المنتدى سوا العملية عنده ارسلت لهم على الخاص ماردوا عليه ان شاء الله يكونوا بخير وفي اتم صحة رحت لدكتور تجميل عشان بشرتي وقلت خليني اسأله عنه وبالفعل سألته مامدح لي فيه بس ماارتحت لكلامه حسيت انه في بينهم شي طنشت كلامه واستمريت في البحث بس فجأه جاتني مرحلة فتور وقفلت على موضوع البحث ، وسبحان الله ارادة الله فوق كل شي ، وصلني على الايميل بروشور كامل عن الدكتور إبراهيم برقم عيادته برقم جوال العيادة بكل العمليات اللي يسويها يالله فرحت طرت من الفرح واتصلت على بنات خالتي وعلى زوجي وقلت له خلاص هذي دلاله على انه هذا دكتوري ومن هنا يبدأ المشوار :)

اتصلت على العيادة واخذت موعد عند الدكتور ابراهيم اشعري على يوم الأربعاء كزيارة اولية اشوف الدكتور واتكلم معاه وكذا وبالفعل رحت له وسألني ها ايش ناوية تسوي ؟ قلت له ابغى اسوي يدي وصدري وبطني وفخذي ، قال المرتبة الاولى اللي حاسه انها مأزمتك ايه ؟قلت له بصراحه بطني وبعدين صدري ، قال طيب اوكي نسوي البطن والصدر اما الافخاذ خليها في المرحلة الثانية بعد 6 او 7 شهور ، اما اليد مرة ماانصحك فيها ولو اني اسويها كويس بس صدقيني في الحالتين ماراح تلبس كت هذي نصيحتي سوي رياضه اي شي بس عملية لا وانت حرة :)
قلت له يادكتور اصلا انا مبعده هذي الفكرة من راسي بخلي يدي اخر شي بفرح ببطني وصدري وافخاذي وبعدين اشوف الايادي :)

وهنا بدأنا المرحلة الثانية

قال تعالي اكشف عليكي كسيفة بس مابيدنا حيلة بس كلامه مرة فرحني شاف صدري في البداية قال ايوه مرة مترهل تحتاجي سليكون قلت له لا يادكتور اخاف من الاضافات قال لو فيها ضرر انا مااسويها بس انت صدرك مرة صغير ومترهل ولو بس شلت الشد ورفعته ح تدعي عليه ليل ونهار انا لازم اضيف لك كلامه ريحني واقنعني ووافقت وحط لي مقاس 350 والخياطة بس حولين الحلمة

والمرحلة الثالثة

شاف بطني قال اووه مترهل كثير اركعي ركعت مسك جزء من بطني قال شايفه هذا كله ح اشيله قلت له هو المطلوب بس قال شكل عضلاتك كويسة قوية انت كنت تسوي رياضه قلت له زمان وتركتها بس كنت امشي 3 ايام في الاسبوع قال طيب كويس لو شفت عضلاتك كويسه ماراح اشيلها لو شفتها تعبانه ح اشيلها وبفضل الله ماشالها قال مرة جيده وشال كيلو من الجلد الزايد من بطني وقال بالنسبة لمتحورة وشدة ترهلك تعتبري a+ يالله فرحني بهذي الكلمة

المرحلة الرابعة

خلاص اخذت موعد ليوم الإثنين عشان نحدد موعد العملية واخذت نظام غذائي معين يقول ماابغاك تزيدي بعد العملية ولاتنقصي والظاهر اني قاعده انقص لانه نفسي مسدوده عن الاكل مع المشد الضاغط المهم اخذت الاوراق ووقعت عليها ودفعت المبلغ كامل 50000 الف ريال 20000 الف ريال للصدر و 30000 ريال للبطن وقال تعالي بكرة الثلاثاء عشان تسوي التحاليل يصير يوم الاربعاء على طول تدخلي العمليات رحت سويت التحاليل واخذوا مني في المستشفى 250 ريال فقط

المرحلة الخامسة ( يوم العملية )

مشيت من بيتي الساعة 7 صباحا ووصلت جدة الساعة 9 كانت الطرق زحمة وصلت مستشفى هالة عيسى بن لادن واخذتني السستر شافت الضغط والحرارة واتوكلت على الله وطلعت غرفتي 301 جناح ملكي رقم 1 قعدت وانا ماادري العملية الساعة كم كل ماسألت احد قال ماندري ، الساعة 11 الا ثلث جاك الموت ياتارك الصلاة :) جاتني السستر يالله البسي عشان عملية يالله قلبي بدأ يدق واول مرة اخاف زي كذا ماادري ليش ، قرأت كل القرأن دخلت الله يكرمك الحمام غيرت ملابسي ونزلت بدء يرسم على جسمي من 11 الا ربع الين الساعة 11 وربع قلتله دكتور ابغى اشوف دكتور التخدير ، قال خايفة قلت له واثقه فيك بس خايفة من دكاترة التخدير من كثر مانسمع عنهم قال ثقي تماما طاقمي كله انا عارفة ومااخلي احد يشتغل معايه وهو مو أهل لهذا الشي :) واتوكلت على الله ونمت على السرير ، جا دكتور التخدير مصري لحيته طويلة اعطاني ابرة في ايدي اليسار مالقي شريان والا وريد والاايه ماني عارفة شالها قلت يوه فال مرة مو حلو ، قال معليش لكي غزة عندنا بكل برود ، شال الابرة وحطها في يدي اليمين ومشي الامر تمام قلت الحمدلله وبدأ المفعول يسري ولا حسيت بشي بعد كذا

المرحلة السادسة

اول شي حسيت فيه لمن شالوني من سرير العمليات وانا في غرفتي لسرير نفس الغرفة ياسلام شعور حلو حاسه انهم شايلين فراشه كل مرة احس انهم يشيلوا فيل هندي هههههههههههههههه مرة ماني حاسة بألم بس بنام نمت وقمت نمت وقمت جا الدكتور شافني قال انت كويسه وهذا الحال اللي فيكي طبيعي من البنج وقال لبنت خالتي انه ممكن ترجع هذا شي عادي طبعا انا ماسمعت هذا الكلام بس بنت خالتي تقولي الله يسعدها تعبتها معاية مرة

المرحلة السابعة والاخيرة

قمت من سريري في الليل عشان لازم امشي شوية خايفين من الجلطات قمت من السرير اتوقعت ح امشي وظهري منحني وحالتي حالة بصراحة مشيت عادي وظهري مرفوع وكل اموري تمام ولا فيه ولا شي يوجعني استغربت قلت ان شاء الله خير ويستمر شعوري هذا على طول مو بس اول يومين عشان المسكنات الالم كان في صدري وكان بسيط جدا جدا جدا رحت الحمام عزكم الله وشفت صدري واو فرحت به جدا ولو انه لسه متورم وشفت بطني الله واااااااااااااااااااااااااو تجنن حتى الاسترتش مارك خفت كثير وانا فرحانه جدا وسرة جديد شياكه هههههههههههه الشي الوحيد اللي كان خايف منه الدكتور انه ضغطي انخفض قال لازم تشربي عصيرات حلوة كثير عشان ضغطك غريبة ليش ضغطك انخفض وبعد كذا رجعت الامور زي الاول واحسن ورجعت بيتي يوم الجمعة بعد الصلاة واتغديت مع عيالي :)

اتمنى لكل انسان مقدم على عملية الشد انه لايستخسر في نفسه الفلوس لانه العمر اغلى من الفلوس ويبحث عن دكتور ممتاز ويكون هو مرتاح وقبل هذا كله الاستخارة في كل خطوة انا ماخليت احد الا ماقلت له صلي لي الاستخارة :)

وجاتني خالتي زارتني واختي بنات خالاتي وناسة شربت قهوة وكيك وعصير وبيتزا وكل شي طبيعي بس النفس مسدودة مع هذا المشد الضاغط الله يفكني منه على خير

نسيت نقطة ماحط لي غير درنق واحد في بطني والاحد ان شاء الله يشيله وارتاح منه لانه جايب لي القلق

اي سؤال حاضره ولو اني ماخليت شي ماكتبته كثرت كلام بس فرحانه بالنتيجة وان شاء الله ربي يتمم عليه الفرحة

[نـــــورة]

الحمد لله على سلامتك يارب

وماقدامك الا العافية

وكلامك وافي وكافي

بس عملية الصدر شد + تكبير

الشد كيف الاثر حقه

شكرا

والف سلامة يارب

[Hanan Ali]

حمدا الله على السلامةويارب تكملي مشوارك وانت بالف خير وعافية...اعتبر عمليات التجميل الخطوة الضرورية بعد عمليات السمنة ...برافو عليكي .

[تعبت اعاني]

حمدالله ع السلامه
موفقه بإذن الله ... لك مني أجمل تحية .

[غصات الحنين]

الف الحمدلله على سلامتك يالغالية

[مرتاح]

مشاء الله عليك الله لا يضير عليك
باين انك فرحانه من كلامك الله يجعله دوم يارب
بصراحه الموضوع شدني مررره لإكمال القراءه

لاني حاس اني من الضروري اسوي شد

الله يوفقك ولا يغير عليك

[بنفســـــج]

الف الحمد لله على سلامتج

وناااااااااسة خلصتي من اول الشد ربي يتمم عليكي

حبيبتي بسإلك عن شد الصدر , انا الدكتورة قالت لي الجرح راح يكون على شكل حرف t مقلوب !؟ انتي تقولين فقط حول الحلمة ؟ صحيح !

[اربع رشيقات]

الحمد لله على سلامتك ماشاء الله عليك اسلوبك رائع في الطرح مشوق ووافي وشامل ومختصر

الله يوفقك

[مجرد إحساس]

الحمد لله على سلامتك يارب

وماقدامك الا العافية

وكلامك وافي وكافي

بس عملية الصدر شد + تكبير

الشد كيف الاثر حقه

شكرا

والف سلامة يارب

الله يسلمك ياقلبي

ايوه شد صدر وتكبير لانه قالي صدرك مرة صغير

الاثر حولين الحلمة فقط طبعا لسه ماشفته لانه مغطى بس يوم الاحد بشوفه لانه ح يعملي جلسة ليزر عشان الاثر يختفي ويعطيني مرهم

[مجرد إحساس]

الف الحمد لله على سلامتج

وناااااااااسة خلصتي من اول الشد ربي يتمم عليكي

حبيبتي بسإلك عن شد الصدر , انا الدكتورة قالت لي الجرح راح يكون على شكل حرف t مقلوب !؟ انتي تقولين فقط حول الحلمة ؟ صحيح !

الله يسلمك ياقلبي اي والله وناسة بس باقي لي الافخاذ ان شاء الله الخطوة الجاية ولو اني خايفة ماادري ليش صاير جبانه يمكن من اللي حولي :)

بالنسبة لشد الصدر والتكبير بس حول الحلمة لا حرف تي ولا شي ، الدكتور قال هذي طريقة جديده انا اسويها وبيني وبينك انا شفتها في قناة Enterteiment هذي قناة في الشو تايم فعلا حول الحلمة فقط
اتاكدي من دكتورتك وشوفي غيرها لاتستعجلي

[مجرد إحساس]

حنان علي ، تعبت اعاني ، غصات الحنين ،مرتاح ، اربع رشيقات

الف شكر لتواجدكم ودعائكم لي وفرحكم لي :)

عقبالكم اذا كنتوا محتاجين شد :)

[بنفســـــج]

الله يسلمك ياقلبي اي والله وناسة بس باقي لي الافخاذ ان شاء الله الخطوة الجاية ولو اني خايفة ماادري ليش صاير جبانه يمكن من اللي حولي :)

بالنسبة لشد الصدر والتكبير بس حول الحلمة لا حرف تي ولا شي ، الدكتور قال هذي طريقة جديده انا اسويها وبيني وبينك انا شفتها في قناة enterteiment هذي قناة في الشو تايم فعلا حول الحلمة فقط
اتاكدي من دكتورتك وشوفي غيرها لاتستعجلي


تسلمين حبيبتي على الرد

وان شاء الله ربي يكتب الخيرة ان شاء الله

[مجرد إحساس]

الله يسلمك ياقلبي

[ميمونه]

الف الحمدلله على السلامه
ما شاء الله لا قوه الا بالله تبارك الله
يارب دوم الفرحه ماتفارقك بالنتائج الحلوه
والنفسيه الاحلى
وان شاء الله لما تفرحي بالباقي

[ميمونه]

نسيت اسألك عن السليكون
هلى تحتاجى تغيريه بين كل فتره واخرى؟

[ما يعجبنى شئ]

الحمدلله على السلامه

[المنال]

اول الشئ الحمد لله على السلامه وربى يتمم عليك
بغيت اسئلك عن شد الصدر انا الى اعرفه اذا كانت العمليه بس حول الحلمه معناه بس عشان السلكون يعنى مافى شد ودائما اشوفه فى اليوتيوب ومن سنين
بس الحجم الى حطلك اياه مره كبير فاشك انه شد احس انه عباه لك بسلكون بدون شد يعنى اكتفى بحجم السلكون
اما اذا كان فيه ترهل بدرجه كبيره فلابد من حرفt زى ما قالت بنفسج وطريقه حول الحلمه طريقه قديمه ويتبعونها معظم الاطباء
بس بستفسر اكثر من الطبيب الى بيسويلى الصدر وبكلم د- ايمن واتاكد

[متفائله]

ماشاء الله تبارك الرحمن , الله لآيضرك ويديم عليك الصحه والعافيه والوناسه

[طبيعي]

الف مبروك الحمدالله على السلامه

القصه وايد حلوه يالله انشالله الفال لي ولكل حد جسمه مترهل بجد شعور حلو

[فراوله نجديه]

مبروك نجاح عمليتك الله يهنيك فيها يارب

[مجرد إحساس]

نسيت اسألك عن السليكون
هلى تحتاجى تغيريه بين كل فتره واخرى؟

الله يسلمك اللهم أمين

سالته هل له حد افتراضي قال لا ماله :)

[مجرد إحساس]

الحمدلله على السلامه

الله يسلمك حبيبتي

[مجرد إحساس]

اول الشئ الحمد لله على السلامه وربى يتمم عليك
بغيت اسئلك عن شد الصدر انا الى اعرفه اذا كانت العمليه بس حول الحلمه معناه بس عشان السلكون يعنى مافى شد ودائما اشوفه فى اليوتيوب ومن سنين
بس الحجم الى حطلك اياه مره كبير فاشك انه شد احس انه عباه لك بسلكون بدون شد يعنى اكتفى بحجم السلكون
اما اذا كان فيه ترهل بدرجه كبيره فلابد من حرفt زى ما قالت بنفسج وطريقه حول الحلمه طريقه قديمه ويتبعونها معظم الاطباء
بس بستفسر اكثر من الطبيب الى بيسويلى الصدر وبكلم د- ايمن واتاكد

شوفي ياقلبي انا ترهل صدري مرة شديد بس مشكلة صدري انه حجمه صغير فقال لازم سليكون
والسليكون كفيل بالشد اصلا :)
لو شد من غير سليكون هو قال ح افتح لك من تحت وحول الحلمة وح تطلع النتيجة غير مرضية وح تدعي عليه ترى

[مجرد إحساس]

ماشاء الله تبارك الرحمن , الله لآيضرك ويديم عليك الصحه والعافيه والوناسه

اللهم امين
الف شكر على الشعور الحلو اللي لمسته من الكل :)

انا مافي الم بس المشد مرة متعب :(

[مجرد إحساس]

الف مبروك الحمدالله على السلامه

القصه وايد حلوه يالله انشالله الفال لي ولكل حد جسمه مترهل بجد شعور حلو

الله يبارك فيك ، الله يسلمك ان شاء الله

عقبال كل شخص محتاج ربي يسهل امره ويسوي عملية شد ناجحة

[مجرد إحساس]

مبروك نجاح عمليتك الله يهنيك فيها يارب

الله يبارك فيك ، وعقبال ماتنجح عمليتك وتجي تطمنينا عنك وانت فرحانة بنجاح العملية

[ريم]

الف حمدلله على سلامتك سامحيني طولت عليكي لاني كنت تعبانة اليومين الماضية الجرح عندي التهب وسبب لي ازمة

امس رحت شلت الضمادات من صدري والحمدلله كنت خايفة يكون فيه خرايط بس طلع ندبة من تحت الصدر عشان تشوفينها لازم ترفعين الصدر لفوق يعني لو انا واقفة او نايمة ماتبين ابدا والحمدلله بس تصدقين احس ان فيه سيليكون بصدري ههههههههههههه يمكن لاني مو متعودة يكون عندي صدر كذا

[ميمونه]

الله يسلمك اللهم أمين

سالته هل له حد افتراضي قال لا ماله :)

اشكرك على الرد عزيزتى
بس غريبه !
لانى شفت مره فى برنامج the doctors انه يفضل تغييرها كل 10 سنوات
وان هذا ينطبق على اي حشوه بالجسم حتى لو كانت حشوة اسنان

[المنال]

فى وحده مسويه صدرها من شهر تقريبا تقلى ان العمر الافتراضى له 7 سنين مدرى ها المعلومه صحيحه او لا

[الامل المشرق]

اولا
اعتذر على التأخر في قراءة الموضوع والتعليق


ما شاء الله ولا قوة الا بالله

قصة رائعة وتجربة فريدة

متعك الله بالصحة والعافية والرشاقة

وحفظك ربي من كل عين حاسدة


وان شاء الله تعالى يستفيد الجميع من تجربتك

موفقة باذنه تعالى

[حلاوه قطن]

الف مبروك علي اللوك الجديد
يعني الدكتور عملك سيليكون بس من غير شد ولا شئ ؟؟؟
ب20 الف ريال سعودي؟؟؟
والله كتير
انا ابغا اسوي سيليكون بس ما ابغا العمليه تتعدي ال15 الف ريال
تعرفو احد يعملها بهادا السعر؟؟؟

[قمرية مكة]

حمداً لله على سلامتك ، والله يتمملك بالصحة والعافية .
إن شاء الله سوف أعمل عنده يدي وصدري مع بعض بس الله ييسر عملية بطني الشدّ + الفتق في مستشفى الملك فهد أولا .

[:: بنت البحر ::]

ماشاء الله عليك عقبالي يارب

حتى انا شفت في اليوتوب طريقه شد والجرح من الحلمه مو حرف t

[sola]

الف الحمدلله على سلامتك الله يتمم شفاكي ويفرحك دايما زي عملية صدري انا داذرية حول الحلمة تكبير وشد

[صعبة المنال]

الله يعطيك العافيه
ونتايج تصير ممتازه ولاحسن
القصه جدا رائعه ومختصره

فرحت لك واستفدت من التجربه لان ناويتها بس ضاق صدري من السعر المبالغ فيه :(
يعني من حسابي غسلت يدي نهائي
مالنا الا الحكومي والحكومي فرص وانتظار ومعناة بس ان شالله الله يكتبها لنا ونسويها
الله يعطيك العافيه

[المنال]

الف الحمدلله على سلامتك الله يتمم شفاكي ويفرحك دايما زي عملية صدري انا داذرية حول الحلمة تكبير وشد
مدامك مسويه عمليه للصدر ليه ما قد قلتى تجربتكى:sleeping:

[مجرد إحساس]

الف حمدلله على سلامتك سامحيني طولت عليكي لاني كنت تعبانة اليومين الماضية الجرح عندي التهب وسبب لي ازمة

امس رحت شلت الضمادات من صدري والحمدلله كنت خايفة يكون فيه خرايط بس طلع ندبة من تحت الصدر عشان تشوفينها لازم ترفعين الصدر لفوق يعني لو انا واقفة او نايمة ماتبين ابدا والحمدلله بس تصدقين احس ان فيه سيليكون بصدري ههههههههههههه يمكن لاني مو متعودة يكون عندي صدر كذا

الله يسلمك ، وسلاماتك عليه ماتشوفي شر

الله يتمم عليكي العافية يارب

والله انك صادقة ماتعودنا على صدر مشدود هههههههههههههه

[مجرد إحساس]

اشكرك على الرد عزيزتى
بس غريبه !
لانى شفت مره فى برنامج the doctors انه يفضل تغييرها كل 10 سنوات
وان هذا ينطبق على اي حشوه بالجسم حتى لو كانت حشوة اسنان

والله انا سالته وقالي مالها عمر افتراضي
يمكن برنامج دكتور هذا قديم والعلم كل يوم فيه شي جديد وانت عارفةهذا الشي

[مجرد إحساس]

فى وحده مسويه صدرها من شهر تقريبا تقلى ان العمر الافتراضى له 7 سنين مدرى ها المعلومه صحيحه او لا

الدكتور قال مالها عمر افتراضي والعلم عند الله

وياستي الله يطول اعمارنا احد ضامن بكره فيه ايه :)

[مجرد إحساس]

اولا
اعتذر على التأخر في قراءة الموضوع والتعليق


ما شاء الله ولا قوة الا بالله

قصة رائعة وتجربة فريدة

متعك الله بالصحة والعافية والرشاقة

وحفظك ربي من كل عين حاسدة


وان شاء الله تعالى يستفيد الجميع من تجربتك

موفقة باذنه تعالى





اللهم امين

ومشكور على المرور :)

[أم غند]

الحمد لله ع سلامتك

[عشرينية]

الله يسلمك اللهم أمين

سالته هل له حد افتراضي قال لا ماله :)


السليكون له عمر افتراضي من 5 الى 10 سنوات هذا الكلام يشمل حتى اخر جيل من اجيال اكياس السليكون للصدر بس عموما هالنقطه من صالحنا كنساء لان الصدر سريع الترهل بعوامل الوزن والحمل والولادة والهرمونات فكويس ان الوحده تضطر تسوي له رفريش كل كم سنه !!

الحمدلله على السلامة يالغلا وتتهني بالجسم الجديد وشفاء عاجل بإذن الله

انا اتوقع ان جرحك حول الحلمه بس لان اصلا صدرك ماكان كبير لما كنتي سمينه
كم كنتي تلبسين مقاس الكب حق البراا ؟
انا اتوقع لو كنتي تلبسين c مثلا ونحفتي وترهل صدرك ترهل شديد وبيسوون له صدر وسليكون حتى لو حجمها 350 لازم يسوون لك جرح من تحت لانه تخيلي لو صار قص الجلد الزائد من حول حلقه الحلمه بس
كان يتوسع محيط الدائره اكثر واكثر ويصير اكبر من هالة الحلمه وش بيسوون بهالفراغ يكرمشون الجلد مثلا عشان يتخيط حوالين الحلمه؟!

صدرك كان حجمه متوسط فالسليكون عباه ولا احتاج لشد شال الحلمه ودخل السليكون اللي عبى الصدر وخلاه مشدود بدون ازاله جلد ورجع خيطها بس

[شخصية مستهدفه]

ما شاء الله تبارك الله

الحمدلله على سلامتك

ربي يسهل لكل المقبلين على الشد

حوووووووووسه استغفر الله العظيم

[المنال]

ما شاء الله تبارك الله

الحمدلله على سلامتك

ربي يسهل لكل المقبلين على الشد

حوووووووووسه استغفر الله العظيم
وربى حاسه فيك عاد اصعب شئ اتخاذ القرار
انا اتخذته واحسنى مشوشه

[مجرد إحساس]

الحمد لله ع سلامتك

الله يسلمك يارب من كل شر

[مجرد إحساس]

السليكون له عمر افتراضي من 5 الى 10 سنوات هذا الكلام يشمل حتى اخر جيل من اجيال اكياس السليكون للصدر بس عموما هالنقطه من صالحنا كنساء لان الصدر سريع الترهل بعوامل الوزن والحمل والولادة والهرمونات فكويس ان الوحده تضطر تسوي له رفريش كل كم سنه !!

الحمدلله على السلامة يالغلا وتتهني بالجسم الجديد وشفاء عاجل بإذن الله

انا اتوقع ان جرحك حول الحلمه بس لان اصلا صدرك ماكان كبير لما كنتي سمينه
كم كنتي تلبسين مقاس الكب حق البراا ؟
انا اتوقع لو كنتي تلبسين c مثلا ونحفتي وترهل صدرك ترهل شديد وبيسوون له صدر وسليكون حتى لو حجمها 350 لازم يسوون لك جرح من تحت لانه تخيلي لو صار قص الجلد الزائد من حول حلقه الحلمه بس
كان يتوسع محيط الدائره اكثر واكثر ويصير اكبر من هالة الحلمه وش بيسوون بهالفراغ يكرمشون الجلد مثلا عشان يتخيط حوالين الحلمه؟!

صدرك كان حجمه متوسط فالسليكون عباه ولا احتاج لشد شال الحلمه ودخل السليكون اللي عبى الصدر وخلاه مشدود بدون ازاله جلد ورجع خيطها بس


ماشاء الله علينا صرنا دكاترة :)

انا كنت البس الكب بي
وبالفعل هو سوى اللي قلتي عليه بس عبا الفراغ بالسليكون مااحتاج يشيل شي
حاسه انه مو صدري بس مستانسة عليه :)

[مجرد إحساس]

ما شاء الله تبارك الله

الحمدلله على سلامتك

ربي يسهل لكل المقبلين على الشد

حوووووووووسه استغفر الله العظيم

الله يسلمك من كل شر يارب

اللهم امين :)

ويسهل للي باقي له شي في جسمه ماشده لوووووووول

[مجرد إحساس]

منو ان شاء الله سهالة

خلاص احنا تعودنا على العمليات

بس تدروا ايش المشكلة ،، المشكلة اننا صرنا واعين اكثر وعرفنا كل شي عشان كذا قلقنا زاد واسالتنا زادت

[تعبت اداوي]

ماشاء الله الله لايضرك

ويهنيك

اتصدقين انو انا احس اني مرتاحه للدكتورين
زيك احس ودي اسوي تحوير عند الدكتور وليد

وشد عند الااشعري
ان شاء الله لمن بغيت اسوي عندهم
ابرجعلك اذا احتجت شي
مشكوووره

[مجرد إحساس]

تعبت اداوي


وزنك مو كثير عشان تسوي تحوير ؟

من جد ناوية تسوي تحوير ؟؟

بصراحة الدكتورين لاغبار عليهم ، اخلاق وعلم :)

من عيوني ان شاء الله افيدك في اي وقت :)

[المنال]

سليكون له عمر افتراضي من 5 الى 10 سنوات هذا الكلام يشمل حتى اخر جيل من اجيال اكياس السليكون للصدر بس عموما هالنقطه من صالحنا كنساء لان الصدر سريع الترهل بعوامل الوزن والحمل والولادة والهرمونات فكويس ان الوحده تضطر تسوي له رفريش كل كم سنه !!

انا الوالده اصلا رافضه السلكون من الاول ومن بعد ما عرفت ها المعلومه اصلا شلت الفكره من راسى استحاله كل 5او7 سنوات اروح افتح صدرى كل شوى للدكاتره واغير والنهايه يعنى
حتى الدكاتره الى رحتلهم ما جابولى ها السالفه

[عشرينية]

هالموضوع ليش ماتثبت فوق؟

[مجرد إحساس]

منو 24

كيفك اخبارك ؟

يالله متى عمليتك ؟ ابغى اتطمن عليكي :)

صادقة في كل كلمة قلتيها ، بس يااختي الوضع كان مايسر لاعدو ولا حبيب وكان لازم من هذي الخطوة
وياستي الاعمار بيد الله الواحد يضمن يعيش لبكرة خلينا ننبسط لنا كم يوم :) وشكلنا يترتب ويرجع زي زمان بعد ماخربناه بالسمنة الزايدة عن الحد
مشكورة على مداخلاتك العسل ياعسل

[مجرد إحساس]

عشرينية

والله ماادري :)

اسالي الادارة :)

يمكن اسلوبي في الطرح ماعجبهم لوووووووووول

[المنال]

منو 24

كيفك اخبارك ؟

يالله متى عمليتك ؟ ابغى اتطمن عليكي :)

صادقة في كل كلمة قلتيها ، بس يااختي الوضع كان مايسر لاعدو ولا حبيب وكان لازم من هذي الخطوة
وياستي الاعمار بيد الله الواحد يضمن يعيش لبكرة خلينا ننبسط لنا كم يوم :) وشكلنا يترتب ويرجع زي زمان بعد ماخربناه بالسمنة الزايدة عن الحد
مشكورة على مداخلاتك العسل ياعسل
تمام ولله الحمد
قريبه انشاء الله بس ادعولى واذا قمت بسلامه خبرتكم:wave(1):

[مجرد إحساس]

ان شاء الله يارب :)

في انتظارك

[** روح **]

الحمد لله على السلامه

والله يتمم عليك ِ الصحه والعافيه

بس ياغاليه اذا ممكن تعطيني عنوان وارقام الدكتور

او عنوان عيادته

انا عندي موعد مع دكتور بخش

بس متردده بسبب سوء سمعة المستشفى

بس الدكتور شاطر

وسألت عنه والكل مدح في شغله

بس قلت كذا استشاره افضل

[مجرد إحساس]

ابشري من عيوني

بس ماتصبري شوية الين ماينزل وزنك شوية كمان

ماادري هذي وجهة نظري وشوف الدكتور ايش يقول

برسلك التفاصيل على الخاص اخاف على العام يكون ممنوع :)

[الوفاء الخالد]

الله يتمم لك على خير ويبارك لك يارب
اقرأ قصتك واتخيل نفسي وصرت ابكي
يارب عقبالي اكبر صدري واشد بطني
مع انه كان اول هدف لي الذراع بس احبطتني التجارب


اول مره اسمع عن مستشفى بن لادون وين موقعها بجده؟

[مجرد إحساس]

الله يتمم لك على خير ويبارك لك يارب
اقرأ قصتك واتخيل نفسي وصرت ابكي
يارب عقبالي اكبر صدري واشد بطني
مع انه كان اول هدف لي الذراع بس احبطتني التجارب


اول مره اسمع عن مستشفى بن لادون وين موقعها بجده؟

هلا ياقلبي

والله انا زمان كنت زيك اقرا القصص واتخيل نفسي بس مابكيت ههههههههههههه

الله يسهل امرك عليكي بصلاة الاستخارة

حتى انا لمن رحت للدكتور كنت اول مرة اسمع عنها بس دخلت قوقل ولقيت الناس عارفتها :)

تعرفي السفارة الايرانية اللي في التحلية هي هناك في هذيك الناحية من بعد السفارة تلقي مركز حمادة قدامه مستشفى بن لادن :) انت لا وصلتني هناك ح تلقي سهم يدلك على المستشفى :)

[مجرد إحساس]

مبروك اتثبت موضوعي :)

الف شكر

[زوووف]

جرد احساس

تستاهلين التثبيت

كاتبه بكل التفاصيل ومعيشتنا جو عمليتك بالضبط


الكل بحاجة تجربتك


الله يتمم لك يارب بالخير

[الوافي330]

ممكن ارقام الدكتور لان والدتي عملت العملية وماحتاجه دكتور تجميل

[مجرد إحساس]

زوووف حلواسمي جرد احساس هههههههههه

الله يخليكي ومشكورين على التثبيت :)

[مجرد إحساس]

الوافي ابشر برسلك على الخاص احتراما لقوانين المنتدى :)

[سحابة ليل]

السلام عليكم ورحمة الله وبركاته
الحمد لله على السلامه الله يتمم لك الصحه والعافيه
ويحفظك من كل مكروه


اسفه علي التاخير في الرد توني انتبه للموضوع

[مجرد إحساس]

الله يسلمك ياقلبي
لا عادي ياقلبي حصل خير
لانه الموضوع ماكان مثبت راح للصفحة الثانية ماتنلامي :)

[بدوره]

سلاااااااام عليكم
لكل رشيقه تبحث الان على شد !! اش اخباركم !!

مجردإحساس ... كيفك وكيف عمليتك واثارها !!
اش الجديد حاسه باي تغير !! خصوصا بعد الليزر !! الدكتور رجع والا لا !!

[مجرد إحساس]

سلاااااااام عليكم
لكل رشيقه تبحث الان على شد !! اش اخباركم !!

مجردإحساس ... كيفك وكيف عمليتك واثارها !!
اش الجديد حاسه باي تغير !! خصوصا بعد الليزر !! الدكتور رجع والا لا !!




هلا وعليكم السلام

انا الحمدلله بخير لا بألف خير ولله الحمد والمنة :)

بالنسبة للعملية مية مية بس الاثر طبعا لسه باقي ، الثلاثاء ان شاء الله بروح للدكتور عشان يغير لي على جرح الصدر لانه هو اللي باقي لسه اما البطن ماشاء الله خلاص قفل ، اما صدري باقي اماكن لسه مانشفت والاثر في اماكن راح وفي اماكن لسه

حاسه بتغير كبييييييييييييييييييييير في مظهري الخارجي في ملابسي الداخلية في كل شي حتى في ثقتي بنفسي قدام زوجي

بالنسبة لليزر كوى لي الجرح وسوى لي طبقة لونها اسود غامق لانه كوي بعد كذا يتقشر ويرجع لون البشرة الطبيعي :)

اها الدكتور رجع من زمان ياقلبي

اي سؤال حاضرة لاتشيلي هم شي فكري في بطنك او صدرك في الترهل وفكري في شكله بعد الشد ح تلاقي انه الشد واثر الجرح الخفيف احسن بكثير من الترهل اللي كنا عايشين فيه والله

[هيون]

الف الحمد لله على السلامة
تجربة رائعة يالغالية
ربي يتمتم عليك نعمة الصحة والعافية

سؤال /
متى قدرتي ترجعين للدوام إذا كنت موظفة؟
أو تزاولين حياتك الطبيعية إذا ما كنت موظفة ؟

[مجرد إحساس]

هيون هلا ياقلبي


سؤال /
متى قدرتي ترجعين للدوام إذا كنت موظفة؟
ياقلبي انا موظفة بس من منازلهم ههههه يعني ربة منزل ومارجعت لشغل البيت بصراحة مافي الا اكل وراحة


أو تزاولين حياتك الطبيعية إذا ما كنت موظفة ؟
والله شوفي انا عندي بنت صغيرة وماقدرت اتحمل مسؤوليتها عارفة لازم شيل وحط وكذا خليتها 3 اسابيع مع الشغالة تحت نظري طبعا بس قصدي مااقدر اشيلها مثل قبل والاسبوع الرابع بدأت اهتم بها واخليها معاية :)

اما استحمام للان مااتحمم مافي الا اغسل جسمي على اجزاء :(

[هيون]

كيف يعني ( تغسلين جسمك على أجزاك ) ؟ صار مسلسل @@

من جد ! وضحي هالنقطة اكثر
ربي يسعد حياتك

[مجرد إحساس]

هلا هيون هههههههههههه


شوفي ياستي لمن اتحمم ايش اسوي

اغسل شعري لوحده وانشفه عشان الموية لاتنزل على صدري وبطني
وبعدين اغسل اكتافي الين كفوفي وانشفهم
بعدين اغسل فخوذي وسيقاني وبس

[المنال]

هلا هيون هههههههههههه


شوفي ياستي لمن اتحمم ايش اسوي

اغسل شعري لوحده وانشفه عشان الموية لاتنزل على صدري وبطني
وبعدين اغسل اكتافي الين كفوفي وانشفهم
بعدين اغسل فخوذي وسيقاني وبس
نفس الشئ مريت فيه

[مجرد إحساس]

الله يعين خلاص هانت :)

اليوم رحت للدكتور وشاف بطني وصدري وقال خلاص الحمدلله مابقي شي بس فتحة صغيرة جدا في صدري وبعد كذا انطلق للحياة :)

[هيون]

ما شاء الله تبارك الله
الحمد لله !

كم اسبوع لك من عملت العملية؟

[مجرد إحساس]

هيون خلاص تقريبا خلصت المدة المحدده اللي هي ستة اسابيع بس انا عجولة :)

خلصت حاليا 5 اسابيع و يومين :)

[كويتية طيووبة]

http://www.5h5h.com/upfiles/MSm46328.jpg (http://www.5h5h.com/)


مبرووووووك نتييجة العملية والفااال لكل المترهلييين :)

[مجرد إحساس]

الله يبارك فيكي ياقلبي

يسمع من بؤك ربنا :)

[مستانسه]

الحمدلله على السلامه يا قلبي .

[فراوله نجديه]

شلونك ياحلوه كملتي 6 اسابيع كيف امورك رجعت حياتك اليوميه مثل اول طمنيني لان عمليتك نفس عمليتي تقريبا

[أحلم بالرشاقة]

بسم الله ماشاء الله
الف مبروووووووك و تتهنين يارب

انا مشغلني موضوع شد الصدر وفعلا اللي سوى لك الدكتور تنفع للترهل البسيط اللي هو شد حولين الحلمه ... لما كنتي دوبا كان صدرك صغير فـ يمكن ماترهلتي كثير صح؟ :)

حابه اسألك عن الاحساس ياترى فقدتيه ولا كيف؟

مبروك مره ثانيه حبيبتي........

[مجرد إحساس]

مستانسة

الله يسلمك حبيبتي

[مجرد إحساس]

فراولة نجدية


كل اموري تمام الحمدلله

اتحممت وعايشة حياتي بشكل طبيعي جدا :)

<========== اهم مشكلة كانت تواجهها انها ماكانت تتحمم :)

والاثر ماشاء الله مرة خفيف خط رفيع جدا

[مجرد إحساس]

أحلم بالرشاقة


لا والله ترهلي كان شديد صح صدري صغير بس ترهلي قوي جدا خاصة بعد مانحفت صار كله شغت هههههههههههههههه الحمدلله بس

لا الحمدلله احساسي زي ماهو ، هذي اول نقطة تطمن عليها الدكتور بعد العملية مباشرة :)

[هدوء الاماكن]

طيب اختي انتي متزوجه او عزباء
انا ابي اسوي عمليه تكبير الصدر انا بالرياض
هل له عوارض لاقدر الله؟؟

[انثى متوحشة]

مبروووووووك ما شاء الله عقبال الجميع

[قمرية مكة]

مجرد هناك من يحذر من الدكتور إبراهيم منزل تحذير أنه عمل عنده عملية في أنفه وعمليته لم تنجح تجدين رده في موضوع ملف دكاترة التجميل .

والله خوفني كلامه لأن عمليتي قريب عنده .

[مجرد إحساس]

هلا هدوء الاماكن

انا متزوجه الحمدلله العملية مااثرت على احساسي ولا لها عوارض جانبية على قد مايقول الدكتور وناس كثير مسوينها


انثى متوحشة

الله يبارك فيكي ، اي والله عقبال كل مترهل


قمرية مكة

شوفي كل واحد يدخل غرفة العمليات يحط

نسبة النجاح 100% وهذا غلط طبعا

لازم يحط احتمال النجاح او الفشل وانه صاحب
هذا القرار مو الدكتور
الدكتور بيسوي اللي عليه والباقي على الله
مهما سوى الدكتور مو زي خلقت الله
هذي وجهة نظري ماادري عاد عنه ايش كان وضعه هو تعديل في الانف والا ايه بقرأ الموضوع
وانت لاتخافي اتوكلي على الله صلي استخارة
لو بنخاف ماكان سوينا التحوير من كثر ماسمعنا عن ناس ماتوا صح والالا ؟؟

[عليا]

^
^
^
صح كلامك لازم الواحد يتوقع كل شي وربي يتمم عليك العافيه

[قمرية مكة]

قمرية مكة
شوفي كل واحد يدخل غرفة العمليات يحط
نسبة النجاح 100% وهذا غلط طبعا
لازم يحط احتمال النجاح او الفشل وانه صاحب
هذا القرار مو الدكتور
الدكتور بيسوي اللي عليه والباقي على الله
مهما سوى الدكتور مو زي خلقت الله
هذي وجهة نظري ماادري عاد عنه ايش كان وضعه هو تعديل في الانف والا ايه بقرأ الموضوع
وانت لاتخافي اتوكلي على الله صلي استخارة
لو بنخاف ماكان سوينا التحوير من كثر ماسمعنا عن ناس ماتوا صح والالا ؟؟

الله يريح قلبك يا عسل مثل ما ريحتيني ، والله اليوم رحت للمدرسة وأنا مكتئبة لاحظت وحدة من زميلاتي قالتلي مثلك صلي الاستخارة وتوكلي على الله .

[مترهله]

الف مبروك يالغاليه
لكن اظم صوتي للخوات اكريمات


جرحك حول الحلمه بس لان اصلا صدرك كان حجمه بالنسبه لجسمك صغيرلما كنتي سمينه
ويوم نحفتي فقتي حجم صدرك وبسرعه تناسق جسمك من فوق لكن خلف لك ترهل
انا اتوقع لو كنتي تلبسين c او d مثلا ونحفتي وترهل صدرك ترهل شديد وبيسوون له صدر وسليكون حتى لو حجمها 350 لازم يسوون لك جرح من تحت لانه تخيلي لو صار قص الجلد الزائد من حول حلقه الحلمه بس
كان يتوسع محيط الدائره اكثر واكثر ويصير اكبر من هالة الحلمه وش بيسوون بهالفراغ يكرمشون الجلد مثلا عشان يتخيط حوالين الحلمه؟!

صدرك كان حجمه متوسط فالسليكون عباه ولا احتاج لشد شال الحلمه ودخل السليكون اللي عبى الصدر وخلاه مشدود بدون ازاله جلد ورجع خيطها بس
بالفعل
كلامها صح

ولو يقول الف دكتور انا اسوي صدرك من غير جرح tانا لايمكن اصدقه
اختي لو جمعتي الترهل حق الصدر بيدينك من حول الحلمه اكيد ينشد لكن بيكون تجمع فضيع وكرمشه حول الحلمه فهم يقصون الجلد على شكل دائريمن حول الحلمه ويكون صغير وتتحد بسببه الحلمه الي كانت طاشه بسبب تمدد الجلد المرهل
وبعدين يخيطون حول الحلمه من فوق ودوران بالكامل لغاية ما يوصلون للقص الطولي من تحت ويخيطون الجلد بكذا يبداء الثدي ينشد ويرتفع وهذا الجرح هو سبب نجاح عمليه رفع الترهل للثدي وهو الي يشيل الجلد الزايد بالثدي وبعد كذاالجرح ينزل لحد الفقص الصدري من تحت الثدي و يقصونه بالعرض من تحت ناحية الضلوع على شكل دوران الثدي للحد المطلوب ويخيطونه
والجرح المعترض تحت عشان يعطي مرون ليلتقي الجلد بعد القص الطولي فكروا فيها وانتم تعرفون ان العمله لازم تكون كذا



اما السلكون يدخلونه من تحت الباط وهذي احدث طريقه لحد الحين
مع العملم الحين يستخدمون كيس فارغ يدخلونه تحت عضلة الصدر من ناحية القفص الصدري بعد التفريغ للمنطقه وزرق الكيس يقومون بتعبيته بالماء والملح والسبب لحمية عضلت ونسيج الصدر من التمزق لو حصل ضربه عنيفه للثدي ممكن ينفجر الكيس ولا يسبب مشكله
اما السلكون الحين محد يستخدمه بسبب مضاعفاته الي ظهرت في السنوات الاخيره

[قمرية مكة]

ما شاء الله يا مترهلة شرح مفصل شكلك دختتتتتتتتتورة .

[غنوجة]

الف مبروك يالغاليه
لكن اظم صوتي للخوات اكريمات


جرحك حول الحلمه بس لان اصلا صدرك كان حجمه بالنسبه لجسمك صغيرلما كنتي سمينه
ويوم نحفتي فقتي حجم صدرك وبسرعه تناسق جسمك من فوق لكن خلف لك ترهل
انا اتوقع لو كنتي تلبسين c او d مثلا ونحفتي وترهل صدرك ترهل شديد وبيسوون له صدر وسليكون حتى لو حجمها 350 لازم يسوون لك جرح من تحت لانه تخيلي لو صار قص الجلد الزائد من حول حلقه الحلمه بس
كان يتوسع محيط الدائره اكثر واكثر ويصير اكبر من هالة الحلمه وش بيسوون بهالفراغ يكرمشون الجلد مثلا عشان يتخيط حوالين الحلمه؟!

صدرك كان حجمه متوسط فالسليكون عباه ولا احتاج لشد شال الحلمه ودخل السليكون اللي عبى الصدر وخلاه مشدود بدون ازاله جلد ورجع خيطها بس
بالفعل
كلامها صح

ولو يقول الف دكتور انا اسوي صدرك من غير جرح tانا لايمكن اصدقه
اختي لو جمعتي الترهل حق الصدر بيدينك من حول الحلمه اكيد ينشد لكن بيكون تجمع فضيع وكرمشه حول الحلمه فهم يقصون الجلد على شكل دائريمن حول الحلمه ويكون صغير وتتحد بسببه الحلمه الي كانت طاشه بسبب تمدد الجلد المرهل
وبعدين يخيطون حول الحلمه من فوق ودوران بالكامل لغاية ما يوصلون للقص الطولي من تحت ويخيطون الجلد بكذا يبداء الثدي ينشد ويرتفع وهذا الجرح هو سبب نجاح عمليه رفع الترهل للثدي وهو الي يشيل الجلد الزايد بالثدي وبعد كذاالجرح ينزل لحد الفقص الصدري من تحت الثدي و يقصونه بالعرض من تحت ناحية الضلوع على شكل دوران الثدي للحد المطلوب ويخيطونه
والجرح المعترض تحت عشان يعطي مرون ليلتقي الجلد بعد القص الطولي فكروا فيها وانتم تعرفون ان العمله لازم تكون كذا



اما السلكون يدخلونه من تحت الباط وهذي احدث طريقه لحد الحين
مع العملم الحين يستخدمون كيس فارغ يدخلونه تحت عضلة الصدر من ناحية القفص الصدري بعد التفريغ للمنطقه وزرق الكيس يقومون بتعبيته بالماء والملح والسبب لحمية عضلت ونسيج الصدر من التمزق لو حصل ضربه عنيفه للثدي ممكن ينفجر الكيس ولا يسبب مشكله
اما السلكون الحين محد يستخدمه بسبب مضاعفاته الي ظهرت في السنوات الاخيره


ماشاء الله تبارك الرحمن
حتى اغلب الدكاتره مايشرحون ها الشرح المفصل والدقيق
الله يخلف علي غنوجه ماعرفت مكان فتحات الشفط في عمليتها الا بيوم تغيير الضماد

[sola]

مترهلة ابدعتي يعطيكي العافية دكتورة من جد شرح رائع ومفصل

[sola]

مجرد احساس كيفك دحين حبيبتي وكيف تحسي وهل نفخة البطن راحت او هل كانت موجودة اصلا وبالنسبة للصدر هل سار في ترهل او نزول في مستوى الصدر لانو وزنك بينزل يعني هل اتأثر صدرك او بطنك بالنزول طمنيني الله يطمن قلبك

[#هـايـدي#]

الحمدلله على السلامة

[لولو_نايت]

الله يهنيكى ، وعقبال لما تكوني راضية الرضى التام .

[فديتني حلوة]

حبوبة كيف كان تعامل الدكتور معاك ؟!

لاني بصراحة مفكرة اروح لعنده بس مترددة ..

ياريت لو كان زين .. تعطيني رقمه ..

والف شكر لك حبوبتي

ومبروك على نجاح عمليتك .....