تجربتي لعملية شد البطن

[سراب الدمع]

السلام عليكم ..........
انا عملت العمليه يوم السبت تاريخ 6/3 اول ماصحيت من البنج حسيت بألام فضيعه خفت مع المسكنات وكان حاطين لي انبوب يطلع الدم بعد اليوم الاول الالم يكون محتمل طلعت من المستشفى يوم الاثنين والدكتور شالي الانبوب رغم اني اسمع اغلب اللي يسوون عملية الشد يطلعون بالانبوب اللحين يوم رجعت البيت حسيت بالتعب اكثر لآني مب قادره امشي زين منحني ظهري ومره حاسه بألم في ظهري ..... الى متى ياربي اقدر امشي زين ؟؟؟؟ قالي الدكتور مافيه غرز الأ غرز السر اما العمليه الغرز داخليه بس مره منتفخ وفيه بعد غرز فوق عند العضلات بس البارح انقطع الخياط ماا دري عادي او كيف ..........
قبل النوم احط كريم ميبو ......... واشرب مضاد 6 مرات في اليوم صح واشرب بعد مره واحط على الجرح شوي ......... من تجاربكم بنات متى اقدر امشي زين
متى يبان شكل البطن زين من دون انتفاخ ........متى شلتو غرز السره

[شخصية مستهدفه]

ما شاء الله تبارك الله

الحمدلله على سلامتك

وخليكي على تعليمات طبيبك افضل لكي

بالنسبة للمشي اعتقد انه طبيعي لان الالم في البطن وصعب

توقفي طبيعي لانك بتشدي عالجرح

ربي يشفيك وتفرحي بالنتيجة

اللهم امين

[هبوب نجديه]

الحمد لله على سلامتك
اعتقد تقدري تمشي طبيعي جدا بعد اسبوعين

[بنفســـــج]

الحمد لله على سلامتج

غرز السرة بعد اسبوعين شلتها

وظهري بعد اسبوعين صرت امشي عادي تقريبا لكن بعد 3 اسابيع سهالة

انا ما حصل معاي انتفاخ لأني ما عملت شفط بس شد , والشفط هو الي يسبب الانتفاخ لكن معروف انه ياخذ فترة بين الشهر والشهرين

[المنال]

الحمد لله على السلامه........
الانابيب امكن خلاص مو محتاجتها عشان كذا شالها وتختلف من شخص لثانى.....
حبيبتى المشى طبيعى انك منحنيه ويكون اصلا لمده اسبوعين ما تحاولين تنصبين نفسك بعدين ارجعى ارفعى نفسك والالم الى تحسيه كله طبيعى........
ليه تحطين ميبو الدكتور قلك؟ لانه اصلا للحروق وانتى جرحك لساته مفتوح.......
انا غرز اصلا فى كل عملياتى مافى ولا غرزه فما اقدر افيدك بس اكيد بتروحين مراجعات ويشيك عليها.....
ويش سالفه الخيط الى عند العضله هذى النقطه ما فهمتها ؟لان العضله من جوى ومالها اى خياطه من بره؟؟؟؟؟؟؟؟؟؟؟؟

[حلاوه قطن]

الله يكون في عونك

[سراب الدمع]

اتشكر كل من رد علي الحمد لله طمنتوني على اني اقدر امشي زين بعد اسبوعين .......
غرز السره قالي الدكتور الشهر الجاي اشيلها ....!!!!! والله اني مستغربه غرز تأخذ شهر
كريم ميبو الدكتور ما وصفه لي بس انا ادخل منتديات كويتيات وشفت الاغلب يحطون هذا لكريم
اما الخياط اللي عند العضله انا عارفه انه يكون داخلي بس انا عند بطني من فوق فيه خياط رقيق مره مثل الشعره .... وعندي انتفاخ بسيط تحت من جهة اليمين .... والله الخوف انه عندي تجمع سوائل...... انا عملت العمليه في مكان غير منطقتي رايكم اروح هنا في الدمام عندي اي دكتور تجميل بس يشوف الحاله او استنى شوي

[ξـرۈقـِـِـے ټـحـټـِـِۈيـﮚ]

ياقلبي الله يسخر لكي يارب

[بئر الأسرار]

الله يعينك ان شاء الله وتتهني في النتيجه
بس انتي وين عملتيها مين دكتورك؟؟؟

[أم طحيش]

حبيبتي أي دكتور سواها لج ؟؟؟؟؟

[اميرة الحب]

اولا الحمدلله على السلامه

ويهنيئك بالنتيجه المرضيه ..

وعقبالي يارب,,

ثانيا ,يااختي كم وزنك قبل العمليه ؟ وليه سوتي شد وشفط ..؟؟

هل كان في ترهل شديد بسبب سمنه والا بسبب ولادات ؟؟

ياليت يااختي توضحين هذه النقطه لانها تهمني مره ؟؟

بالنسبه لموضوع المشي على حسب ماسمعت وقرات

مثل ماقالوا لك البنات ياخذ وقت بسيط وان شاء الله وتصيري تمام

وبالنسبه للانتفاخ اعتقد بعد شهر الى شهر ونص يبدا يروح ويخف
والنتيجه الرائعه بعد شهرين ..راح تشوفي شيء حلووووو كثير

الله يمتعك بالصحه والعافيه ,,

لك تحياتي ,,

[سكر]

الحمدللة على السلامة بس من دكتورك ولية سويتيها خارج الدمام

[زهرة الربيع]

انا بعد شهر صرت اقدر امشي زين

والانتفاخ الى الان موجود

والغرز تقريبا لي شهرين ماشلتهم مني انا مارحت للدكتور

[المنال]

انا بعد شهر صرت اقدر امشي زين

والانتفاخ الى الان موجود

والغرز تقريبا لي شهرين ماشلتهم مني انا مارحت للدكتور
غرز ايه الى ما شلتيها؟ واي غرز تقعد شهرين؟

[sultan]

(((قبل النوم احط كريم ميبو ......... واشرب مضاد 6 مرات في اليوم صح واشرب بعد مره واحط على الجرح شوي)))
ميبو لاتستخدميه
اما حكايه مضاد حيوي 6 مرات في اليوم هذا اسمه جنان , مافي مضاد بالعالم يناخذ 6 مرات باليوم
في كريميات تناخد للندبات لكي تلتأم وماتطلع فوق بعض هذي ممكن تستخدميها اما ميبو لا تستخدميه
اشوف ماجبتي سيره المشد !!!
الليات عاده تنشال بعد ماتوصل لرقم معين من خروج السؤائل . بس ممكن توضحيلي وش الخياطه الي انفكت عليكي لان مايكون خياطه ظاهره غير السره فقط والباقي داخلي
ودمتم بخير

[متكممة]

يبدو لي من مشاركاتك اخي سلطان انك تتحدث من واقع معرفة ياليت تشارك بموضوع توضح لنا فيه اكثر عن هالعمليات واللي لنا وعلينا فيها ولك جزيل الشكر مقدما .

اختي صاحبة الموضوع الله يتمم لك على خير وصحة وتنبسطي بالنتائج باذن الله

[المنال]

سالت الدكتور ايمن قبل امس عن كريم ميبو قال لا يستخدم فى اثر العمليات ولا له تاثيرعاد مابالك لو كان الجرح لسى ما التام...
اما المضاد استحاله فى مضاد 6 مرات لانه المضاد الي بعد العمليه معظمها قوتها الف فيكون حبتين يوميا.

[نبض المشاعر]

اعتقد لازم تراجعي دكتور احسن لج
روحي لاي دكتور جراح او تجميل مو مشكله لان
الحين انتي محتاجه احد يشوف الجروح مو يسوي عمليه تجميل
وطمنينا يالغلا

[انثى متوحشة]

الله يسعدك بالنتيجة الحلوة

[sultan]

الاخت متكممه انا مستعد افيدك بالموضوع الي تبي تسالي عنه وانا حاضر للافاده بالمعلومات

[ام خليلووو]

وين صاحبة الموضوع
انتظرتردعلى الاسئلة اللي سالوهاالاعضاءالكرام

[:: بنت البحر ::]

غريب ميبو يستعملوه لخياطه القيصري ومكتوب فيه للخياطات

كيف تقولولها لا تستعمله وهوه يخلي الخياطه تلتام بسرعه

[ألوان]

مرحبا اختي
انا سويت العملية الحين صارلي اسبوعين وبطني لسه في نفخه، والمشد 24 ساعه لازم البسه وخياط السره شلها الدكتور من اسبوع ،والحين امشي عادي بس الم في ظهري وبطني لما أنام أحس انه يحرق من الداخل فمادري هل هو طبيعي ولا ايش!!!
وراح اداوم الاسبوع الجاي الدكتور قالي عادي ممكن أداوم

[لهفة الأنفاس]

ما شاء الله تبارك الله

الحمدلله على سلامتك

[سندريلا]

تقومين بالسلامه
بشرينا عن اخبارك الحين

[عصريه]

تقموومي بالسلااامه

[ترف نجد]

ماشاء الله ولاحول ولاقوة الا بالله
الله يتم عليك صحتك واتمنى تطمنينا عليك وياليت تقولي من سواها لك؟

[هيون]

شخبارك اختي ؟

[نورالتحرير]

ياقلبي عليك بالله طمنينا عليك حبيبتي