أخر أخباري، الحمد لله سويت عملية الشد الخميس

[بنفســـــج]

السلام عليكم
يوم الخميس كان موعدي مع مستشفى البابطين الحكومي لعملية شد الذراعين, تقريبا سنة من اخذت الموعد

الحمد لله سويت العملية
اليوم الحمد لله انا احسن لكن ما طلعت لي الحين من المستشفى , ادعو لي باجر اطلع زهقت
صراحة ما توقعت شد الزنود تعذيب اكثر بكثير من شد بطني ورجلي :(
ادعو لي عفية
سوري ما اقدر اكتب وايد

[الامل المشرق]

طهور وأجر وعافية

سلامتك مليييييييييييييون سلامة

ما قدامك إلا العافية

أهم شئ الان
صحتك وعافيتك

الله يكتب لكي الأجر والثواب

موفقة باذنه تعالى

[نور الدنيا]

ياقلبببببببي والله يابنفسج

الحمدلله على سلالالالالالالالالالالامتج


اجر و عافيه يالغاليه

[زوووف]

ماشاء الله تبارك الله


اجر وعافية يا غاليه


الله يكتبها النجاح يا قلبي والتعب لابد منه باي عمليه

نشوفك وانتي طيبه لا تجهدي نفسك الحين

[المحارب]

الحمد لله ع سلامتك بنفسج


وماقدامك الإ العافيه إن شاء الله

[تعبت اعاني]

حمد الله ع السلامه
انشالله تطلعي وتبشرينا بصحتك وسلامتك
قدامك العافيه

[RoRo202]

الحمد لله على سلاااااااااااامتك اختي ا... واجر وعافية يارب ... وتتهني برشاقتك بصحة وعافية فترة وتعدي ان شاءالله ...

[أم حسن]

الحمد لله على سلامتج يالغالية،

وما عليج شر إن شاء الله

[طموحة جدا]

الف الف الف ســـــــــــــــــــــــــــــــــــــــــــــلامة

بنفــــــــــــــــــــــــــــــــــسج الأمــــــــــــــــــــورة

ماتشوفين شر وماقدامك الا العافية حبيبتي

وطهور انشالله

وانشالله ربي يخفف عنك ويسهل عليك يارب العالمين

الف ســـــــــــــــــــــــــــــــلامة

الف ســـــــــــــــــــــــــــــــلامة

الف ســـــــــــــــــــــــــــــــلامة

[منور22]

الحمد لله على سلامتك وطمنينا عنك

[om 3bood]

سلامااااااااااااات يا الغاليه

[مسلم سعودي]

الف سلامه لكي اختنا الغاليه وماتشوفي شر يارب والف سلامه لكي

[حواء الليبية]

http://abeermahmoud.jeeran.com/page%205/350-slamtak.gif


ان شاء الله فيها خيرة

وربي يكمل عليك بالصحة والعافية

[فراوله نجديه]

الحمد لله على سلامتك يارب تكون زي ماتمنيتيها يارب

[FrEeDoM]

الحمدلله على السلامه
وماقدامك إلا العافية

[لـــمـى]

طهور وأجر وعافية

الحمد لله على سلامتج حبوبه

[Hanan Ali]

حمدا الله على السلامة بنفسج وان شاء الله تكون نتيجة العملية مثل ما تمنيتي وكل يوم راح يكون افضل من اليوم الي قبله...تحملي شوي وفترة وتمر.. طمنينا عنك دايما.

[كااااادي]

لااااااااااااااباس اختى
الله يقومك السلامه وماقدامك الا العافيه يارب

[المنال]

الحمد لله على السلامه
وربى ان يوم الخميس كله وانا ادعى احتى امى واختى معاى..........
وسبحان الله سويتيها قبلى زى ما قلتلك

[المبـــــ حلوة ــــسم]

ماتشوفين شر فديت قلبك

والحمدلله على السلامه

[تونه الكويت]

حبيبتي بنفسج الحمدلله عالسلامة
وان شاءالله تطلع نتيجة العملية مثل ماتبينها يااااااااااارب
واجر وعافية ياقلبي ...,,,

[reetal]

الف الف الف الحمدالله علي السلامه
وماتشوفين شر يالغالية

[ام بنتها]

الف الحمدلله عالسلامه و انشالله تشوفين النتييجه الي ترضيج و تفرحج يااارب و تطلعين بالسلااامه :)

بسألج عند منو سويتيها ؟؟
و راح اكون من متابعيينج لأني اعاني من الزنووود و متردده بالعمليه و انشالله نتيجتج تشجعني :) و انشالله هم بالرياضه مااحتااج و تفرحين بزنودج يااااااااااااارب :)

[سحابة ليل]

الف الحمدالله على سلامتك اختي
وماقدامك إلا العافية
ماتشوفين شرطهور ان شاء الله
الله يتمم عليك بالصحه والخير يارب
موفقه بإذن الله ... لك مني أجمل تحية .

[محمدالعمر]

10000000000000000000000000000000000000000000000000 00000000000000000000000000000000000000000000000000 00

سلامة واجر ووعافية

[الأمل]

ألف حمد لله على سلامتك و إن شاء الله فترة و تعديها على كل خير و تبقى أحسن إن شاء الله و ربنا معاكي

[شهدمحمد]

حمدالله علي سلامه

[الفرحان]

الحمدلله على السلامة
(( لا بأس طهور إن شاء الله ))


اسأل الله العظيم رب العرش العظيم أن يشفيك
اسأل الله العظيم رب العرش العظيم أن يشفيك
اسأل الله العظيم رب العرش العظيم أن يشفيك
اسأل الله العظيم رب العرش العظيم أن يشفيك
اسأل الله العظيم رب العرش العظيم أن يشفيك
اسأل الله العظيم رب العرش العظيم أن يشفيك
اسأل الله العظيم رب العرش العظيم أن يشفيك

[جوري 3]

الف الحمدلله على سلامتك
وماتشوفين شر وان شاء الله تفرحين بنتائج العمليه
موفقه اختي

[لولوة]

ما تشوفين شر ياقلبي .. وتقومين بالسلامه ان شاء الله :):)
انا لي فترة مو داشه المنتدى :):)

[:: بنت البحر ::]

الله معاك يارب ويخفف عنك الالم وتكون النتيجه 100%

[بنفســـــج]

جزاكم الله خير , ربي ما يحرمني منكم ومن دعاكم

الحمد لله اليوم طلعت من المستشفى , صحيح الدكتورة كانت تفضل ابقى ليما تشيل درن الدم تكرمون لكن انا اصريت على الخروج خاصة وان الموضوع اخاف ياخذ كم يوم زيادة وانا أبي ارجع البيت

[دوبا بس حلوه]

الف الف الف سـلامة بنفـسج

ماتشوفين شر وماقدامك الا العافية حبيبتي

وطهور ان شاء لله
وعمليه شد الزنون مزعجه جداً اختي سوتها تعبت كثير
بس كلها ايام وتعدي وتصيرين احلى زهره بنفسج ^_^

[ما يعجبنى شئ]

ياحبيبتى يا بنفسج والحمد لله على السلامه
طهور انشاء الله

[منتهى]

الف الحمد لله ع السلامه

أجر وعافيه ...

وان شاء الله تشوفين النتائج وتنسين التعب كله

[كوكا]

لف الحمدلله على سلامتج

ربي يتمم عليج بالصحه يالغاليه :)

[غلا 7373]

الحمد الله على السلامة يالغالية اجر وعافية

[توتة]

الحمد الله على سلامتك وماتشوفي شر إنشاء الله.........الله يقومك بالسلامة...

[بنفســـــج]

السلام عليكم

الله يجزاكم خير على متابعتكم

انا الحمد لله افضل بكثير , الالم موجود لكن صرت اعرف اتحكم بحركات ايدي , وبكره ان شاء الله راح اروح للدكتورة حتى تشيل درين الدم الثاني واخلص منهم ان شاااااااء الله

[كويتيه23]

سلالالالالالالالالامات يالغاليه ...وان شاءلله يااارب اتمنى لج التوفيق

[الامل المشرق]

اختنا الكريمة

نرحب بعودتك بيننا أجمل ترحيب

طهور وأجر وعافية

وطمنينا على أخبارك الطيبة

موفقة باذنه تعالى

[مزاحم الحسان]

الحمد لله على سلامتك اختي

[انتظاري]

حمدالله على سلامتج

طهور ان شاء الله

[شخصية مستهدفه]

ما شاء الله تبارك الله بنبن

الحمدلله على سلامتك

وربي فرحت لك

ربي يكتب لك السلامه وترجعين مبسوطه من النتيجة

[مزون]

الف الحمدالله ع السلامة وماتشوفين شررربس عندي سؤال شنو يعني
عملية تخطي مكتوبة في بياناتج؟

[بنفســـــج]

جزاكم الله خير على تواصلكم

الله يعطيكم العافية يارب




الف الحمدالله ع السلامة وماتشوفين شررربس عندي سؤال شنو يعني
عملية تخطي مكتوبة في بياناتج؟



هلا اختي مزون
الشر ما يجيج

عملية تخطي المعده هي نفسها عملية التحوير , لها كذا اسم عند الدكاتره ( باي باص , تحوير , تحويل مسار المعده , تخطي المعده )

[بنفســـــج]

اليوم الحمد لله شلت درين الدم الأخير

بس الألم مزعج ,, في كدمات هي إلي مؤلمه وايد حتى كوع ايدي مورّم , الدكتوره تقول عادي هذه كدمات الشفط , لأنهم شفطوا وشدّوا ايدي

يالله ايام وتعدّي ان شاء الله

[لبنى]

بنفســج

الف سلامه عليك

طهور ان شاءالله ياقلبي

[الكلبوظه]

بنفسج..
ماشفتش موضوعك ده الا لما دخلت أشوف موضوع ميمونه لقيتك كاتبالها انك عملتي عمليتك الخميس.
!!!
سامحيني علي التأخير ياأختي

حمدالله علي سلامتك ياقمر

وربنا يتم شفاءك علي خير يااااارب
:)

[ام مسلم]

اجر و عافيه

[بنفســـــج]

جزاكم الله خير

=====

كلبوظة حبيبتي معذورة , وتسلمين على الدعوة الحلوة

[كويتية طيووبة]

http://www.5h5h.com/upfiles/Lku98366.gif (http://www.5h5h.com/)



أمبييييييييييييه !!!!!!!!!



والله توني أدري بنفسج بأنج سويييتي العملية !!!!!!!!!!!!!!!!!!!!!!!!!!!!!!!!!!!!!!!!!



محد قاالي !!!

مـــــــــحــــــــــــــــــــــــــد قـــــــــالـــــــــــــــــــــــــــــي :(





سووووووووووري وآآآآآآآآآآآآسفة !!!


الحمدلله على سلاااااااااامتج يالغاااااااااااالية ... وإن شاءالله تاخذييييييييين خيييييير العملـــــية ......





http://www.5h5h.com/upfiles/rBr98366.gif (http://www.5h5h.com/)


عــــــــــــذريـــــــــــــــــــــنــــــــــــ ــــــــــــــي حـــــــــــــبـــــــــــيـــبــــــــــــــتــــ ــي إنـــــــتــــــــي .......

[طبيعي]

الحمدالله على السلامه لو هالموضوع ماطلع بتوقيعج ولا جان ماشفته

الف الحمدالله على السلامه وميخالف تحملي الالم وتذكري باجر شلون

بيكون جسمج وشلون بتكونين راضيه عليه انشاله

[sola]

الحمدلله على سلامتك بنفسوجه ربي يتمم شفاكي ويقومك بالسلامة وتكون النتيجه اروع من رائعة

[متفائله]

دخلت اتابع يوميات المتحورين ولقيت هالموضوع بتوقيعك
اعتذر للتأخير والله ,, لكن ما شفنا هالموضوع.. !
الف سلامه عليك وماشاء الله تبارك الرحمن إللي سويتيها وارتحتي
وعقبال النتيجه المرضيه بإذن الله ..

[دلوعة uk]

ألف الحمد لله على سلامتك ياقلبي

والله يفرحك بالنتيجه اللي تسر خاطرك ياقلبي

طمنينا عليك عيوني

[بنفســـــج]

هلا اخواني طيوبة حبيبتي واخوي طبيعي وحبيبتي متفائلة

لا تحاتون عادي المواضيع تضيع مع بعضها اكيد اكيد معذورين :)

والحمد لله انا احسن الحين , كل يوم احسن من سابقه وربي يعدّي الايام على خير





اختي دبة محطمه , حياج الله حبيبتي وتسلمين على المتابعه

[لوزة كويتية]

http://www.gulfup.com/gfiles/12636715731.gif



الله يقومج بالسلامة

ويتمم عليج بالصحة والعافية

[janawi]

الحمدالله على سلامتج يالله فتكيتي منهم اتذكر اول مره شفتج كني تقولين اخذ مقاس اكبر بسبت الترهل بالزنووووووووود يالله الف حمد على سلامتج

[بنفســـــج]

هلا لوزة حبيبتي , تسلمين على الدعوة الطيبة

---------

جناوي حبيبتي , اي والله صاجة , ازعجوني من القياسات وغيرهم

الله كريم ان شاء الله ربي يعدّي هالأيام بخير

[كويتية طيووبة]

http://www.5h5h.com/upfiles/pj682711.jpg (http://www.5h5h.com/)



الحمدلله على سلااامتج هذا أهم شي ...



والله يطلللعج من آلاااام هالعمليييية ياااااااااارب ... والفااااااال لكل المترهلييين :)

[الحلم البعيد]

الحمد لله على السلامة

طهور ان شاء الله

الله يشافيج ان شاء الله وتكون نتايح العملية مثل ما تتمنين ويرتاح قلبج

[باريس هلتون]

يؤيؤيؤيؤ بنفسج مسويه عمليه وانا ما ادري محد قالي
أجـــــــــــــر وعافيه ان شاء الله وماتشوفين شر ياقلبي
ماعليه شده وتزوول تحملي جم يوم
وان شاء الله تفرحين بالنتيجه :)

[الوتر الحزين]

اجر وعافية يا غاليه

[Raghdah]

فالك العافية
عقبال ماترتاحين وتنعمين بكل جميل اتمنيتيه
لا بأس طهور ان شاء الله

[بنفســـــج]

تسلمون على تواصلكم ودعواتكم

[rawa]

الف الحمدالله ع السلامة

[ميمونه]

بنفسج الغاليه الف الف الف مبروك العمليه
يارب يرفع عنك كل الألم اليوم قبل بكره
وتكون النتيجه اكثر من مرضيه
ويصير عندك الجسم اللى تتمنيه وانتى بأتم الصحه والعافيه

[totee_27]

الف سلامه عليكي يا بنفسج والف مبروك العمليه وان شاء الله تشوفي خيرها ويكفي عنك شرها

[لولوة]

تقومين بالسلامه ياقلبي والله لج وحشه :)

[بنفســـــج]

ربي يسلمكم من كل شر

جزاكم الله خير

الحمد لله اليوم شالوا نصف الغرز ,, والحركة افضل أحمد الله وأشكره

[المنال]

ربي يسلمكم من كل شر

جزاكم الله خير

الحمد لله اليوم شالوا نصف الغرز ,, والحركة افضل أحمد الله وأشكره
با الله عليك اوصفيلى شكلها

[بنفســـــج]

با الله عليك اوصفيلى شكلها



ههههههههههههه منو حبيبتي بدّعتي

والله ما شفته عدل لي الحين لأنهم حتى لما شالوا الغرز رجعوا حطوا البلاستر الصغير على طول الجرح
لكنه ممتد من الكوع ليما تكرمين الابط نفسه فيه غرز

وشكل الخط مو مستقيم لكن معوج شوي , بس جربت نزلت ايدي واطالع بالمراية ما اشوف الجرح الا لما ارفعها .

وعرضه كإنه انحف من جرح البطن ,, ان شاء الله:o

وانا سألت الدكتورة ليش ايدي فيها غرز ولما عملت بطني ورجلي ما حط فيهم الدكتور غرز , ضحكت وقالت كل مكان له شغله وحاجته :donublush:

وانا ناااااااااااطرة اشيل الغرز كاملة والبلاستر حتى احفظ الشكل واقوله لج هههههههههههه ويمكن اصوره واوريه لج بالمسنجر :sleeping: ===>>> فضايح انترنت هههههههههه

[المنال]

ههههههههههههه منو حبيبتي بدّعتي

والله ما شفته عدل لي الحين لأنهم حتى لما شالوا الغرز رجعوا حطوا البلاستر الصغير على طول الجرح
لكنه ممتد من الكوع ليما تكرمين الابط نفسه فيه غرز

وشكل الخط مو مستقيم لكن معوج شوي , بس جربت نزلت ايدي واطالع بالمراية ما اشوف الجرح الا لما ارفعها .

وعرضه كإنه انحف من جرح البطن ,, ان شاء الله:o

وانا سألت الدكتورة ليش ايدي فيها غرز ولما عملت بطني ورجلي ما حط فيهم الدكتور غرز , ضحكت وقالت كل مكان له شغله وحاجته :donublush:

وانا ناااااااااااطرة اشيل الغرز كاملة والبلاستر حتى احفظ الشكل واقوله لج هههههههههههه ويمكن اصوره واوريه لج بالمسنجر :sleeping: ===>>> فضايح انترنت هههههههههه
ههههههههه
يختى لا تلومينى ودى اتخيل المنظهر فى يدى.....
وحده من اخواتى اقلها انى خططت يدى كم يوم عشان استوعب المنظهر بلون الازرق بعدين قالت اذا تبين المصداقيه والمنظر الحقيقى جيبي صوف ولزقيه نفس خط العمليه وصمغيه اكيد بيكون اقرب للحقيقه شوفى كيف التحطيم تبغانى اتخيل الصوف الخط الجراحى وربى شوى واضربها لانه حسيت انه ممكن الاقرب بس ما ودى اعترف:gmother:

[مزون]

حمدالله على سلامتج ماتشوفين شر

[rote]

الف الحمد لله على سلامتك . .

قدامك العافيه يا رب :)

[بنفســـــج]

منو24 ,, اختج بدددددددعة هههههههههه

=========
خواتي مزون - روتي

تسلمون عل التواصل

[ميمونه]

بنفسج يالغاليه طمنينا عن جرحك، ان شاء الله صار احسن؟
والنتيجه ان شاء الله مرضيه؟

[بنفســـــج]

بنفسج يالغاليه طمنينا عن جرحك، ان شاء الله صار احسن؟
والنتيجه ان شاء الله مرضيه؟


هلا وغلا حبيبتي ميمونة
الجرح أحسن والألم موجود لكن أفضل من السابق ما أدري متى أرتاح منه :(

اما النتيجة إن شاء الله مرضية مبدئياً, لكن إيدي الشمال فيها مثل الانخفاض اكثر من اليمين لكن يقولون مؤقت ليما يخف التورّم ,وبشوف آخرتها

اول امس كانت مراجعتي عند الدكتورة شالوا باقي الغرز وعطوني جل السيلكون أحطه مرتين باليوم وجل للجرح مرتين باليوم . يعني أربع مرات أشيل الكورسيه وأحط الكريمات وأنتظر ينشف وأرجع ألبسه ====>>>مليّت من اول يومين هههههههههه


تسلمين على السؤال يالغالية ,, انتي الي طمنينا عليج :)

[ميمونه]

معليش حبيبتى..اتعبي الآن على جروحك عشان ترتاحي وتنبسطى العمر كله بالنتيجه ان شاء الله
انا الله يسلمك الحمدلله اموري على احسن مايرام
وما اكذب عليك صايره الخبط واغش كثير بالأكل
يعنى بديت بالأكل الناشف بدري(بس امضغه زين)<<هل يؤثر على المعده او على الوصلات؟
وما اشرب كثير سوائل
ادري ان هالشئ غلط ولازم اغير عاداتي بالأكل بدري
لكن ما اقول الا الله يعينى عشان اتدارك نفسي قبل لا يفوت الوقت

[بنفســـــج]

وما اكذب عليك صايره الخبط واغش كثير بالأكل
يعنى بديت بالأكل الناشف بدري(بس امضغه زين)<<هل يؤثر على المعده او على الوصلات؟
وما اشرب كثير سوائل
ادري ان هالشئ غلط ولازم اغير عاداتي بالأكل بدري
لكن ما اقول الا الله يعينى عشان اتدارك نفسي قبل لا يفوت الوقت


لا حبيبتي امسكي نفسك شوي بدري عليكي الناشف

انتي تحملتي الانتظار وتحملتي العملية والفترة الأولى تحملي شوي حبيبتي حتى تفرحين بالنتيجة

يمكن ما يأثر كثير بالوصلات لكن المعده لي الحين تلتئم وأخاف يحصل معاكي التهاب لا سمح الله ,, وقتها راح ترجعين للسوائل اكثر من اسبوعين حتى يروح الالتهاب

الحقي على نفسك يااااااااا حلوة ;)

[ميمونه]

بنفسوجه قصدك استمر اسبوع على الآكلات المهروسه واسبوع على الأكل اللين وبعدها افراااااااااااااااااج
ولاّ قصدك استمر على السوااااااااائل بس!!

[شيهانة]

الحمدلله على سلامتك يابنفسج وفال العافية غلاتي
وعقبالنا .. ننزل ونشد من بعد ..بس عندي استفسار
هو لازم الشد ؟؟ يعني لو كنت اسوي رياضة وسباحه برضه ؟؟
لازم عمليات الشد؟

[انفاس الغروب]

الحمد لله على سلامتك

:)

[بنفســـــج]

بنفسوجه قصدك استمر اسبوع على الآكلات المهروسه واسبوع على الأكل اللين وبعدها افراااااااااااااااااج
ولاّ قصدك استمر على السوااااااااائل بس!!

هلا حبيبتي سوري تأخرت عليج بالرد
الفكره بالاسبوع , اسبوع سوائل خفيفة واسبوع سوائل ثقيلة بدون كتل والاسبوع الثالث المهروس وبعدها اكل خفيف لكن بدون دهون ولو خضار او فواكهه بدون قشر وبدون سكريات

انتي لو عدّيتي الشهر الأول من العملية تاكلين الي تبينه لكن بهدوء ويكون خفيف .


-----------------------------------------------

الحمدلله على سلامتك يابنفسج وفال العافية غلاتي
وعقبالنا .. ننزل ونشد من بعد ..بس عندي استفسار
هو لازم الشد ؟؟ يعني لو كنت اسوي رياضة وسباحه برضه ؟؟
لازم عمليات الشد؟


هلا اختي
الله يسلمج
الفكره مو لكل شخص على حسب العمر ونوع الجلد ومرونته

انا حاولت بالرياضة ما نفعني للأسف لكن هذا ما يمنع انج تحاولين , على الأقل يترهل مكان ولا كل الجسم


الحمد لله على سلامتك

:)


الله يسلمج اختي

[ميمونه]

مشكوره حبيبتى..الله لا يحرمنا من مشاركاتك يا احلى واجمل زهرة بنفسج

[اربع رشيقات]

الحمد لله على سلامتج

ولو أنها جات متأخره العذر والسموحه

وان شاء الله تكون النتيجه اكثر من مرضيه

[بنفســـــج]

هلا اختي وخواتي الشقيقات

الله يسلمج من كل شي,, ولا تعتذرين حبيبتي معذورة اكييييييييد

[متفائلة .. :)]

الف سلامه عليك يالغاليه

قدامك العافيه

[سنابل السلام]

لابأس طهور ان شاء الله

[بنفســـــج]

الف سلامه عليك يالغاليه

قدامك العافيه

لابأس طهور ان شاء الله


تسلمووووووون ,, ربي يسلمكم يارب

[جرح المودة]

ماشاء الله تبارك الله


اجر وعافية يا غاليه


المهم الحين خلصتي والا لسه باقي لك عمليات

[متفائله]

بن بن ..
كيفك يا قمر؟ بشري كيف الجرح وشكله ؟؟
وكيف الألم ؟؟
أحس إنك ما تكلمتي بالتفصيل عن عمليتك !
كم جلستي ساعه بالعمليه ؟ وكيف المشد ؟ متى لبستيه وكيف الحركة ؟
أحس إني غثيتك معليش سامحيني وتحمليني حبيبتي ..
بس لأنك أول وحده بالمنتدى تسوي شد اليدين ماشاء الله تبارك الرحمن الله لايضرك ويتمم عليك بالصحه والعافيه ..

[بنفســـــج]

ماشاء الله تبارك الله


اجر وعافية يا غاليه


المهم الحين خلصتي والا لسه باقي لك عمليات

هلا اختي جرح الموده
بالبداية اعتذر عن التأخر بالرد

وعن العمليات لي الحين باقي لي :( ما خلصت الله المستعان






بن بن ..

هلا حبيبتي متفائلة ,, سوري حبيبتي تأخرت بالرد ,,

كيفك يا قمر؟ بشري كيف الجرح وشكله ؟؟

انا الحمد لله عاااااايشة :o ,, اما عن شكل الجرح فاليد اليمين اوكي شكله ولونه لكن الشمال شوي عند ناحية الكوع مو حلو وعطتني الدكتورة لزقات السلكون احطه حتى يتعدّل شكله


وكيف الألم ؟؟

الحين لي من العملية شهر ونص تقريباً والألم بإيدي اليمين خفيف جداً لكن الشمال ألمه اكثر , عملية اليد أصعب كثير من البطن والرجلين وألمهم اكبر بكثيييييييييييير وياخذ وقت طويل الله المستعان

أحس إنك ما تكلمتي بالتفصيل عن عمليتك !

يمكن لأنّي مو مرتاحه كثير منها :donublush:

كم جلستي ساعه بالعمليه ؟ قالوا لي تقريباً 4 او 5 ساعات وكيف المشد ؟ مزعج متى لبستيه وكيف الحركة ؟ لبسته رابع يوم العملية لأن قياسي كان خالص وطول هالفترة كانوا حاطين لي ضباب قوي كإنه جبس وكانت المسألة مزعجة كثير بالحركة وصعبة لكن لما لبست المشد الوضع صار أفضل كثير

أحس إني غثيتك معليش سامحيني وتحمليني حبيبتي ..
بس لأنك أول وحده بالمنتدى تسوي شد اليدين ماشاء الله تبارك الرحمن الله لايضرك ويتمم عليك بالصحه والعافيه ..


ما قثّيتيني حبيبتي لكن انا مو حابّه اشتكي :( عندي مشكلة بإيدي الشمال العملية فيها مو تمام وفيها عيب ,, فوق الكوع في نفس الخسفة وشكلها مخرّب شكل الإيد والدكتورة لما شافته تضايقت وقالت اذا ما تعدّل أحتاج عملية ثانية تصحيحية ,, انا لما سمعت هالشي الدنيا قفّلت بوجهي لأنّي مو متخيلة الألم اعيده مرة ثانية , 3 ايام وانا ابكي مو متخيلة ارجع لآلام العملية اول الأيام , لكن قدّر الله وماشاء فعل وعسى أن يكون خيراً
انا ما ادري وين الخيرة وأطلبها من رب العالمين ان يكون الي حصل خيرة , وربي يكتب لي الخير ان شاء الله

لا تنسوني بالدعاء :o

[swan]

بنفسج حياتي توني ادري عن هالموضوع

طهور ياقلبي .. الحين شلونج؟

انزين سويتيها عند اي دكتور وشلون العوار وياج الحين وشلون الندب؟ اكو كريم وصفلي اياه الدكتور حق السكار وايد حلو " جل"

طمنيني عنج :)

تدرون شنو استهيت الحين؟
لومي مع المرقوق *_* ...... حدي شطيت

[بنفســـــج]

بنفسج حياتي توني ادري عن هالموضوع

طهور ياقلبي .. الحين شلونج؟

الحمد لله احسن كثير


وشلون العوار وياج الحين

أول الأيام يذذذذذذذذذذذذذبج لكن الحين احسن الحمد لله , اليمين الألم فيها خفيف حيل لكن الشمال اكثر تعوّرني .

وشلون الندب؟

شكله معقول ,, اكيد واضح .

اكو كريم وصفلي اياه الدكتور حق السكار وايد حلو " جل"

هم معطيني نوعين جل مع لزقات سليكون حتى يخف الندب


طمنيني عنج :)

تدرون شنو استهيت الحين؟
لومي مع المرقوق *_* ...... حدي شطيت


هههههههههههههه اشتهيت المرقوق الله يقطع ابليسج صج صج شطيتي

[koookaa99]

حمدالله على السلامة
والله يخفف جرحج إنشاء الله

[swan]

عالعموم الحمد لله عالسلامه يالغالية

والمرقوق مازال عاللسته .. بس امي تقول لو سويتلج اياه لازم احط معاه دهن عدان وآنا اهني راح اخق ترى واخورها :\

طمنينا عنج اول باول حياتي

[بنفســـــج]

حمدالله على السلامة
والله يخفف جرحج إنشاء الله

تسلمين حبيبتي ,, الله يسلمج من كل شر يارب




عالعموم الحمد لله عالسلامه يالغالية

والمرقوق مازال عاللسته .. بس امي تقول لو سويتلج اياه لازم احط معاه دهن عدان وآنا اهني راح اخق ترى واخورها :\

طمنينا عنج اول باول حياتي


ابلعي العافية يابنت ,, لو اكلتي العداني راح تموتين من التعب والانزعاج

------

اما عن جرحي امس رحت للدكتورة قالت سبب الخسفة إلي بإيدي انه كان في كتله شحم كبيرة لما شالوها انشد الجلد مكانه حيل :(

وعندنا كذا حل بالنسبة لإيدي الشمال , اولهم الانتظار على المشد يمكن يعدّل الوضع ويبيّن خلال 4 شهور ولو ما صار يمكن ينفع ياخذون شحم من اي مكان بجسمي وتحقنه مكان الخسفة ولو لو ما نفع هالخيار آكل شي ممكن عملية :(

الله كريم والحمد لله على كل حال

[ميمونه]

تسلمين حبيبتي ,, الله يسلمج من كل شر يارب







ابلعي العافية يابنت ,, لو اكلتي العداني راح تموتين من التعب والانزعاج

------

اما عن جرحي امس رحت للدكتورة قالت سبب الخسفة إلي بإيدي انه كان في كتله شحم كبيرة لما شالوها انشد الجلد مكانه حيل :(

وعندنا كذا حل بالنسبة لإيدي الشمال , اولهم الانتظار على المشد يمكن يعدّل الوضع ويبيّن خلال 4 شهور ولو ما صار يمكن ينفع ياخذون شحم من اي مكان بجسمي وتحقنه مكان الخسفة ولو لو ما نفع هالخيار آكل شي ممكن عملية :(

الله كريم والحمد لله على كل حال

ماتزعلي يا بنفسج..بأذن الله راح تتعدل مع المشد
ويارب ما تحتاجي لعمليه ثانيه
بجد زعلت على هالموضوع

[بنفســـــج]

ماتزعلي يا بنفسج..بأذن الله راح تتعدل مع المشد
ويارب ما تحتاجي لعمليه ثانيه
بجد زعلت على هالموضوع

والله ما اخفي عليج حبيبتي ميمونة ايام وانا بس ابكي من هالموضوع متضايقة من شكل ايدي من ناحية ولا متخيلة اعمل هالعملية مرة ثانية لأنها مؤلمة كثير

لكن اكيد ربي راح يسهل لي ويكتب لي الخيرة

[بنوته حلوه]

الحمد لله على السلامه ماتشوفي شر

[بنفســـــج]

الحمد لله على السلامه ماتشوفي شر

الشر ما يجيج , تسلمين على التواصل

[الحلم البعيد]

طمنيني يا غالية شلون ايديج الحين ؟

ان شاء الله احسن؟

[بنفســـــج]

طمنيني يا غالية شلون ايديج الحين ؟

ان شاء الله احسن؟

هلا حبيبتي , والله حالي صاير مثل اسمج :o

حلم الرشاقة والشد صاير بعيد الله المستعان

الآلام اخف كثييييير الحمد لله بالإيد اليمين , لكن الشمال ألمها أخف لكن موجود وواضح وشكل الإيد موراضي يتعدّل :( كرهت نفسي والله

الدكتورة تقول ان شاء الله مع الكورسيه يتعدّل وتروح الخسفة الموجودة لكن بصراحة انا مستبعده هالشي لأنّي ألحين شهرين من العملية ماخفّت مو بعد تروح

الله ياخذ السمنة مالقينا منها الا الأذى

[سراااب]

الحمد لله على سلاااااااااااامتك اختي ا... واجر وعافية يارب ...

[H T C]

الف مبروك..

وتقومين بالسلامة..

[بنفســـــج]

الحمد لله على سلاااااااااااامتك اختي ا... واجر وعافية يارب ...

الف مبروك..

وتقومين بالسلامة..


تسلمون على المتابعة
وربي يسلمكم من كل شر يارب

[متفائله]

أول شي حاولي تتقبلين الموضوع ببساطه وبهدوء حبيبتي عشان نفسيتك
ثاني شي مافيه مشكله إلا ولها حل من عند الله ..
لا تيأسي ولا تتضايقي ..
فكري في وضعك أول وكيف صرتي
أيام السمنة وعملية التحوير
والبحث عن دكاترة الشد
والبنج والعمليات والتعب اللي شفتيه
وعدم القدره ع الحركه والبكاء والألم الخ الخ
جت ع خفسه صغيره .. لها أكثر من حل ؟!
يا بنت الحلال الف حمد والف شكر لله إنك وصلتي للمرحله هذي ماشاء الله تبارك الله ..
وبإذن الله يتعدل الوضع مع المشد واللزقات وإن ما تعدل يحقنون المكان ويتعدل الوضع .. وإن ماتعدل .. تسوين عملية التصحيح .. يقولون عمليات التصحيح سهله جداً وبسيطه ومالها الم زي العملية الأساسية ..
ويكون بنج موضعي وينتهي الأمر في دقايق ..
وسعي صدرك يا غاليه ولاتشيلين هم .. أنتي استخرتي ووكلتي امرك لله .. يعني كل ما أصابك مقدر ومكتوب وراضيه فيه إن شاء الله ..

[بنفســـــج]

يا حبّي لج يا متفائلة ,, تسلمين يالغالية على كلامج الحلو حبيبتي

ربي ما يحرمني منكم اجمعين

[ما يعجبنى شئ]

صباح الخير بنفسج

الحمد لله على كل حال راح الكثير وبقى القليل انشاء الله

على العموم كل عمليات ترميم الجسم تكون متعبه شوي وبعض الاحيان تكون مزعجه خصوصا لماتكون فى الافخاذ مثل اخونا ابوعطاس والاذرع انتى ومنو24

انشاءالله امر البعجه بسيط ومايخوف

الله يكتبلك اللي فيه الخير

[بنفســـــج]

تسلمين حبيبتي
انا مو متضايقة من الالم بس خايفة لو ما تصلحت البعجة مع الكورسيه معناه معاناة عملية ثانية الله المستعان

لكن اكيد ربي راح يكتب الخيرة ان شاء الله

[عشرينية]

توني اشوف هالموضوع.............الحمدلله ع السلامة

مااعجبني تبرير دكتورتك باانه كان فيه كتلة كبيرة للشحم وانشالت وصار هالخفسه ع قولتك

انا اعتقد ان الدهن زي الجل يعني شي ينشفط ويقدر الواحد يتحكم بالكميه هو مو كتل متلاصقه
هي بس غلطت وزادت الشفط في هالمكان اكثر من غيره

لو ماتعدل بالكورسيه
مااحس الحقن حل عملي لان اي مادة راح يحقنونها تتلاشى مع الوقت
بتظلين طول عمرك كل مانزلت تروحين تحقنين مو حل عملي

انا عندي لك الحل اسمني شوي وتتعبا المنطقه دهن وتزبط :d
<<<<برااااا

[شوكلاته دايت]

الحمدلله على سلامتك ..
و طمنينا علييك

[بنفســـــج]

توني اشوف هالموضوع.............الحمدلله ع السلامة

مااعجبني تبرير دكتورتك باانه كان فيه كتلة كبيرة للشحم وانشالت وصار هالخفسه ع قولتك

انا اعتقد ان الدهن زي الجل يعني شي ينشفط ويقدر الواحد يتحكم بالكميه هو مو كتل متلاصقه
هي بس غلطت وزادت الشفط في هالمكان اكثر من غيره

لو ماتعدل بالكورسيه
مااحس الحقن حل عملي لان اي مادة راح يحقنونها تتلاشى مع الوقت
بتظلين طول عمرك كل مانزلت تروحين تحقنين مو حل عملي

انا عندي لك الحل اسمني شوي وتتعبا المنطقه دهن وتزبط :d
<<<<برااااا

هلا اختي : حتى انا مو مقتنعه وأعتبره خطأ ,, لكن شنو فايدة الكلام :( ولا بالحقن لأنه مو عملي

تصدقين فكّرت بمسألة السمنة لكن شنو يضمن ان الزيادة تكون بهالمكان بالذات ؟!

على الي اشوفه ان الحل بعملية ثانية لكن انا مرعوبة من هالخيار ,خاصة انه معناه يعملون الزندين حتى يصيرون نفس القياس ومن ناحية ثانية اخاف يصير الزند اصغر من الساعد وهذا خطأ

الله يسهلها هو الكريم العليم



الحمدلله على سلامتك ..
و طمنينا علييك


الله يسلمج من كل شر يارب

[شخصية مستهدفه]

حبيبتي بنفسج لا تزعلي

لان حتى الارداف والفخوذ وقت الشفط من سلبياتها

احيانا تطلع وحده اكبر من الثانية

وانتي ان شاء الله تنحل من غير جراحه يا رب

بس الحين كيف شكل الجرح وعرضه ؟

وانتي خياطه خارجيه ؟

متفائله ربي يسعدك على كلامك ريحني والله

الله يريح عليكي

[عشرينية]

خاصة انه معناه يعملون الزندين حتى يصيرون نفس القياس

ليه يسوون الاثنين يعني الخفسه هذي مره نازله؟
مايقدرون يعدلونها باليد الوحده حتى لو صارت اصغر من الثانيه بشوي
ممكن يكون غير ملحوظ

تصدقين فكّرت بمسألة السمنة لكن شنو يضمن ان الزيادة تكون بهالمكان بالذات ؟!
فيه قاعدة عند التجميلين ان اول مكان يتجمع فيه الدهن اذا زدت وزنك الاماكن اللي انشفط منها

[عشرينية]

شوفي بنفسج انا فكرت بوضعك كثير وتخيلت لو انا مكانك وش بسوي
<<<<من طلب مشورتك

اذا احتجتي تعيدين العملية اولا لاتسوينها عند نفس الدكتورة خلاص اتعضي
انا احس انك ودك تسوين الصدر بعد
انا اقول ابدي وفري كم قرش
وبعد سنه عيدي العملية عند الدكتور اللي صلح لك البطن والافخاذ
سويها هي والصدر تخدير مره وحده وخلصي
منها ان خلال هالسنه بستردين عافيتك حجم اليد بيكبر شوي
بحيث انهم لما يعيدون العمليه مايطلع اصغر من الساعد
ومستوى الهموجلوبين يرتفع ووضعك الصحي يطلع اوكي
ومنها انك توفرين مبلغ تسوينها عند دكتور شاطر موب مستشفى البابطين

[مخاوي شما]

الحمدلله على سلامتج..

[قمرية مكة]

حمداً لله على سلامتك ، والله يتمملك بالصحة والعافية وعقبالي إن شاء الله عن قريب بس دعواتك ليّ يا أحلى زهرة .

[بنفســـــج]

حبيبتي بنفسج لا تزعلي

لان حتى الارداف والفخوذ وقت الشفط من سلبياتها

احيانا تطلع وحده اكبر من الثانية

وانتي ان شاء الله تنحل من غير جراحه يا رب

بس الحين كيف شكل الجرح وعرضه ؟

وانتي خياطه خارجيه ؟



هلا حبيبتي شخوصة

من ناحية الزعل أمر ما اقدر امسك نفسي عنه :o ألم العملية أمر ما اتحمله وشكل إيدي بعد ما اتحمله لكن ربي كريم ويرحمني برحمته

شكل الجرح مو كريه بالعكس زين خاصة اليمين لكن الشمال شكل الجرح اسوأ شوي ,, الخياطة داخلية حلوة الحمد لله لكن مكان ومكان

[بنفســـــج]

ليه يسوون الاثنين يعني الخفسه هذي مره نازله؟
مايقدرون يعدلونها باليد الوحده حتى لو صارت اصغر من الثانيه بشوي
ممكن يكون غير ملحوظ

لا حبيبتي ملحوظ :( والخفسة صاعدة كثير مو نازلة :( يعني لو نازلة يشيلون من نفس اليد وخلاص لكن هي خسفة على فوق ولو عملوها راح تصير الزند اصغر بقياس كامل لأنها كبيرة :(


فيه قاعدة عند التجميلين ان اول مكان يتجمع فيه الدهن اذا زدت وزنك الاماكن اللي انشفط منها

انا ما اظن شفطوا منها لأنهم شالوا الجلد المترهل ما صارت ايدي صغيرة حيل ولا صارت فيني كدمات الشفط , وأخاف وقتها تصير السمنة في بطني الي شديتها :(

شوفي بنفسج انا فكرت بوضعك كثير وتخيلت لو انا مكانك وش بسوي
<<<<من طلب مشورتك
تمونين هههههههههههه

اذا احتجتي تعيدين العملية اولا لاتسوينها عند نفس الدكتورة خلاص اتعضي
انا احس انك ودك تسوين الصدر بعد
انا اقول ابدي وفري كم قرش
وبعد سنه عيدي العملية عند الدكتور اللي صلح لك البطن والافخاذ
سويها هي والصدر تخدير مره وحده وخلصي
منها ان خلال هالسنه بستردين عافيتك حجم اليد بيكبر شوي
بحيث انهم لما يعيدون العمليه مايطلع اصغر من الساعد
ومستوى الهموجلوبين يرتفع ووضعك الصحي يطلع اوكي
ومنها انك توفرين مبلغ تسوينها عند دكتور شاطر موب مستشفى البابطين


هذه نيتي ,, لكن بالبداية ما ابي أظلم الدكتورة وأقول الغلط منها , راح استشير دكتور ثاني لكن مو الحين اعطي فرصة شهر للكورسيه وأشوف ,,وأساساً ما اقدر أعملها الا بعد 6 شهور يقولون

المصيييييييييييبة شلوووووووون انتظر سنة على ايدي جذييييييييييييييييييه :(:(:(

[بنفســـــج]

الحمدلله على سلامتج..


الله يسلمك اخوي مخاوي شما

حمداً لله على سلامتك ، والله يتمملك بالصحة والعافية وعقبالي إن شاء الله عن قريب بس دعواتك ليّ يا أحلى زهرة .


عقبالج لكن بدووووووووون اخطاااااااااااااااء يارب

[متفائله]

بن بن طمنينا كيفك اليوم؟
والخفسه هذي .. واضحه للكل وإلا عشانك أنتي تركزين فيها إنتبهتي لها؟؟

[شخصية مستهدفه]

ان شاء الله تروح من حالها مع الكروسية يعدل لك المنطقة

بالتوفيق يا عسل

[بنفســـــج]

بن بن طمنينا كيفك اليوم؟
والخفسه هذي .. واضحه للكل وإلا عشانك أنتي تركزين فيها إنتبهتي لها؟؟

انا بخير الحمد لله , والخسفة بااااااينة للأسف , امس شلت الكورسيه ووريتها بنت خالي واختي وقالوا واضحة بس اختي تقول انها اخف شوي من السابق ؟! ان شاء الله


ان شاء الله تروح من حالها مع الكروسية يعدل لك المنطقة

بالتوفيق يا عسل


ان شاء الله تروح بالكورسيه , مو متخيلة معاناة العملية مرة ثانية ,, والله مو بس الألم لكن انزعاج وضياع وقت

[نـــــورة]

الحمد لله على السلامة واجر وعافية يارب

وقدامك الصحة والعافية والرشاقة يارب :)

[المنال]

عندى احساس انها ماراح تنضبط من الكورسيه......
المهم اذا ماكان فى حل غير الجراحه لا تسوينه حاليا ضرورا اذا كان عندك نيه عمليه للصدر وسويها مع بعض على اساس يصير التعب واحد والتخدير واحد.......
اما الدهون الذاتيه مو حل انها تحقلك كل شوى فى ها الخفسه لان حدها شهرين ثلاث.....

[المنال]

عندى احساس انها ماراح تنضبط من الكورسيه......
المهم اذا ماكان فى حل غير الجراحه لا تسوينه حاليا ضرورا اذا كان عندك نيه عمليه للصدر وسويها مع بعض على اساس يصير التعب واحد والتخدير واحد.......
اما الدهون الذاتيه مو حل انها تحقلك كل شوى فى ها الخفسه لان حدها شهرين ثلاث.....

[شيهانة]

حمدالله على السلامة بنفسج
توي اقرا الموضوووع
سوري ع التاخير
وفال العافية والف مبروووك

[بنفســـــج]

عندى احساس انها ماراح تنضبط من الكورسيه......
المهم اذا ماكان فى حل غير الجراحه لا تسوينه حاليا ضرورا اذا كان عندك نيه عمليه للصدر وسويها مع بعض على اساس يصير التعب واحد والتخدير واحد.......
اما الدهون الذاتيه مو حل انها تحقلك كل شوى فى ها الخفسه لان حدها شهرين ثلاث.....

الله كريم حبيبتي منو24
انا مستبعده الكورسيه يحله لكن مو مافي شي صعب على رب العالمين :o

وفكره الحقن انا مو عاجبتني لأنها مو حل دائم


حمدالله على السلامة بنفسج
توي اقرا الموضوووع
سوري ع التاخير
وفال العافية والف مبروووك

الحمد لله على السلامة واجر وعافية يارب

وقدامك الصحة والعافية والرشاقة يارب :)


الله يسلمكم . شكرا على تواصلكم

[ميمونه]

سبحان الله الذي لا يحمد على مكروه سواه
معليش بنفسج..بأذن الله بأجرك عند الله عز وجل
وعندي احساس كبير ان هالمشكله راح ترتاحي منها قريبآ <-- ميمونتك العرافه،تتذكريها!!

[بنفســـــج]

سبحان الله الذي لا يحمد على مكروه سواه
معليش بنفسج..بأذن الله بأجرك عند الله عز وجل
وعندي احساس كبير ان هالمشكله راح ترتاحي منها قريبآ <-- ميمونتك العرافه،تتذكريها!!



ياااااااااااااااااااارب يسممممممممع منّج حبيبتي

[RoRo202]

الحمدلله على سلاااااااامتك اختي ...
وان شاءالله يتعدل الوضع من غير عمليات و لاشئ وكل يوم يكون احسن من اللي راح يارب ...
هونيه وتهووووون باذن الله ...

[شخصية مستهدفه]

ان شاء الله فترة وتتعدل وترضين بالنتيجة

[بنفســـــج]

تسلمون حبيباتي ,, الله يسمع منكم



اليوم رحت ضيّقت الكورسيه على حسب طلب الدكتورة يمكن يصلّح الوضع :o

[سـعـاد]

الحمدلله على سلامتك ماتشوفين شر

[guess n]

يا قلبي يابنفسج الف سلامه عليكي بس حبيت اطمنك انه انا زماااااان سويت شفط وسارلي زي مشكلتك حقت الخفسه لكن بعد العمليه سرت استخدم اجهزه توزع الدهون في كل اليد وجلسات مساج وكريمات وكذا يعني وفعلا اتساوت المنطقه كنت استخدم جلسات الي بجهاز زي الكاسات تشفط الدهون وتحركها من مكانها وجلسات ال تلفي جسمك بكريم وبنايلون وتتعرضي لاشعه معينه وجهاز الفبريشن لليدين ترى عن جد زبطت الموضوع

[نبض المشاعر]

الله يساعدك وتروح الخفسه بدون عمليه ثانيه يارب

[koookaa99]

شلونج بنفسج
حبيت أعرف متى تقدرين تداومين
لاني ودي أسويها بس ما أبي أغيب وايد

[بنفســـــج]

الحمدلله على سلامتك ماتشوفين شر


الله يسلمج

واعذريني على التأخر بالرد




يا قلبي يابنفسج الف سلامه عليكي بس حبيت اطمنك انه انا زماااااان سويت شفط وسارلي زي مشكلتك حقت الخفسه لكن بعد العمليه سرت استخدم اجهزه توزع الدهون في كل اليد وجلسات مساج وكريمات وكذا يعني وفعلا اتساوت المنطقه كنت استخدم جلسات الي بجهاز زي الكاسات تشفط الدهون وتحركها من مكانها وجلسات ال تلفي جسمك بكريم وبنايلون وتتعرضي لاشعه معينه وجهاز الفبريشن لليدين ترى عن جد زبطت الموضوع


هلا حبيبتي
بحالتي ما ينفع , لأن الخسف بالجلد مو بالشحم , ومافي حل للأسف الا عملية شد ثانية

[بنفســـــج]

الله يساعدك وتروح الخفسه بدون عمليه ثانيه يارب


للأسف مافي حل الا بعملية شد ثانية ,, وانا استشرت دكتور ثاني وقال لي ما تنفع لها الا عملية


شلونج بنفسج
حبيت أعرف متى تقدرين تداومين
لاني ودي أسويها بس ما أبي أغيب وايد


هلا حبيبتي , سوري على التأخر بالرد
اليوم شفته

انا اسبوع وداومت , بس ما تقدرين تتحركين عادي وبحرية , لكن عادي داومت

[بنفســـــج]

انا استشرت الحين دكتورين تجميل

والأثنين أجمعوا إن إيدي محتاجه عملية شد ثانية منها تنشد عدل ومنها تتصلّج (( العضّة ))==>> مثل ما سمّاها الدكتور الي رحت له اليوم :(

الله المستعان

اللهم آجرني في مصيبتي وإخلفني خيراً منها

[منى]

لكل شيء ضريبه ونحن السمان للأسف ندفع ضرايب كثير قولي الحمدلله في كل وقت وفي كل حين حبوبه والحمدلله شي احسن عن شي مجرد انج عديتي فترة التخدير والعمليه وقمتي بالسلامه هذي نعمه كبيره اما بالنسبه للعمليه الثانيه انا حاسه في معاناتج وفي الالم والحزن لي الواحد يحسه والغصه انه بيدخل في عالم العمليات مره ثانيه وتخدير ولعوزه لو عملية تجميل ثانيه الواحد بيدخلها وهو عادي بس اعاده الله يساعدج ويعينج ويطول بالج واهم شي انج ويانا وبين اهلج ولي يحبونج والحمدلله

[ميمونه]

بنفسج ربنا كريم وفضله واااااااااااااسع
وان شاء الله راح يجيرك فى مصيبتك ويخلفك كل الخير فيها
اللهم آمين

[بنفســـــج]

آمين
حسبي الله لا اله الا هو عليه توكلت وهو رب العرش العظيم

[المنال]

الله يعينك وربى حاسه فيك ...
انشاء الله ربى يوفقك عند دكتور احسن باذن الله.

[بنفســـــج]

الله يعينك وربى حاسه فيك ...
انشاء الله ربى يوفقك عند دكتور احسن باذن الله.


تسلمين يالغالية

[متفائله]

الله يكون بعونك بن بن ويكتب لك إللي فيه خير..
والعملية الثانية هل بتكون على كامل اليد وإلا مكان العضة هذي بس؟

[بنفســـــج]

الله يكون بعونك بن بن ويكتب لك إللي فيه خير..
والعملية الثانية هل بتكون على كامل اليد وإلا مكان العضة هذي بس؟


كااااااااااامل اليد

لا ولازم الثانية تنعمل معاها حتى يصيرون نفس القياس

يعني كإنك يابو زيد ما غزيت :014:

[شخصية مستهدفه]

ياللا خير لك بأذن الله


بس الحين نفس الدكتور بيعدلها لك ؟

[بنفســـــج]

ياللا خير لك بأذن الله


بس الحين نفس الدكتور بيعدلها لك ؟


لأ للأسف هي مقتنعه إن النتيجة الحالية افضل من إنها تزيد الشد ويمكن يفتح الجرح

وتقول لو نعدله مو قبل 8 شهور او سنة ؟!؟!؟!؟!؟

الله المستعان , مستشفيات الحكومة بالهم طويييييييل

[koookaa99]

حبوبة حبيت أسألج متى بديتي تسوقين سيارة
ومتى داومتي:06062::06062:
أنا قالي الطبيب تقدرين تداومين
بعد العملية باسبوع

[بنفســـــج]

حبوبة حبيت أسألج متى بديتي تسوقين سيارة
ومتى داومتي:06062::06062:
أنا قالي الطبيب تقدرين تداومين
بعد العملية باسبوع



هلا حبيبتي

انا سقت السيارة بعد اسبوع , لكن بحرص كبير , يعني ما الف السكّان كامل ,و مسكتي بس وتصرفي بنص السكّان التحتي ,

اما الدوام عشر ايام وداومت , لكن كنت منزعجة شوي بس قدرت اداوم عادي ,, واساساً بعد طلعتي من المستشفى بيوم رحت للدوام خلصت شغل لي هناك لمدة ساعة ونص ==>> هبله هههه

[متفائله]

كااااااااااامل اليد

لا ولازم الثانية تنعمل معاها حتى يصيرون نفس القياس

يعني كإنك يابو زيد ما غزيت :014:


مو معقول !!!!
لاحول ولاقوة إلا بالله ..
طيب العضة هل هي واضحه بدرجة التشويه؟
يا بنت الحلال ما يمديك تغضين النظر عنها وتطنشين الموضوع؟
ماتتغطى بالملابس يختي ؟
ما أتوقع بتطلعين يدينك عشان أثر الخياطة ,, فعطي العضة بالملابس
ومين اللي قال لك خياطة كاملة ولليدين؟
وهل رحتي لدكتورك اللي سوا لك البطن والفخوذ ؟ سألتيه؟
مقهوره عليك مررررره
لكن مانقول الا الله يكتب لك اللي فيه خير يارب.

[مونيكان]

الحمدلله ع السلامة وماتشوفين شر

[بنفســـــج]

مو معقول !!!!
لاحول ولاقوة إلا بالله ..
طيب العضة هل هي واضحه بدرجة التشويه؟

اي , شكلها باااااااايخ :vava:

يا بنت الحلال ما يمديك تغضين النظر عنها وتطنشين الموضوع؟
ماتتغطى بالملابس يختي ؟

مو هي مخربة شكل الكوع مورّم ناحية الكوع وناحية العضّة منخفس

ما أتوقع بتطلعين يدينك عشان أثر الخياطة ,, فعطي العضة بالملابس
ومين اللي قال لك خياطة كاملة ولليدين؟

لأن اليدين لي الحين مترهلين , وما تتعالج العضة إلا بشد كامل للزند وطبعاً لازم الثانية تنعمل حتى تكون نفس مقاس الأولى , والدكتورين الي استشرتهم كان لهم نفس الكلام:014:

وهل رحتي لدكتورك اللي سوا لك البطن والفخوذ ؟ سألتيه؟

لأ لأنه مو تجميل , وانا احتاج بهالحالة تجميل
مقهوره عليك مررررره
لكن مانقول الا الله يكتب لك اللي فيه خير يارب.

لا تنقهرين حبيبتي خلّي القهر لي انا :gwerewolf:

لكن ربي كريم وماراح يتركني :grlumbrg:


الحمدلله ع السلامة وماتشوفين شر


الشر ما يجيج حبيبتي تسلمين

[مزون قلبي]

كيف الترهل ما راح يا بنفسج؟؟؟

يعني ما شال الترهل ؟؟؟؟؟؟؟

[بنفســـــج]

كيف الترهل ما راح يا بنفسج؟؟؟

يعني ما شال الترهل ؟؟؟؟؟؟؟



هلا وغلا بأم مزون الحلوة

وين هالغيبة حبيبتي

بالنسبة لي لألألألألألأ ماشالوا الترهل كله ,,, الترهل كان كبيرة عندي وشالوا يمكن بس النص من خوفهم ان الجرح يفتح معاي !!!!!! يريت يفتح الجرح ولا خلّوا الترهل جذيه :(:(

[انثى متوحشة]

الحمد لله على سلامتك ....وهونيها وتهون

من شاف مصيبة غيره هانت عليه مصيبته..ما دام ممكن تعديلها حتى لو بعد فترة فالحمد لله

[بنفســـــج]

الحمد لله على سلامتك ....وهونيها وتهون

من شاف مصيبة غيره هانت عليه مصيبته..ما دام ممكن تعديلها حتى لو بعد فترة فالحمد لله


ان شاء الله تهون من رب العالمين , الحمد لله على كل حال

تسلمين حبيبتي على التواصل والمتابعه

[غيمة وفا]

يش اخبارك وينك ما طمنتينا على احوالك ويليت توضحي ليه معنى خسفة الي فهمته انه اليد من الوسط داخله على جوه ومن تحت عند الكوع في تجمع للشحم صح
لاني انا تقربين نفس الحاله الي وصفتها ورحت لدكتوره قالت لازم عملية او شفط ودكتوري الي سوى العملية يقول انتظري كم شهر

[بنفســـــج]

يش اخبارك وينك ما طمنتينا على احوالك ويليت توضحي ليه معنى خسفة الي فهمته انه اليد من الوسط داخله على جوه ومن تحت عند الكوع في تجمع للشحم صح
لاني انا تقربين نفس الحاله الي وصفتها ورحت لدكتوره قالت لازم عملية او شفط ودكتوري الي سوى العملية يقول انتظري كم شهر




اانا فوق الكوع بإصبع في مثل الخسفة أو العضّة ( كإنهم مجمعين الجلد بأستيكه ) والكوع صاير فيه شحم ماكان موجود بالسابق ,, من وصفك كإنه يشبه الي حصل لي لكن المسألة هل نوع الي حصل لك يتصلّح مع لبس الكورسيه والا لأ ,,, أنا لأن لي الحين زنودي فيها ترهل كبير ما راح تتصلح الا بعملية جديدة مثل السابقة

==>> يعني كإنك يابو زيد ما غزيت :(:(

انتي راح تعرفين هالأمر من خلال استشارة دكتور ثاني أحسن لج

ويااااااااااارب تكونين مو مثلي يااااااااااااارب ويتصلّح معاج بدون عملية ابد ابد ,,

[قمرية مكة]

بنفسج ووفا الله ييسر أموركما ويعافيكما وتفرحا بالنتيجة بعد مرور الوقت .

[ام نزار]

طهور وأجر وعافية

سلامتك مليييييييييييييون سلامة

[بنفســـــج]

الله يسلمكم

لا تنسوني بالدعاء

[ميمونه]

يارب يفرج همك وكربك عاجلآ غير آجلآ انتي واللي مثلك
ويرزقك عما قريب بالنتيجه اللي تسرك

[بنفســـــج]

يارب يفرج همك وكربك عاجلآ غير آجلآ انتي واللي مثلك
ويرزقك عما قريب بالنتيجه اللي تسرك


آمييييييييييييييييييييييييين

كثري من هالدعاء حبيبتي

[سندريلا]

الحمد لله على سلامتك :)

[دلوول]

الحمد لله على سلامتج

[بنفســـــج]

الله يسلمكم من كل شر

[ضوى]

بنفسج
الحمدلله على سلامتك حبيبتي

طيب بعد فتره اثار العمليه ممكن تروح بالليزر او باي طريقه ؟

[بنفســـــج]

بنفسج
الحمدلله على سلامتك حبيبتي

طيب بعد فتره اثار العمليه ممكن تروح بالليزر او باي طريقه ؟

هلا اختي ضوى

الله يسلمج
على معلوماتي الآثار ما تروح نهائي لكن ممكن تخف لكن ماجربت ولا طريقة لي الحين

يريت إلي يجرّب الليزر يقول لنا :(

[ضوى]

بنفسج
بتعبج تحمليني
انتي لو خيرووك الحين
بين الترهل والخط الطولي ؟
وش تختارين ..

[بنفســـــج]

اتعبيني على راحتج حبيبتي

وصدقيني بالنسبة لي الخط الطولي اهون من الترهل إلي كان فيني :)

لكن طبعاً لازم الدكتور يكون شاطر ومتمكن حتى يشدها صح ويخلي الخط الطولي في منطقة مخفية ما تبان إلا لما ترفعين ايدج ويكون أثر العملية نحيف مو عريض

والله أهم شي اختيار الدكتور الصح لا تطيحون بإلي صار لي بعمليتي الأولى الفاشلة لزنودي :(

[سندريلا دوبيه]

السلام عليكم ورحمة الله وبركاته كل مشكله بهدنيا ولها حل لاتضيقي صدرك وانا اختك الحمدلله موب مرض هذا عشان تضيقين صدرك هالقد واكيد لها حل بس انتي لاتعالجي المشكله بالمشكله الي اقصده انك تضيقي صدرك وتجيك امراض واكتئاب وضغط وسكر وتكوني بمشكله مو مزمنه وتتحول لمشكله مزمنه صدقيني هالكلام من واقع تجارب ميت فيها واخرتها صرت اسيره لضغط وانا توني صغيره الله يكفيك الشرر هونيها وتهون يالغلا.. والله يحلها من عنده..

[بنفســـــج]

السلام عليكم ورحمة الله وبركاته كل مشكله بهدنيا ولها حل لاتضيقي صدرك وانا اختك الحمدلله موب مرض هذا عشان تضيقين صدرك هالقد واكيد لها حل بس انتي لاتعالجي المشكله بالمشكله الي اقصده انك تضيقي صدرك وتجيك امراض واكتئاب وضغط وسكر وتكوني بمشكله مو مزمنه وتتحول لمشكله مزمنه صدقيني هالكلام من واقع تجارب ميت فيها واخرتها صرت اسيره لضغط وانا توني صغيره الله يكفيك الشرر هونيها وتهون يالغلا.. والله يحلها من عنده..




تسلمين حبيبتي على كلامج الطيّب , والله معاج حق

مافي شي يستاهل خاصة لو الحمد لله تنحل ولا شي دايم

ربي يرزقج كل ما تتمنين

[ينبوع من بريد]

الحمد لله على السلامة

[lolh]

بنفسسج قلبوو الله يوفقك يارب.
انا دكتوري قال لي ان الشخص لازم يكمل نزوول كل الوزن الزايد كلللللللللللله عشان مايجيه ترهل ثاني وتفششل عملييته !..
يعني لما يسوويها واحد باقي له 20 كيلو عشان ينزززل ..! هناااا فعلا كانك يابو زيد ماغزيت
لازم ننزززل كل الزاييد ثم يششدوونه !.


مادري اذا فيه معلومات زياده عى هالمووضوع ,, ودي اسسسوي للذراعين بس رفض يقول لازم ينزل وزنك كله! عشان نشيله مره واحده!

[بنفســـــج]

الحمد لله على السلامة

الله يسلمج يارب


بنفسسج قلبوو الله يوفقك يارب.
انا دكتوري قال لي ان الشخص لازم يكمل نزوول كل الوزن الزايد كلللللللللللله عشان مايجيه ترهل ثاني وتفششل عملييته !..
يعني لما يسوويها واحد باقي له 20 كيلو عشان ينزززل ..! هناااا فعلا كانك يابو زيد ماغزيت
لازم ننزززل كل الزاييد ثم يششدوونه !.


مادري اذا فيه معلومات زياده عى هالمووضوع ,, ودي اسسسوي للذراعين بس رفض يقول لازم ينزل وزنك كله! عشان نشيله مره واحده!


انا ما كنت ناوية انزل اكثر بكثير من نزولي الحال , يعني حابّة 7 كيلوات انزلهم اكثر وان شاء الله ما يحصل ترهل على هال7 :a10:

وانا مو كل وقت يناسبني صراحة ,

ربي يسهلها والمهم الواحد خلص الحمد لله لأنّي مو ناوية ابد ابد بإذن الله ادخل عمليات بعد المرّة الاخيرة مووووووناوية بإذن الله أبد

وراح اتقبّل إلي فيني وخلالالالالالالالاص

[تعبت اداوي]

الحمد الله ع السلامه
وقدامك الصحه والعافيه

[بنفســـــج]

الله يعافيج حبيبتي

[ما يخالف]

حمدالله ع السلامة

[كلي حلى]

حمدالله ع سلامتج ياقلبي
حااسه فييج والله ديربالج تحركين واايد لانه موزين

بس سبوعين عذااب بعدين عادي

وهم شي لاطنشين الادوويه اذا طنشتيهم تسبب لج غثيااان

[الحياة حلوة]

الف الحمدالله على سلامتك وتتهني فيها يااااااااااااااااارب

[بنفســـــج]

تسلمون على المتابعة

[البتول]

الحمدلله عسلامتج.

[بنفســـــج]

الله يسلمج حبيبتي

لكن هالعملية من شهر ينااير :whistling:

تبعتها امور اخرى لوووووووول:11::11: