هنوني هنوني شدوني شدوني

[sola]

الحمدلله رب العالمين قبل شوية داخلة البيت عملت شد وراجعتلكم لااسرد لكم القصة بس عن جد تعبانة مو حركات وتسلميلي ياهيومه يعطيكي العافية جات زارتني ربي يسعدها

[جيراز]

الحمدلله على سلامتك

ومنتظرينك تجي وتحكينا ايش صار معاكي

[انفاس الغروب]

الحمد لله على سلامتك منتظرينك

:)

[روز الدبه]

الف مبروك والحمد لله على السلامه الله يهنيك

[غنوجة]

الحمد الهل علي سلامتك عسوووله

[جرح المودة]

مبروووووووك اللوك الجديد

تتهنين فيه يارب

والحمدلله على سلامتك

[ام خليلووو]

الحمدلله على سلامتك والف مبروك على الشد
مستنينك لاتطويلين علينا بس ايش شديتي

[بنوته حلوه]

الف لف مبروك

الحمد لله على السلامه
ماتشوفي شر


في انتظار قصتك بتفصيل الممل

[زوووف]

الحمدلله على سلاااااااااااامتك سولا

ماشاء الله عليك بديتي الخطوات


يالله ننتظر تجربتك يا قمر


الله يسهل لك يارب ويهون عليك الامك ...

[شيهانة]

مبروك سولا والحمدلله على
سلامتك ياقمرررر
والله يهون عليك الامك ..

[الفيلسوفه]

حمدالله ع سلامتج
وما تشوفين شر

[المنال]

الله يتمم عليكى انشاء الله.

[هيام]

اهلين سولا
حمد الله على سلامتك ودا واجبنا ياست الكل وان شاء الله تردي لي الزيارة وانتي بصحة وعافية بس مو في عملية شد
سولا شدت بطنها

[دبدوب2009]

الحمد لله على السلامه

[المبـــــ حلوة ــــسم]

الحمدلله على السلامه ياقلبي

[انثى متوحشة]

الحمد لله ع السلامة ما تشوفين شر

[الارجــــوان]

الحمد لله على سلامتكـ يالغلا ..
وفالكـ العافية ياارب ..
منتظرين تجربتكـ على احر من الجمر ..

[كويتية طيووبة]

http://www.5h5h.com/upfiles/kZL23714.jpg (http://www.5h5h.com/)


الحمدلله على سلااااامتك يالغااااااالية سوووولا :)



بس ماكنّا ندري برغبتك بعمليّة الشّد حاليا ... المهم .. ألف مبرووووووووك وبإنتظااااار تجربتك .. والله يوفّقك يالحلاااااااا كلله :)

[sola]

مساء الصباح علي احلى ناس
تسلمولي يازب مايحرمني منكم ولا من دعواتكم

طبعا بادئ ذي بدء انا من 6 شهور عملت شد وتكبير لصدري وتصغير للحلمة ودا كلو عن طريق الحلمة دائري يعني وكان رائع بس الدكتور قلي اذا عملتيها المفروض ماتنحفي اكتر من 8 كيلو وانا غلطتي اني طنشت عيني في الشحمة وعيني في اللحمة كنت ابغا انحف بس ماابغا صدري كدا كان عبارة عن كيس بسبب الرضاعة + نزول الوزن
المهم روحت لدكتوري الرائع ممدوح عشي وعملي العملية وكانت جدا سهلة ماشاءالله وتكللت بالنجاح بس رجع صري اتوهل بسبب نزول الوزن وهذه طبعا غلطتي لانو نبهني


طبعا اترهل الصدر بعد 6 شهور نزلت خلالهم 20 كيلو بالتالي احتاج الى عملية شد اخرى يعني نكبت نفسي بنفسي





طبعا اخدت كتير عشان اقدر اقنع زوجي بالشد مرة تانيةللصدر +اشيل الحشوة القديمة واحط حشوة جديدة بمقاس اكبر +شد البطن



انا رايحة اكل وجايتكم مرة جيعانة دوبي حطيت تحاميل فولتارين فلسة رايقة اكل وارجعلكم مع انو شكلكم نايمين

[غنوجة]

متااااااااااااااابعين

[ميمونه]

الف الحمدلله على سلامتك سولا
ويارب يرفع عنك الألم ويسعدك بالنتايج





متابعه..

[تونه الكويت]

الف الحمدلله على سلامتك سولا حبيبتي
وعساك تشوفين خير هالعملية يارب وتتمتعين بجسم روعه ان شاءالله

متابعة معاج :)

[:: بنت البحر ::]

الحمد لله على سلامتك ياقمر وياارب تكون النتيجه اروع واروع

بس فيدينا بالتكاليف

[عليا]

يارب تنبسطي بالنتايج وتكوني مبرومه برم يارب متابعه

[نبض المشاعر]

الحمد لله على السلامه
والفال لنا يارب
ننتظر التفصيلات المهمه يالغلا

[بنفســـــج]

الف الحمد لله على سلامتج حبيبتي سولا

اجر وعافية يارب ,, وتتهنين بالنتيجة يااااااااارب :47:

[عاابرة]

الحمدالله على سلامتك سولا متشوقه اعرف الباقي وعطيتيني امل اغير حجم السيلكون بحجم اكبر

[بنوته حلوه]

متـــــــــابعه

[sola]

صباح الفل
طبعا امس بعد مااكلت ماقدرت امسك نفسي جاني نوم وروحت علي السرير وياريتني ماروحت ماني قادرة انام الين الساعة 7:30 الصبح حاولت اقلب شوية علي جنبي اليسار مرة كان صعب قلبت بشريش ونمت رجعت صحيت علي الساعة9:30 الصبح وبعدين حاولت اقلب علي جنبي اليمين ونمت وصحيت 10:30 مع الم قوي في ظهري من تحت واسفل البطن قمت بعناء بعد مع زوجي الله يعطيه العافية قومني ودخلت الحمام الله يكرمكم الي كرهت ادخلو بسبب المشد وحطيت تحميلة فولتارين عشان تخفف الالم شوية وقمت اكلت حبتين شابورة مع شريحة جبنة لايت وشربت ادويتي






طبعا نرجع للعملية الاولي سالتوني عن تكلفتها كانت ب15000 ريال



المهم بالنسبة للعملية التانية كانت محددة 22 ابريل الخميس اجلها الدكتور ل2 مايو الاحد




روحت لعيادات عيد كلينك بعد ماالدكتور خيرني بين المستشفيات وانا اخترت عيد كلينك عشان الاسعار وصلت في تمام الساعة 8 صباحا وروحت للاستقبال وطلعتلي ملفي وسجلت حضوري اني موجودة وبعد 5 دقائق بالزبط نادت الممرضة عليا وروحت الغرفة وانا متورترة جدا غيرت ملابسي طبعا لبست لبسهم وقاسولي الضعط ودخلت وحدة تسالني عن عملياتي وهل اعاني من حساسية او لا وجاني دكتور البنج وحطلي الابرة واستنيت شوية وجاني سرير العمليات وقالولي ياللا



راجعة

[miss_dxb]

اختي انا عملتها شفط ولكن مشكلتي مشكله اني ابي اكل كل الي حوالي ليشششش
ماكنت جي ؟؟؟؟بصيح والله

[غنوجة]

يابختك خيرك بين المستشفيات
تهئ تهئ تهئ
متااااابعه بشغف

[sola]

ربي يسعد كل الي مرو ودعولي وعلقو او دخلو وقرأو موضوعي


غنوجة ربي يسعدك ضحكتيني لاانا خيرني بس كنت حاازيد طبعا المبلغ لو في مستشفى تانية بس عيد كلينك انسب سعر



المهم فين وصلنل في قصتنا لما جا سرير العمليات فرحت اني ماحااستنا خلاص بس اتوترت زيادة حطوني علي السرير ودخلت غرفة العمليات وجاني دكتوري الرائع لما شوفتو راح الخوف الصراحة وقالي ياللا جاهزة حنبدأ نخطط


طبعا بدأ ببطني ورسم ورسم وقلي مافي دهون اشفطها بس الجلد واذا عضلاتك مرخية حااشدها

طبعا انا موبس بطني الي مترهلة المنطقة الي اسفل البطن تحت البطن يعني يارب تكونو فهمتو مترهلة ترهل سيئ وتحتاج لشد فشرحلي انوحيفتح من نفس فتحة البطن ويشد هذه المنطقة بغرز داخلية لانها تحتاج شد كامل حتى من الاسفل يعني مو كفاية انو يشد من فتحة البطن بس لازم يشد من الداخل وبعدين يشد العضلات ويشد الجلد + انو يشيل الحشوة القديمة الي كان مقاسها 350 ويحط مقاس 400 +تصغير الحلمة+شد الصدر تاني وخلصنا التخطيط وقلي يالا نامي وجا دكتور البنج وبدا بسائل وبعدين السائل الابيض الي مااعرف ليه يخليني مبسوطة وابتسم علي قول الدكتور وبعدين انام ونمت وبدأ الدكتور في عمليات القص واللزق والشد والمط وبعد فترة سمعت اسمي وبدأو يصحوني جلسوني ساعة في غرفة الافاقة



دخلت غرفة العمليات الساعة9 خرجت 2:30 وقعدت الي 3:30 في غرفة الافاقة

[sola]

طبعا لما كنت في غرفة الافاقة كنت بااتنفض من البرد واصرخ من الالم اعطوني ابرة مسكنة وحطولي بطانيات عشان ادفا ولما ودوني على الغرفة نمت شوية بعدين جاني مساعد الدكتور ممدوح قلي عمليتك كانت صعبة ماينفع تخرجي في نفس اليوم وماحيشيلولي قسطرة البول لاني ماني قادرة امشي فقلي لازم تنامي عندنا وجو عملولي تخليل الهيمو جلوبين وقاسولي الضغط

ونمت تاني وبعدين علي الليل جاتني الممرضة قالتلي لازم تمشي قعدت ابكي من الالم ماني قادرة اوقف ولاامشي ولااقعد ولااسوي ولاشي فكرت نفسي بااتدلع قلت لازم اقوم وامشي حاولت امشي ماقدرت جلست وبدات اتالم جابتلي مسكن واعطتني اياه ونومتني علي السرير

تاني يوم صحيت الصباح وقومني زوجي والممرضة عشان امشي برضو كنت تعبانة جدا جاني الدكتور ممدوح وقلي معليش عمليتك كانت صعبة شوية وطبيعي تكون مؤلمة واكتر شي بيالمك الغرز الداخلية والعضلات


اعطوني مسكن وابرة مميعة للدم وطبعا المضاد
ونمت شوية وصحيت على الضهر شالولي قسطرة البول ومشيت شوية وجلست اكلت كرواسون وبعدين شربت نسكافيه ورجعت مشيت تاني واتمددت على السرير بعدين رجعت قمت روحت الحمام وجاتني هيومه ربي يسعدها وجلست معاها شويتين بعدين خرجت وجاني الدكتور المساعد قلي خلاص اليوم تبغي تخرجي قلتلو ايوا اعطوني الادوية وخرجت ومراجعتي نع دكتوري الغالي الاربعاء


رجعت البيت اكلت ساندويتش ستيك وشربت ادويتي بعدين دخلت وكتبتلكم في النت بس كنت مرة تعبانة وفضلت جالسة ماني قادرة انام بعدين جوعت وانا بااكتبلكم واكلت تاني سلطة وفاصليا خضرا وفنجان عصير كوكتيل فريش


وطبعا قلتلكم اني مانمت كويس خرجت برا جلست في الصالة اتمددت علي الكنبة ونمت للساعة 2:30 الحمدلله طبعا صحيت متالمة وابغا اروح الحمام الله يكرمكم وحطيت تحميلة فولتارين وجلست اكملكم القصة


وكل شوية اسال نفسي ليه عملت في نفسي كدا وحوجت نفسي للالم دا كلو وليه ماشاءالله الي عاملين شد بطن سواء من المنتدي او من برا يقولو عن العملية سهلة هل انا مدلعة ولا من حد عمليتي مو سهلة والله مرة حاسة بتعب وعلي طول متالمة من اي حركة الله يعدي الاليام هذه علي خير ويسهلها

[sola]

طبعا انا حبيت اشارككم قصتي وحاادخل انشاءالله كل يوم اقلكم ايش حاسة وربي ييسر للجميع

[غنوجة]

ياقلبي ماتشوفين شر
انتي عااامله شد للبطن و للمنطقه الي تحت البطن وغرز داخليه
طبيعي بيكون الالم اقوى بكثييييييير
حطي في بالك الم مده وبيروح وبتتهنيني با النتيجه الطيبه

[ورد خجول]

حمدلله عسلامه وماتشوفين شر

ومبروك على نجاح العمليه



ومشكوره على تعريفنا بقصتك


وانا عندي سؤال لو تكرمتي


في وحده اعرفها سوت عملية لصدر وتقول للاسف في علامات خربت منضر الصدر



لان الغرز والخياطه واضحه غير ان الحلمات مومرتبه بالمره



وهذا اصابها بأكتاب دائم


ولي سوت العملية دكتوره ___هل هذا سبب لفشل العمليه


ام ان هذي النتيجه عند الكل


افيديني بذالك ولكي شكري

[بنوته حلوه]

ماتشوفي شر

ان شاء الله كلها فتره وتعدي وتنبسطي من النتيجه

[sola]

ورد خجول العفو هذا واجبي اني اشارك اخواني واخواتي قصتي الي وقفو معايا من البداية
وبالنسبة لفشل العملية او نجاحها هذه خيرة ونصيب وبصراحة انا للاسف مااثق اني اسلم نفسي لجراحة احس انو جراح افضل هذه وجهة نظري من زمان بس برضو الي سار مع اختك مقدر ومكتوب الله يعوضها خير

[افرجها يارب]

الف حمدلله على السلامه
وربنا يتم عليكي الشفا
وتفرحي بالنتيجه باذن الله

[sola]

اشكر كل من دخل موضوعي ودعالي الله ييسر اموركم جميعا

[بنفســـــج]

وليه ماشاءالله الي عاملين شد بطن سواء من المنتدي او من برا يقولو عن العملية سهلة هل انا مدلعة ولا من حد عمليتي مو سهلة والله مرة حاسة بتعب وعلي طول متالمة من اي حركة الله يعدي الاليام هذه علي خير ويسهلها



منوووووووووو المجرمة إلي قالت ان المسألة سهلة ؟!؟!؟!؟!؟!:a15:

لا والله هالعمليات اصعب من عمليات السمنة نفسها لكن مضطرين لها والنتيجة ان شاء الله تستاهل التعب :006:

واااااي اشد الم الألم وانتي بغرفة الإفاقة , ألم ما ينوصف

[قمرية مكة]

حمداً لله على سلامتك يا سولا، والله يتمملك بالصحة والعافية ، وترى الألم بيروح مع الوقت حاولي تمشي شوية شوية بالبيت لأن ذلك يشعرك بالراحة يوم عن يوم .

ولا تنس تشربي مرررة فهي تساعد على شفاء الجرح بسرعة .

[صبر جميل]

الحمدلله على سلامتك..

وجمع الله لكِ بين الأجر والعافية..

[المنال]

منوووووووووو المجرمة إلي قالت ان المسألة سهلة ؟!؟!؟!؟!؟!:a15:

لا والله هالعمليات اصعب من عمليات السمنة نفسها لكن مضطرين لها والنتيجة ان شاء الله تستاهل التعب :006:

واااااي اشد الم الألم وانتي بغرفة الإفاقة , ألم ما ينوصف
الله يسامحك يا بنفسج انا مجرمه ...
انا قلتلكم فى شد البطن ان الالم يستحمل بالنسبه للي كنت اتوقعه ومو معناته انه مافى الم مع انى ما اظن احد عمليته اكبر من عمليتى فى المنتدى لانى عملت شد للبطن والظهر مع شد للعضلات وشد للعانه, واكيد يختلف من شخص لاخر اما الان فى العمليه الثانيه ليومكم متعذبه وتعبانه.

[غااالية غ]

الحمد لله على سلامتك

[بنفســـــج]

الله يسامحك يا بنفسج انا مجرمه ...
انا قلتلكم فى شد البطن ان الالم يستحمل بالنسبه للي كنت اتوقعه ومو معناته انه مافى الم مع انى ما اظن احد عمليته اكبر من عمليتى فى المنتدى لانى عملت شد للبطن والظهر مع شد للعضلات وشد للعانه, واكيد يختلف من شخص لاخر اما الان فى العمليه الثانيه ليومكم متعذبه وتعبانه.



انتي ما قلتي سهلة ؟! قلتي يحتمل :006:

يعني انتي براااءة :grl_thanku:

[أحلم بالرشاقة]

الف الحمدلله على السلامة ياقمر

[بئر الأسرار]

ما شاء الله يا سولا
الحمد لله على سلامتك
وان شاء الله تتهني بالنتيجه يا رب
متاااابعه معاكِ

[sola]

ههههههههههههههههههههههههههههههههههههههه
بنفسج ومنو صلو على النبي منو قالت يحتمل بس اصايل قالتلي ولاشي جنب الم الصدر وصحبتي برا المنتدي تقلي الم لايذكر

علي فكرة يامنو لو قريتي كويس انا تقريبا زيك بس من دون الظهر يعني شد للعضلات والعانة وغرز جوا وبرا +الصدر تغيير حشوة وتصغير حلمة وشد فعمليتك مو اصعب بس كل واحد عندو قدرة علي التحمل ويشوف انو وضعه صعب وانا ماجبت سيرتك ولاقلت انو عمليتك سهلة بس انتي بالنسبة ليكي جنب العمليات التانيةكنتي شايفاها اهون


عموما الحمدلله على سلامتي وسلامتك وسلامت كل الي عملوها والله يتمم شفايا علي خير ويريحني من الالم هذا

[sola]

طبعا انا لما كلمت الدكتور امس قلي اذا اليوم الي هوا الثلاثاء مافي دم في الكيس حق الدم اروح عشان يشيلو بس كان في فقلي تعالي بكرا الي هو الاربعاء

بالنسبة لوضعي اليوم ماني عارفة اوصفو متالمة وماني قادرة امشي احس بالم فظيع في العضلات وفي الجنبين وفوق العانة يارب عديها علي خير



ربي يسعد كل الي مرو ودعولي الله يسعدهم وييسر امورهم

[بدوره]

نهنيك كيف ما نهنيك ... الف الحمد لله على سلامتك والف الف مبروك للشد الجديد

سؤالي .... تشوفين الحين منطقة العانه وكيف نتيجتها!! ... وشدها يكون مجرد شد للجلد المترهل والا في شغل داخلي يخص هالمنطقه !!

[نـــــورة]

الحمد لله على سلامتك

ومشكورة على عرض تجربتك

سؤال ياقمر:

حشوتك القديمة كانت موية وملح

والحين غيرتييها الى سلكون جيل؟او لا؟

ثانكس الوت

[المنال]

ههههههههههههههههههههههههههههههههههههههه
بنفسج ومنو صلو على النبي منو قالت يحتمل بس اصايل قالتلي ولاشي جنب الم الصدر وصحبتي برا المنتدي تقلي الم لايذكر

علي فكرة يامنو لو قريتي كويس انا تقريبا زيك بس من دون الظهر يعني شد للعضلات والعانة وغرز جوا وبرا +الصدر تغيير حشوة وتصغير حلمة وشد فعمليتك مو اصعب بس كل واحد عندو قدرة علي التحمل ويشوف انو وضعه صعب وانا ماجبت سيرتك ولاقلت انو عمليتك سهلة بس انتي بالنسبة ليكي جنب العمليات التانيةكنتي شايفاها اهون


عموما الحمدلله على سلامتي وسلامتك وسلامت كل الي عملوها والله يتمم شفايا علي خير ويريحني من الالم هذا

ههههههههههه داريه حبيبتى انك ما تقصدينى بشئ وبنفسج مافى احد مجرم غيرها ههههههههههه...
ايه انتى نفس عمليتى بس انا ما ذكرت فى تجربتى انى شديت العانه وانا زياده عنك الظهر بس ما فهمت ايش خياطه داخليه وخارجيه؟؟؟

[لاشيء]

:tender:الحمد لله على سلامتك وماتشوفين شر انشاء الله
*اشكرك على الالم اللي عيشتينا فيه وهذا مو دلع بس لازم الواحد يعرف حجم الالم لمثل هالعمليات عشان ماينصدم
*واشكرك بعنف:tender: على انك ذكرتي شد العانه لاني ما قريت احد مسويها وسألت الدكتور ايمن في اللقاء ي
وم الاحد بس ما اعطاني رد شافي ولا تبخلين علينا با التفاصيل والنتائج بس مو اللحين لين تشدين حيلك وتشوفين احلى نتائج انشاء الله واحلى جسم ودمتي بحفظ الله

[دبه قلبها أبيض]

الحمدالله على سلامتج حبيبتي

وماتشوووفين شر يارب

والله يعطيج الصحة والعافية

:d

[انفاس الغروب]

الحمد لله على سلامتك يا قلبي

عندي سؤال صغرون ..!

أنتي بس سويت عمليه شد بطن ؟ و كم كلفتك ؟

:

:

[بنفســـــج]

وبنفسج مافى احد مجرم غيرها ههههههههههه...



منوووووووووووو 24 :confused1::confused1: الله يسامحج :cry2::cry2:

يعني الحين انا مو كاسره خاطرج :a23: هذا وانتي عارفة شنو انا مسوية من اسبوع :a20:وإني عاملة 4 في 1 :oop:


كإنا قلبنا موضوع البنت علينا :sorry:

[نبض المشاعر]

مشكورة يالسولا
الله يساعدج وتكسبين صحتج وجسم جميل ممشوق
وكلها ايام وتعددي بأذن الله

[حلاوه قطن]

الف مبروك ياقمر
والله يهنيك بالنتيجه

[sola]

ليه يابنفسج ايش هوا الي4في1 لازم نعرف تحكي منو بس

[sola]

منو اشرحلك على الخاص احسن

لاشيء ربي يسعدك على دعواتك والعفو واشكرك انتي علي الكلام الي قلتيه وبالنسبة لشد العانة في الشد العادي الي مع البطن وهذا بيتسوا عادة ويتشد مع نفس شدة البطن نفس الفتحة يعني


وفي الشد الي بغرز داخلية اول زي ماانا عملت عشان تشد المنطقة كلها واذا خابة تفصيلا افضل علي الخاص

انفاس الغروب انا ماسويت بس شد للبطن انا سويت كذا شي شكلك ماقريتي الموضوع

[sola]

بدورة حااردلك علي الخاص

دبة قلبها ابيض نورتيني وشكرا لمرورك ودعواتك

نبض المشاعر تسلميلي يارب من كل شر نورتي

حلاوة قطن يعطيكي العافية ونورتي ياعسل

[sola]

نورة الله يبارك فيكي


بالنسبة للحشوة صح كانت موية وملح وحطيت جل سليكون بس كيف عرفتي

[sola]

نورة الله يبارك فيكي


بالنسبة للحشوة صح كانت موية وملح وحطيت جل سليكون بس كيف عرفتي

[ξـرۈقـِـِـے ټـحـټـِـِۈيـﮚ]

الحمدلله على السلامه يالغاليه


الف الف الحمدلله على السلامه


ربي يتمم عليكي وتقومين بالسلامه



وننتظر سرد تجربتك،,




ودي

[غنوجة]

طمنينا عنك بعد ماتشيلي الكيس

[sola]

عروقي تحتويك انا سردت تجربتي خلاص وباانتظار النتايج اليوم انشاءالله ياغنوجة حااشيل الكيس الله لايكتبو علي احد شي مقرف ومتعب بس الحمدلله

[متكممة]

ياقلبي الحمدلله على سلامتك والله يتمم لك بالصحة والعافية وكل ماتتمنين ويهون عليك الامك وتشفين وتتعافين باسرع وقت انه ولي ذلك والقادر عليه .

[sola]

متكممة ربي يسلمك ويحميكي من كل شر جزاكي الله خير علي دعواتك ويارب يكون ليكي نصيب من دعواتك

[النازل بعنف]

الحمد لله على سلامتك و 1000 مبروك اللوك الجديد

[المنال]

منوووووووووووو 24 :confused1::confused1: الله يسامحج :cry2::cry2:

يعني الحين انا مو كاسره خاطرج :a23: هذا وانتي عارفة شنو انا مسوية من اسبوع :a20:وإني عاملة 4 في 1 :oop:


كإنا قلبنا موضوع البنت علينا :sorry:
ههههههههه انا اكثر وحده بحس فيك فى هالوقت:shi: بس وربى جالسه امزح .

[الامل المشرق]

معذرة على التأخير

حمدا لله على سلامتك
طهور وأجر وعافية

موفقة باذنه تعالى

[بنفســـــج]

ليه يابنفسج ايش هوا الي4في1 لازم نعرف تحكي منو بس


مو القصد والله كلكم خواتي حبيبتي :wub2:

راح ارسل لك على الخاص

[sola]

اخي الامل المشرق سلمك الله من كل شر وشكرا على مرورك

بنفسوجة ربي يسعدك ومايضيعلك تعب



اخباري اليوم
روحت العيادة نظفولي الجرح مارضي الدكتور يشيل الكيس قلي لسة في دم ونبغا نكون في امان نخاف تتجمع سوائل


اعطاني موعد بكرة اشيل الكيس ـ ويوم الاحد يفك الغرز

بالنسبة للصدر الحمدلله رائع وصغرلي الحلمة او الدائرة

البطن طبعا لاصقة في الظهر ماشاءالله شي يفرح بس متورمة والسرة متورمة قلي طبعا حتهدا ويخف التورم




الالام موجودة بس هديت شوية الحمدلله مازلت امشي محنية مااقدر ارفع ظهري
صدري اليسار شادد شوية يعني الم خفيف لايذكر


ظهري مرة يالمني مااعرف ليه احس وانا ماشية كانو مفتوح مااعرف كيف اوصفو بس انشاءالله فترة وتعدي



هذه اخباري اليوم ودمتم بخير وعافية

[غنوجة]

الحمد الله اموورك طيبه

[غنوجة]

بنفسج وش سويتي ؟؟؟؟
انا بعد ابي اعرف ؟؟؟ سويتي شي بعد الذراع ؟؟؟؟؟؟؟

[شخصية مستهدفه]

الحمدلله على سلامتك

وربي يمتعك بالصحه والعافية

[ام البنين]

الحمد لله على السلامه وان شاء الله تعدي هالايام بسرعه يخف الالم وتنبسطي
وحكايه الخاص حتى انا ابغى منه واحد :)

بس انتي تنشطي وانا بهريكي اسئلة

قدامك العافية

[مترهله]

الف حمدالله على السلامه ياعسل


على فكره احس الدكتور ممدوح ممتاز وعبقري وايده تتلف في حرير احسه انسان واثق من نفسه
انا سويت عنده حقن دهون للوجه من سنه
بصراحه انا لحد اليوم ما فقت الدهن من الوجه
اهي خفت عن اول يوم سوالي فيها الحقن في البدايه تكون مره منفوخه ويوم تخف تاخذ الشكل الطبيعي
انا كنت طالبه منه انها تكون حجمها طبيعي اذا خفت
او قال طيب انا لازم ازيد عن الحجم الطبيعي عشان راح تفقدين بعضها
اهم حاجه لا تظغطينها او تاكلين لبان ولا ينزل وزنك
بصراحه انا وزني محافظه عليه واللبان قاطعته



بغيت استفسر منك عن حاجه بعد اذنك
كم كلفت العمليه حقت الصدر
هل تخدميني عزيزتي
هل هناك فرق بين تصغير الصدر مع الشد
والشد مع السلكون بالسعر


جراحة البطن كم كافتك



انا قال الدكتور لو عملت لك الجراحه بتكون 14000 الف ريال


وعلى فكره الدكتور ممدوح فتح له مركز خاص فيه
معقول باقي يتابع مع عيد كلنك
انتظر الرد

[البتول]

موفق بإذن الله ... لك مني أجمل تحية .

[كويتية طيووبة]

http://www.5h5h.com/upfiles/28694151.gif (http://www.5h5h.com/)



مرحباااااا سولا الغالية :)

وإن شاءالله اليوووم إنتي أحسن .. الله يعيينك على الألم والله .....



حبييبتي .. أبغي أسألك عن شد منطقة العانة عطيني تفاصيلها بالخاص يعني مكان الغرز وطريقتها بالضبط وويين قصّوا ولا ما قصّوا شي منها !>> أزعجنااك بهالموضوع عذرينا .. بس إنتي أوّل وحدة وأشجع وحدة صرّحت بهالموضووع .. وبصرااحة عندنا حاااجة شدييدة للمعرفة للتطبييق ولأننا مساكيين ذاايبيين ومترهلييين بشكل محرج للغاااية :(...




وبالنسبة لبطنك والشد .. إنتي مو ناوية تحملي وتجيبي بيبي ؟؟ يعني أنا نفسي أسويها بس قاللولي إذا نفسك بالخلفة لا تسويينها !!!! :( وزعللت كثيير لأني مأجلة موضوووع الخلفة لكم سنة لقدّااام .. يعني معقوولة أعيييش مع الترهل الكبييير جداااا اللي عندي والتشوّه سنيييين علشاان الخلفة !! ولاّ أسوييها وخلااااااص بعد كم شهر !!!!! >> كثييييييييييير محتارة في أمري !



يعني أخاف أسوييها .. وبعد كم سنة إذا الله كتب لي أحمل وأوولد ترجع مترهلّلللة وقبييحة !

[sola]

شخوصة ياعسل نورتيني الله يعافي قلبك ياعيني

ام البنين ضحكتيني وربي من عيوني ابعتلك على الخاص بس ايش تبغي تعرفي في اشياد صعب اوصفها على الملأ بس انتي تامري ياقلبي





البتول شاكرة مرورك


مترهلة الله يسلمك ياعيني من كل شر
وبالنسبة للدكتور ممدوح انا لن ارضي بغيره بديل صراحة يدو بجد تتلف في حرير وهو انسان رائع بكل ماتحمله الكلمة

بس ماقلتيلي من فين شفطلك الدهون


واذا قلك على جراحة البطن ب 14000 ترا مرة كويس اتحدا تلاقي السعر هذا عند احد غيرو الله يباركلو

بالنسبة للفرق في السعر بين الشد مع االتصغير او الشد مع السليكون مااعرف اذا في فرق ولالا بس تتراوح اسعاره في الحاله هذه مابين 14000 الى18000على حد علمي وخبرتي من اسئلتي للناس الي بيسوو عنده


اما بالنسبة لعملية الصدر حقتي الاولى كلفتني 14000 ريال


وهذه المرة كانت 15000 البطن + الصدر3000 سعر الحشوة الجديدة يعني كله على بعضو 18000 ريال




وبالنسبة للدكتور ممدوح صح فتح مركز جديد بس انا روحتلو من وقت ماكان في عيد كلينك واتفقت معاه علي هذا السعر علي اساس انو اسويها في عيد كلينك لما نقل وقلي انو حيرتفع السعر عشان حااسويها في مستشفي قلتلو مو هذا اتفاقنا فقلي خلاص اسويلك اياها بنفس السعر في عيد كلينك

[sola]

طيوبة ياغالية ربي يسعدك وتسلمي على سؤالك حبيبتي لاازعجتوني ولاشي انا تحت امرك اسالي الي تبغيه ياقلبي بين يدك والله ياطيوبة انتي ليكي معزة ومحبة في قلبي ومن جد نفسي اشوفك واتعرف عليكي وبالنسبة للخلفة والعيال انا صارفة نظر الان بس مو معناتو ماابغا بس ماني قادرة اتحمل منظر الترهل حق بطني والصراحة فكرة الحمل والولادة انا ماجلتها 6 او 8 او 10 سنين يمكن كمان فليش اجلس دا كلو بهذه البطن البشعة هذه كانت وجهة نظري بس مو شرط تكون صح كتير قالولي انتي هبلة لانو حتترهل تاني بس حتي لو اترهلت ماحتكو بالبشاعة الي كانت فيها لانو في فرق الان يمكن الي بااقولو صح ويمكن بااصبر نفسي مااعرف بس اذا انتي ماجلة لفترة طويلة سويها طبعا اذا وصلتي للوزم الي تبغيه بس اذا لسة قدامك تنزلي وماانتي مطولة تاجيل فكرة الحمل استني مرة وحدة اعمليها وبالنسبة لشد العانة اوكيه على الخاص حااشرحلك

وبالتوفيق ياقلبي الله ييسرلك امورك

[هيام]

صباح الخير ياسولا
الف سلامة عليكي وربي يفرحك بالنتيجة يارب

بس من كلامك انتي واصايل وبنفسج وغنوجة ومنو
مااتشجعت اعمل عملية بالمرة

بنفسج
انا كمان نفسي اعرف ايش سويتي

[نبض المشاعر]

هلا والله بسولا
فرحت لج وايد يالغلا
الله يعدي هذي الايام على خير
حبيبتي ممكن انا بعد ترسلي لي على الخاص سالفه شد العانه
كأن السالفه حلاوة كلنا يبغي شوي هههههههه
بس بجد محتاجه لاني ناويه اعملها عند الدكتور ممدوح
الف شكر مقدماً

[sola]

ليه ياهيومه وانا اقول عنك قوية انشاءالله تنسي لما توصلي الوزن الي تبغيه تنسي الي شوفتي وسمعتيه مننا وتتحمسي تشدي الجلد المترهل
الله يختارلك الخير ومشكورة على التثبيت




نبض حبيبتي انتي من عيوني ارسلك ليه لا هو بس لو مافيها حياء اكتب هنا عادي بس انا احس الشرح تفصيلا في دا الموضوع صعب شوية

[نبض المشاعر]

ليه ياهيومه وانا اقول عنك قوية انشاءالله تنسي لما توصلي الوزن الي تبغيه تنسي الي شوفتي وسمعتيه مننا وتتحمسي تشدي الجلد المترهل
الله يختارلك الخير ومشكورة على التثبيت




نبض حبيبتي انتي من عيوني ارسلك ليه لا هو بس لو مافيها حياء اكتب هنا عادي بس انا احس الشرح تفصيلا في دا الموضوع صعب شوية


هلا عمري سولا معاج حق يالغلا
ياخراشي وهي دي تيقي على الملا والى درا والى مادرا بيقرة
لا حبيبتي معاج حق

[sola]

صباح الفل
اخباري اليوم
ماقذرت انام للاسف صدري اليسار مرة شادد وبطني الجرح من الجهة اليمين مرة يالمني

انشاءالله اليوم اشيل كيس الدم وافتك منه والله يسهل للجميع

ودايما منورين صفحتي ومعطرينها بمروركم

[قلب وردي]

الا زعلك حبيبتي سولا
اجر وعافيه ومبروك عليك وان شاء الله تقومي غزال رشيق وتمارسي حياتك الطبيعيه وربي يحفظك من العين



http://www.ksadalel.com/vb/imgcache/215.imgcache.bmp

[sola]

ياعيوني انتي ياقلب وردي تسلمي يارب نورتي ربي مايحرمني طلاتك

[بنوته حلوه]

ربي يساعدك ان شاء الله

[بنفســـــج]

بنفسج وش سويتي ؟؟؟؟
انا بعد ابي اعرف ؟؟؟ سويتي شي بعد الذراع ؟؟؟؟؟؟؟



بنفسج
انا كمان نفسي اعرف ايش سويتي





:blush::blush: من اسبوع عملت زنودي مرة ثانية معاها بعض التوابع ,, لكن بصراحة مالي نفس اتكلم بهالموضوع لأنّي تعبت تعبت تعبت من هالسالفة وأذاها :9::9:

[sola]

صباح الخير
انا بااصبح وبااقلكم جمعة مباركة لانو اصبحنا خلاص يوم الجمعة

طبعا امس الخميس قلتلكم انو حااشيل الكيس لانو ماشلتو الاربعاء وطبعا لما روحا كان فوق العشرين cc وبالتالي الدكتور مايشيل نادتلي الممرضة الدكتور وقالتلو قلها لا ماينفع ينشال هو قال الكلمة هذه من هنا وانا انفلت بكا من هنا قلي لا والله اشيلك هوا ولايهمك لاتبكي بس جيبي مشد اصغر عشان يخرج كل الي في بطنك متجمع


طبعا سؤالي من فين اشتري مشد كويس للي عنده خبرة



المهم شالت الانبوب الاول وكان مرة الم خفيف التاني مااتمنى الالم لعدوي يارب لاتوريه احد الم فظيع والجسم كله يتقشعر من السحبة الانبوب طويل احس بيه وهو ينسحب وطبعا محله كان مرة يحرق
المهم الحمدلله ورجعت البيت وحالتي النفسية زي الزفت اني عملت كدا في نفسي وحوجت نفسي لهذا الالم وزعلانة من زوجي اقله ليه طاوعتني ووافقتني اعملها

جاتني اختي وخالتي وبنت خالتي اتسليت معاهم وفكيت عن نفسي غيرت نفسيتي شوية


الحمدلله الالم هدي شوية اليوم احسن حطيت تحميلة فولتارين

هذه اخباري اليوم واوافيكم بالجديد

[غنوجة]

ياقلبي كان صبرتي علي نفسك ليه تشيليه ؟؟؟؟
مو حلو لما الجرح يقعد ينزل من حاله
كنت اتمنى لو الدكتور حط لي درينق بدال الحوسه والقرف وكل شوي غسل مشد
يلا الحمد الله علي كل حاال
كل شي خيره
واكيد اغلب السوائل طلعت ها المده
المشد من عيادة الدكتور انا كنت اخذه معقوله ماعندهم ؟؟؟؟؟؟
امممممممم تعرفين مركز الدكتور الي في الروضه
مو تلفين من عند جرير وتدخلين علي شارع عبد المقصود خوجه وتمشين سيدا تلقين مركز الدكتور علي يدك اليمين ؟؟؟؟؟
لاتلفين من عند جرير يمين امشي سيدا علي طول بتلقين محل علي يدك اليمين اسمه مو متذكرته بجيب لك اسمه من المشد حقي هذا المحل الدكتور يجيب منه المشدات او يفصل عنده او ياخذ القماش ما ادري بس المشدلات والاكياس عليها نفس اسم المحل انا شفته با الصدفه وانا خارجه من عند الدكتور

[غنوجة]

:blush::blush: من اسبوع عملت زنودي مرة ثانية معاها بعض التوابع ,, لكن بصراحة مالي نفس اتكلم بهالموضوع لأنّي تعبت تعبت تعبت من هالسالفة وأذاها :9::9:

ياقلبي انتي
الله يسهل امورك ويهونها يااارب

[غنوجة]

ايوا طلعت شركه تجميليه تبيع مشدات

هذا موقعهم
http://www.louashy.com/en/medical.php

والفرع حقهم مثل ماوصفت لك

[أحلم بالرشاقة]

حبيبتي حتى انا حابه اعرف تفاصيل عن شد العانه لو سمحتي .....
لاتنسيني بنسخه من الرساله
ربي وفقك ويتمم عليك العافيه.......

[sola]

مساءالخير
جمعة مباركة
ماشاءالله ماشاءالله ماشاءالله انا اليوم صحيت من النوم افضل كتييييييييييييير
الحمدلله كما ينبغي لجلال وجهه وعظيم سلطانه

وبالنسبة للمشي لسة محنية


قاعدة اشرب النسكافيه حقتي واتصفح في المنتدى الرائع

الحمدلله نفسيتي احسن كتير الف شكر ليك يارب



بالنسبة للدرنق ياغنوجة صح اسمه كدا المهم انا والله ماقدرت اتحملو وكان مرة مؤلم بعدين المفرض 4ايام كفاية ماادري ليه مااتخيلت انو مؤذي وجوده يالله كل مااتذكره ابغا ابكي على نفسي احس انو العملية كوم والليات الي والكيس دا كوم تاني كان مؤلم ومايخليني انام واذا اتحركت وانا نايمة يشد ويحرقني بس الحمدلله على كل شي ربي اراد يمكن اكون اتسرعت بس صدقيني غنوجة لو الدكتور شاف انو ماينفع ماكان حيشيلو وقت ماكنت ابغا اشيل الحشوة واحط حشوة جديدة قاعدة اترجاه في غرفة العمليات يحطلي مقاس450 وهو مو راضي قلي مو مناسب ليكي وحيسير شكل الصدر مو حلو يعني مشى كلمته لانه شاف انو مصلحتي كدا

بس بطني من جد منفوخة مرة ماكانها مشدودة من كتر النفخة
شكرا غنوجة ربي مايحرمني منك حااشوف دا المحل اليوم ارسل زوجي لاني للاسف مرة مااقدر انزل واطلع ماابغا جيران اختي يشوفوني لانهم اهل زوجها وماابغاهم يدرو لما روحت العيادة ورجعت في المرتين اروح واجي كاني اسرق واتسحب وبشويش عشان مااحد يشوفوني والمشكلة انو حركتي بطيئة يعني لو احد جا فجاة مااقدر اجري او امشي بسرعة لازم حاانكفش ويبان المستخبي


احلم بالرشاقة من عيوني ياقلبي ارسلك على الخاص

[بنفســـــج]

لا تتضايقين حبيبتي راح تشوفين كيف كل يوم يصير أخف من الي قبله ان شاء الله

ولا تندمين على إلي عملتيه لأنك خلالالالالالاص عملتيه ولو ماكان خيرة كان ربك ما سهلها لك

عطي نفسج اسبوع وتشوفين الفرق ان شاء الله

والانحناء يطوّل شوي لكن بين الاسبوعين والثلاث

[ام البنين]

ياربيييي ياسولا مرررره متعاطفه معاكي

ان شاء الله اذا نزلت المدينه شكلي بزورك ونتكلم بكل شي شرايك؟؟؟

[sola]

ام البنين تنوريني ياقلبي ياربت تجي المدينة وربي في عيوني

بنفسج تسلمي على كلامك الي زي السكر انا عارفة صح هي خيرة بس دايما الواحد لما يتالم يقول كدا الحمدلله علي كل حال ربي يسعدك ويطمن بالك الله يعدي الايام علي خير
ابغا اسالك انا عندي نفخة في بطني سارلك كدا ولالا او الي جرب شد البطن البطن منفوخة ماهي لاصقة في ظهري يعني عادي وكم تاخد النفخة هدي وتروح

[هيام]

ليه ياهيومه وانا اقول عنك قوية انشاءالله تنسي لما توصلي الوزن الي تبغيه تنسي الي شوفتي وسمعتيه مننا وتتحمسي تشدي الجلد المترهل
الله يختارلك الخير ومشكورة على التثبيت




نبض حبيبتي انتي من عيوني ارسلك ليه لا هو بس لو مافيها حياء اكتب هنا عادي بس انا احس الشرح تفصيلا في دا الموضوع صعب شوية



ولا قوية ولا شي لايغرك الشكل العام
ربنا يسهل من عنده
اتمنى انك تكوني بصحة وعافية يارب

[هيام]

الا زعلك حبيبتي سولا
اجر وعافيه ومبروك عليك وان شاء الله تقومي غزال رشيق وتمارسي حياتك الطبيعيه وربي يحفظك من العين



http://www.ksadalel.com/vb/imgcache/215.imgcache.bmp

الله لنا ياقلب وردي
سولا تراضيها وانا لا طيب

[sola]

يوه يوه ياهيام كدا عيني عينك تقعديلي طيب ياستي اراضيكي انا بدال قلب وردي
ههههههههههههههههههههههههههههه
الحمدلله انا طيبة هيومه انتي كيفك وكيف جوك يارب تكوني احسن

[بنفســـــج]

بنفسج
ابغا اسالك انا عندي نفخة في بطني سارلك كدا ولالا او الي جرب شد البطن البطن منفوخة ماهي لاصقة في ظهري يعني عادي وكم تاخد النفخة هدي وتروح



لا والله حبيبتي انا ماحصل لي نفخة , يمكن انتي عمل لج الدكتور شفط لو عمل شفط يحصل نفخ وتورّم لكن انا بس شدّيت بطني بدون شفط

وعلى العموم اي تورّم ياخذ من اسبوعين ليما شهرين على حسب كلام الدكتور

[sola]

ايوا احتمال عشان الشفط بس هو قلي عادي وحاارجع اسالو الاحد موعدي انشاءالله ربي يسعدك بنفسوجة

[هيام]

جوي زفت ياسولا
دعواتك
كمان موضوع يدي وموضوعي الي حكيتك عنه مسببين لي اكتئاب
غير ضغط العمل

[هيام]

سولا
انتي ماشفطتي انتي بس شديتي صح ولا لا

[sola]

الله يرفع عنك هيومه ويريح قلبك
والله ماادري تصزقي هو قلي مافي دهون بس ماادري سفطلي ولالا من الاجناب لانو في زي الكدمات

[sola]

مساؤكم فل وياسمين

ماشاءالله اليوم انا احسن بس النفسية مو مزبوطة مستغربة من بطني المنفوخة والجلد الي فوق السرة لين شوية مو مشدود مااعرف حيتعدل دا الشي ولالا ووسطي مرة يالمني بس الحمدلله مشيتي اتحسنت والالم خف كتير يارب لك الحمد والشكر بس الله يهديني اكلت تشيز كيك شوية والمتني في بطني وعملتلي دامبينق
بعد المغرب عندي مراجعة عند الدكتور ممدوح حااروح لما ارجع اطمنكم

وبالتوفيق للجميع دمتو بخير اخواني واخواتي

[sola]

مساؤكم فل وورد وياسمين
روحت اليوم عند الدكتور وقلي الحمدلله امورك طيبة ولبست مشد من نعومي جبته اضيق من الي اعطوني اياه والحمدلله انا احسن والالم خفيف بس عندي غازات ونفخة قلي الدكتور كمان اسبوع تروح منك

[غنوجة]

زين الحمد الله علي سلامتك
هااااانت
اول اسبوع هو اغث اسبوع بعدها راح تلقين الوقت يجري

[بنفســـــج]

الحمد لله حبيبتي انج تطمنتي

ربي يتمم عليج يارب

[زوووف]

ممتاز يا سولا

ولا تستعجلي ولا تناظري كثير في نفسك

خليها لمدة شهر وبعدها قيمي نفسك

الله يهنيك يااارب

[ميمونه]

الحمدلله ان الدكتور طمنك
ويارب تصيري من احسن لاحسن

[نبض المشاعر]

الله يسعدج دنيا واخرة يالغلا
والله من جد فرحت لج
الله يتمم لج على خير وكل يوم يكون احسن واخف من الى قبله

[sola]

غنوجة ربي يسلم قلبك من كل شر من جد اول اسبوع مقرف ومؤلم



بنفسج ياعيوني تسلمي يارب ويتمملك انتي كمان ويريح قلبك


زووف انا مشكلتي اني كل مالقيت فرصة اطالع في بطني بااطالع لانو اصلا بطني لينة من عند السرة لانو انا يبغالي شد بالطول كمان نسيت اقلكم النقطة هدي لانو برغم انو وزني ماكان هداك الكبر بس الترهل الي في بطني في كل مكان حتى من عند المعدة فعلا ترهل بطني بشع بس الحمدلله



امين ياميمونة عقبال ماتزبطي نفسك انتي كمان وندخل نباركلك اللوك الجديد




امين يانبض ويسعدك ويسعد قلبك حبيبتي وعقبال مانباركلك انتي كمان

[ام البنين]

ماشاء الله تبارك الله
اسبوع واحد التعب وبدا يخف عليك كثير
امممم
كيف الحركه معاكي والمشي وكذا؟؟؟؟

ايش احساسك بنفسك الحين بعد ماخف التعب؟

[نـــــورة]

اجر وعافية يارب

واما كيف عرفت ان حشوتك القديمة موية وملح انا قد سألتك عنها

لان لي فترة جدا كبيرة ابحث يمين ويسار علشان عملية الصدر والله يسهل اموري واصلحها

طيب بسألك ياقمر

تحسين ايش الافضل موية وملح والا سيليكون جيل من تجربتك الشخصية؟ ادري توك لكن

انا قريت الفرق من النت لكن ابي انطباعك انتي مبدئيا

موفقه يارب

[sola]

ام البنين كيفك ياعيوني
الحمدلله انا كتير احسن ماشاءالله تبارك الله
بس المشي والنوم شوية متعب بس الحمدلله هانت

[sola]

نورة ياقلبي معليش شكلو تاثير البنج هههههههههههههههههههههه
نسيت اني انا الي قلت

بالنسبة ايش افضل مااعرف والله بس انا افضل الموية والملح لانه اامن اما ايش افضل لسة مرة مااقدر احكم بس ماشاءالله الشكل احلى دحين بس لما اعرف الفرق اكيد حااخبركم

الله ييسرلك ياقلبي ويسهلك امورك وبالتوفيق

[بحرينيه]

الف الحمدلله ع السلامه

قريت موضوعج كامل بحكم اني بجرب ;)

ويلا متابعه ومعاكم تفيدوني ان شاء الله

والحمدلله على السلامه مرة ثانية حبيبتي

[sola]

بحرينية تسلمي عيوني ويعطيكي العافية سرني مرورك الكريم

[لاشيء]

ماشاء الله تبارك الله غزال والشر زال انشاء الله الله يقومك بالعافيه بس حبيت اسلم واتطمن عليك دمتي بحفظ الله

[sola]

لاشيء ربي يسعدك عجبتني غزال والشر زال
بس لاغزال ولاشي تصدقي اني لسة دبة من تحت وماتتخيلي قد ايش مضايقة انو لسة بطني لينة من النص من عند السرة عشان كان لازم تنشد طولي بس انا مارضيت والدكتور قلي حيكون تشويه مو تجميل يعني لسة في جلد زايد من فوق حق المعدة والله مرة شي يزعل ويضايق ماحااعرف اشوف بطني لاصقة في ظهري الحمدلله بس


المهم انا في حالة طفاسة حلويات ومعمول والذي منه مرة عندي ضيقة وزعلانة على نفسي كتير بسبب بطني بس عزايا انو الترهل الي في البطن من تحت اختفى وطبعا كان بشع



الحمدلله كما ينبغي لجلال وجهه وعظيم سلطانه

[غنوجة]

٨
٨
٨


انتي ركزي علي منطقه وحده بس لاتشتتين نفسك با اكثر من مكان
ولاتحكمين من هلحين ابدااااا خصوصا مع السمارت لايبو
هذا النوع من الشفط يحتاج وقت عشان تبان نتيجته
انا توي الان وبعد ٣ اسابيع احس يدي بدت تتشكل ماشاءالله
ولا اول فلم رعب
ولاتكلين حلو حافظي علي وزنك لان بعد الشفط الدهون تترسب بشكل مضااعف
صبرك علي نفسك ولاصبر الناس عليك ياقلبي <<< ما ادري وش دخله با الموضوع ؟؟؟
هونيها وتهون

[دلوول]

حمد الله على السلامه

منو دكتورج سولا واللي يعافيج

[بئر الأسرار]

كيف حالك سولا الحين ؟
تقدري تمشي عدل ؟
وكيف تحكمي على الخياطه رفييييعه جدا كأنها خيط ومرتبه
ولا متعرجه الخياطه وحالتها حاله ؟

[sola]

دلول الله يسلمك ويسلم قلبك

دكتوري ممدوح عشي






بئر الاسرار الحمدلله ياقلبي انا احسن كتير وكل مالي في تحسن مشيتي بطيئة وفيها انحناء بسيط على قدام لما امشي
بالنسبة للخياطة انا شايفتها رفيعة خط رفيع مرة والحمدلله مافي تعرج ولاكرمشة

[sola]

مساؤكم ورد وفل وياسمين

اليوم كنت بااطالع في نفسي في المراية قبل ماادخل المنتدى
واتذكرت انو في عملية تجميل مااتكلمت عنها مااعرف ليه نسيتها من ضمن التزبيطات الي بااعملها في نفسي

عملت قبل شهرين عملية تجميل للانف

ماشاءالله ناجحة وعملتها عند الدكتور بشار البزرة
كلفتني 10000 مع الادوية وكل شي
طبعا سبب عمليتي كان انو من زمان انا خشمي كبير بس ماوضح وبان انو كبير ومعووج الا لما وجهي نحف سار مضايقني ومهما عملت مكياج او عملت تصغير للانف بالمكياج مااشوفو يصغر

روحت للدكتور بشار البزرة وقلتلو بعد شهر اعمل العملية وروحتلو شهر مارس
والان بعد شهرين صراحة سار احلى واخد على وجههي بس عندي مشكلة بسيطة انو انا كان نفسي الدكتور يصغرلي فتحات الانف اكتر فقلي تعاليلي بعد 6اشهر من العملية واذا تبغي نصغرها اكتر نصغرها طبعا بدون ماادفع شي لانو ليا حق التعديل

[sola]

طبعا يوم العملية انا كنت متوترة وخايفة من كذا شي من البنج الموضعي لانو خايفة احس بشي <<<<<هبلة

ومن الالم لما يفك البنج


ومن انو الشكل يطلع مو حلو ويسير تشويه


استخرت الله كذا مرة وروحت واتسهلت سبحان الله
قبل العملية يوروكي ايش التمارين الي المفروض تعمليها بعد العملية
وبعدين روحت فوق سرير وجات الممرضة قصقصت الشعر الي في خشمي<<<<<<الله يقرفك
ونظفت الانف وبعدين حطت مادة مطهرة مع بنج في قطنة طويلة وحشرتها في انفي الين فوق من الجهتين يالله هذا كان اسوا مقطع يوم العملية شعور مؤلم وسيء

قبلها الدكتور حطط على الانف والمطلوب كالاتي:
برد العظمتين من الاعلى
تصغير ارنبة الانف
نصغير فتحات الانف
برد نتود العظمة من الانف من الامام
تعديل الميلان

دخلت غرفة العمليات وسالني دكتور البنج تبغي تنامي ولاتفضلي صاحية قلتلو لا ابغا انام عشان مااحس بشي حولي مع انو ماحااحس وفي بنج موضعي بس غمضولي عيني بلصق وثبتولي راسي في السرير وبدا الدكتور بشار يحفر ويبرد ويتفنن
وفتحت عيني كان في جبيرة فوق الانف يالله علي ثقل راسي والجبيرة مثقلة وجهي


وطلعت تاني يوم الظهر وقعدت اسبوع بالجبيرة وفكيتها
وبعد كدا سرت اسوي التمارين الي علموني هي والحمدلله كل شي تمام بس طبعا لسة في غرز جوا ماطاحت المفروض انو كل يوم احط كريم فوسيدين بس انا مهملة مابااحط بسبب اني انشغلت في عملية بطني وانا للاسف مهملة طبعا وانا بااقكم القصة اتذكرت انو لازم ابدا اخد الفيتامينات والادوية حقتي لانو ليا فترة مطنشة


وفي النهاية
اعتذر على سردي الغير منظم بس انا مااعرف احكي قصص كل مافي الامر حبيت اشارككم تجربتي
وبالتوفيق للجميع

[هيام]

سولا
كيفك ياعسل
مدري ايش حنسوي في نفسنا في النهاية قصقصة وشد وطفش من جد

[ام البنين]

الله ... اول مره اسمع عن عمليه تصغير انف بنج موضعي

صراحه انا نفسي اسوي خشمي بس مره استصعبتها

[ميمونه]

ماشاء الله تبارك الله
تتهني بالشكل الجديد ياسولا
الف الف مبروك وربنا يحفظك

[ضوى]

الحمدلله على سلامتك

[نبض المشاعر]

هلا والله بالغلا سولا شخبارج ياقلبي

الحمد لله انها تسهلت لج
وعمليات الوجه وبالذات الانف تحتاج الى دقه متناهيه
الله ييسر لج يارب كل امورج
انا بعدي مافكرت بالانف
بس كل يوم يطلع في مخي شغله جديدة
والله مو عارفه اش باسوي واش باخلى هههههههههههههه

[sola]

هلا بهيومتي كيفك ياقمر فينك غاطسة

ام البنين اصلا عمليات النف تتعمل ببنج موضعي سويها ترا ماهي ببديك الصعوبة

ضوى الله يسلمك عيوني



نبوضة الحمدلله ياقلبي ماشاءالله من جد خشمي فرق واحلى بكتير بس كان نفسي يصغر اكتر<<<<<<طماعة

وليش ياقلبي سوي كل الي في نفسك بس المشكلة احنا مستعجلين انا عن نفسي ابغا كل شي مع بعض


انتي دخلتي في راسي فكرة زرع الشعر شعري مرة خفيف

[قلب وردي]

sola

انا عندي انفي لما اوقف على جنب يصير مقوس
وافكر اسوي له عمليه
ياليت تخبريني عند مين سويتيها وكم التكلفه
وكم الممده اللي ظلت الجبيره عليها

وكم الفتره علشان يرجع كلشي طبيعي اقصد بدون ما احط لزق ويلاحظون الناس

[بنفســـــج]

هلا اخواتي ربي يوفقكم

يريت تنتبهون , عمليات تصحيح شكل الأنف بدون سبب طبّي ما تجوز شرعاً لأنها تغيير في خلق الله

لكن لو في انحراف يأثر في التنفس او امور طبية اخرى مافي بأس من عمليات تجميل الأنف

[غنوجة]

حركااات ياسولا
الحمد الله علي سلامتك للمره الثالثه
تيب ليش سويتها عن البزره مش عند عشي ؟؟؟؟
كمان عشي شغله با الانف كويس (يقولوا ما ادري )

[sola]

انا عندي انفي لما اوقف على جنب يصير مقوس
وافكر اسوي له عمليه
ياليت تخبريني عند مين سويتيها وكم التكلفه
وكم الممده اللي ظلت الجبيره عليها

وكم الفتره علشان يرجع كلشي طبيعي اقصد بدون ما احط لزق ويلاحظون الناس







ياعيوني انا سويتها عند الدكتور بشار البزرة في مركز النخيل الدور الاخير عيادة المحترفون

عملي هي ب 10000 بالادوية وبكل شي

الجبيرة جلست بيها اسبوع وفكيتها بعدين وجلست بدون لصق بس في الغرز لسة بعدها بااسبوعين فكيت الغرز الي برا بس جوا لا الي الان موجودة تطيح لوحدها وعندي موعد عند الدكتور بشار يوم 21 مايو مراجعة يشوف الغرز الداخلية وانشاءالله اخبركم بالنتايج
بس طبعا الجبيرة واللصق تختلف من شخص لاخر
وبالتوفيق عيوني

[sola]

الله يسلمك غنوجة حبيبتي من كل شر
الصراحة انا استخرت وروحت لدكتور ممدوح وبعدها روحت للدكتور بشار البزرة والاتنين قالولي نفس الكلام بس الدكتور ممدوح مو هذا تخصصه وانا خشمي مو سهل والصراحة هو يبدأ ب 12000 والاهم من دا كله انا ارتحت لدكتور بشار اكتر لانو تخصصه ويمكن الانف الشي الوحيد الي ماانصح احد يروح للدكتور ممدوح فيه مايزبطو كتير الا اذا كان المطلوب شي بسيط

[بنت النسيان]

ألف لاباس ياأختي عليك الحمدلله على السلامه وعقبالي يارب

[غنوجة]

اليوم يابطله بتكملين اسبوعين
هاااا كيف المعنويات ؟؟؟
اكيد مو كويسه خخخخخخخخخ
امزح اكيد هلحين احسن

[نـــــورة]

مساؤكم ورد وفل وياسمين

اليوم كنت بااطالع في نفسي في المراية قبل ماادخل المنتدى
واتذكرت انو في عملية تجميل مااتكلمت عنها مااعرف ليه نسيتها من ضمن التزبيطات الي بااعملها في نفسي

عملت قبل شهرين عملية تجميل للانف

ماشاءالله ناجحة وعملتها عند الدكتور بشار البزرة
كلفتني 10000 مع الادوية وكل شي
طبعا سبب عمليتي كان انو من زمان انا خشمي كبير بس ماوضح وبان انو كبير ومعووج الا لما وجهي نحف سار مضايقني ومهما عملت مكياج او عملت تصغير للانف بالمكياج مااشوفو يصغر

روحت للدكتور بشار البزرة وقلتلو بعد شهر اعمل العملية وروحتلو شهر مارس
والان بعد شهرين صراحة سار احلى واخد على وجههي بس عندي مشكلة بسيطة انو انا كان نفسي الدكتور يصغرلي فتحات الانف اكتر فقلي تعاليلي بعد 6اشهر من العملية واذا تبغي نصغرها اكتر نصغرها طبعا بدون ماادفع شي لانو ليا حق التعديل




الف الحمد لله على السلامة

وش بعد مسويه سولا منفخه خدود شفايف؟ رافعه حواجب؟

طلعي .....وش بعد عندك؟؟؟

تصدقين انا نفسي ارفع انفي شوي بس والا كحجم وشكل الحمدلله



بصراحة احس صار فينا هوس (ادمان) عمليات!!

الله يجملنا بطاعته

[sola]

الف الحمد لله على السلامة

وش بعد مسويه سولا منفخه خدود شفايف؟ رافعه حواجب؟

طلعي .....وش بعد عندك؟؟؟

تصدقين انا نفسي ارفع انفي شوي بس والا كحجم وشكل الحمدلله



بصراحة احس صار فينا هوس (ادمان) عمليات!!

الله يجملنا بطاعته



هههههههههههههههههههههههههههههههههههههههه
ضحكتيني ربي يسعدك نورة
لا بس كدا خلاص بس علي قولك ساير عندي هوس ونفسي انفخ خدودي الصراحة بس ماادري متي

[sola]

غنوجة ياقلبي ايوا الحمدلله خلصت اسبوعين والحمدلله كتير احسن وسرت امشي افضل بس طبعا ماامشي بسرعة ضهري الي ماني قادرة امشي مرة مستقيمة مااعرف ليه هو عادي ولالا

مراجعتي يوم الخميس عند الدكتور ممدوح وانشاءالله اطمن واطمنكم


امس روحت غيرت

والثلاثاء انشاءالله حااروح اغير

[بنفســـــج]

لا تحاتين حبيبتي عادي , نصب الظهر ياخذ من اسبوعين ليما 3 اسابيع

بس انتي شوي شوي حاولي تنصبين ظهرج ,, بدون ما تشدّين على نفسج , لكن راح تشوفين انه جلد ومشدود ,,

السالفة تصيّر تعوّد انحناء وتحسين جرحج كإنه راح ينفتح لو نصبتي ظهرج لكن حاولي على خفيف وكل يوم زيدي انتصابج أكثر

[المهااة]

آيييييييييييييييييييييييييييييييييييييييييييييي آآآآآآآآآآآآآآآيييييييييييييييييييييييييييييييييي


والله خوفتيني قبل اسوي العمليه اكره الالم اكره الالم وبعدين ايش الدبره حسستيني كانو جمر داخل بطني والله وانتي توصفي الالم حسستيني بيه احس الان كنو جمر في بطني قبل اقصه

بالنسبه لعملية الانف انا سويتها عند بشار البزره وصار لي الان سنتين الحمدلله تو الي راح التورم تماما كان انفي عريض وصغره وطلع حلو بس الي لاحظتو انو حطلي غظروف صناعي ماني عارفه كيف اوصف مكانو الي بين العيون المنطقه المنخفظه هذي ؟؟فهمتوني انا ماني عارفه ايش الحكايه بعد ماتميت سنتين لما ادقق بشده بانفي كني اشوف انخفاض بهذي المنطقه زي الخفس البسيط

الي يشوفني من بعيد تبان حواجبي كنها مقرونه بس لما اقرب يروح الانخفاض ماني عارف ايش السبب

الدكتور حقن لي كولاجين بهاي المنطقه هل يكون هذا كولاجين بعد مراح مفعوله بانت المنطقه كنها مخفوسه اولا ؟؟ياريت يكون السبب كولاجين انا خايفه لايكون الغضروف السبب لاني سمعت انو بشار يضع غضاريف صناعيه خايسه صناعتها اي كلام ؟؟؟؟؟؟؟؟؟لكن الامور تمام ماعندي اي مشكله بالتنفس او حساسيه ماعندي غير هالمشكله ياليت احد يشرح لي ايش يكون السبب

راجعت الدكتور ما استقبلني استقبلتني وحده سوريه كبيره بالسن قالتلي مافيكي شي شكلك حلو وورتني صورتي قبل الله لايوريكم بغيت اخذ الصوره واحرقها من شين انفي فرق عن اول كثير

[بئر الأسرار]

تحسي بألم في ظهرك ؟ ما سألتي الدكتور من ايش يجي هالالم ؟

[نـــــورة]

ذكرتيني بالقيصريه

بس حبيبتي حاولي تفردين نفسك وانتي واقفه شوي شوي وبعدين بيصير عادي

وماعليك الا العافية يارب

[sola]

بنفسوجة صح كلامك لما ارفع ظهري احس الجرح ينشد فيمكن اتعودت على الانحناء عشان لاينشد الجرح وكمان احس صدري يالمني لما ارفع نفسي بس الحمدلله مو كتير





المها ياقلبي سلامتك من الالم صراحة من جد تعبت هذا وانا مجربة الم الولادة القيصرية ماشادالله مرتين والله بالنسبة ليا المرتين بهذه المرة

بالنسبة للانف كان لما روحتي قلتيلهم انا ابغا اقابل دكتوري ماابغا احد تاني يشوفني
حتي انا هذه لما تجيني اقلها ابغا الدكتور واضطر استناه كتير عشان يشوفني

[sola]

بئر الاسرا الم الظهر الي عندي بسبب انحناء الظهر من كتر ماامشي وانا تانية ظهري

[sola]

نورة ياريت الالم كان زي القيصري بس الحمدلله
الله يعافيكي عيوني

[ام البنين]

سولا انتي الان ف جده ولا تروحي وتجي على جده ولا ايش الهرجه؟؟؟

[sola]

لا الان في جدة الين تنتهي مواعيدي
لانه عندي موعد مع الدكتور ممدوح وبعده بكم يوم مع دكتور بشار البزرة حق الانف
وبعدها مع دكتور اسامة مرشد عندي تحاليل في الملك فهد

فجالسة في جدة الين اخلص التزاماتي

[بئر الأسرار]

كيف حالك سولا ؟ اخبارك يا قلبي ؟
انتي للحين تروحين للدكتور ممدوح تغيرين ضماد للجرح ؟
مو الغيار بس اول اسبوع ؟

[sola]

بئر الاسرار الحمدلله ياقلبي انا طيبة بخير ياعيوني تسلمي على سؤالك
ايوا انا بااروح اغير كل 3 ايام بس الحمدلله انا الان شلت الشاش وبس حاطة لصق السبيكون الي في فيتامين e

[sola]

قلي الدكتور انو افضل من القديم
والحمدلله مشيتي اتحسنت وفصفصولي الخيوط الزايدة والحمدلله انا احسن كثير والصدر شكله رااائع ماشاءاله

[تعبت اعاني]

حمدالله علي سلامتك سولا والله دوبي شايفه موضوعك وقريته كله
ماتشوفي شر ياحلوه وانشالله تتمتعي برشاقتك وتنسي كل الالم
بسم ىالله ماشالله ولا اله الله
الله يحفظك
وعقبالنا يارب
موفقه بإذن الله ... لك مني أجمل تحية .

[بئر الأسرار]

سولا الدكتور بكم سوالك البطن والصدر ؟
ولصق السيلكون بعد كم يوم نصحك الدكتور تحطيه وما نصحك بمرهم ثاني للاثار ؟

[غنوجة]

ماشاء الله بديتي بلصق السليكون من الان ؟؟؟
ما ادري ليش انا ميته ماعملت ولاشي الى الان
طيب ايش اسمها ؟؟؟؟؟؟؟ لاني ضيعت الورقه الي اعطاني الدكتور *
خلاص بروح اليوم اشتريها وبا المره بكلم الدكتور مدوح اشوف وش رايه

[ام البنين]

ماشاء الله تبارك الله

سولا ماوزنتي بعد العملية؟؟

[لولو_نايت]

الحمد الله على السلامه وما تشوفى شر حببتى : انا سويت شدالبطن مع شفط وتصحيح العضلات من شهر واسبوع ولس فى نفخه :
سويته عند : د. محمد عيد فى عيد كلينك خايفه من النفخه .
بنات مين سوت عند محمد عيد وكانت النتجة تمام

[لولو_نايت]

مرحبا بنات كيف حالكم تمام . الدكتور محمد عيد وصفلى كريم تجميلى مثل لصقات السلكون
لاثار الجرح اسمه . spectra gel . احد استخدمو وجاب معه نتيجه .

[sola]

امين يارب تسلميلي تعبت اعاني ويارب تفرحي انتي كمان برشاقتك

[sola]

حبيبتي بئر الاسرار انا عملت تصحيح للصدر وشد للبطن ب ٢٠٠٠٠
ومانصحني الا باللصق

[sola]

ام البنين لما وزنت كان 69
والان 65.9

[sola]

ماشاء الله بديتي بلصق السليكون من الان ؟؟؟
ما ادري ليش انا ميته ماعملت ولاشي الى الان
طيب ايش اسمها ؟؟؟؟؟؟؟ لاني ضيعت الورقه الي اعطاني الدكتور *
خلاص بروح اليوم اشتريها وبا المره بكلم الدكتور مدوح اشوف وش رايه




softscar
لا ياغنوجة ترا من جد مهمة عشان الاثر ربنا معاكي عيني

[sola]

لولوـنايت الحمدلله على السلامة
اما النفخة فلسة موجودة الى الان

[بئر الأسرار]

لولو نايت spectra gel قرأت عنه انه ممتاز جدا للاثار ودام الدكتور وصفلك اياه جربيه يمكن ينفع !!
سولا كيف حالك الحين عساكِ بخير ؟ تقدري تمشي الحين تمام ولا لسى ؟
امممم النفخه ما تجي الا مع الشفط صح ؟ طيب هيا تجي فوق السره ولا تحت السره ؟
وبغيت اسالك اذا ما فيها احراج تقوليلي على شكل السره سوى شكلها زي اللوزه يعني طويله ولا دائريه وباينه خياطتها والدكتور خيرك فيها ولا لأ؟

[sola]

بئر الاسرار تسال عليكي العافية عيوني
انا الحمدلله بخير وباامشي عادي وصح النفخة من الشفط وتجي فوق السرة
ولا ياعيني مافيها احراج انا سرتي مااتفقت معاه على شي بس هو قلي انها سرتي يعني ماركبلي سرة جديدة وشكلها دائري رجعها زي سرتي وانا بنت لسة قبل الحمل والولادة ماشاءالله حلوة والاثر انشاءالله يخف لانو خف كتير

[بئر الأسرار]

السلام عليكم
كيف حالك سولا الحين ؟ شخبارك ؟
عندي سؤال
الحين ما شاء الله لكِ فتره مسويه العمليه
ايش ملاحظتك على العمليه ؟ يعني ايش تشوفي محاسنها ومساوئها ؟
ايش اللي تعبك اكثر شي وايش اللي مبسوطه منه اكثر شي ؟

[قمرية مكة]

كيفك يا سولا ؟ إن شاء تكوني بخير .

ها كيف نتائج عمليتك ؟ إن شاء الله تكوني راضية عنها .

[sola]

بئر الاسرار
قمرية مكة
ربي مايحرمني ن سؤالكم عني
الحمدلله انا احسن وفرحانة بالنتيحة بس منغص عليا الجلد الي حولين السرة لسة لين وماقدر الدكتور يشدو كان لازم جرح طولي طبعا اشياذي وسعت عليا برغم اني تقريبا نفس الوزن بس عشان البطن مافي الحمدلله

[ام البنين]

الله ونااااااااااااااااسه عقبالي يارب
الله يتمم لك ان شاء الله...

ايش باقي لك مراجعات ؟

[بئر الأسرار]

مساء الخير حبيبتي سولا كيف حالك ان شاء الله تمام؟
بغيت اسألك
الدكتور ممدوح اعطاكِ مشد من عنده؟
اذكر انك قلتي اشتريتي واحد ثاني من عند نعومي
هو احسن من اللي اعطاكِ إياه الدكتور ؟ طيب اي فرع وبكم اخذتيه ؟ وعندهم انواع مشدات مثلاَ لليد وكذا ؟

[sola]

حبيبتي بئر الاسرار هو مو ناحية احسن بس هو سار واسع الس اعطاني اياه الدكتور ومشداتهم غالية لو ابغا اخد من عندهم فااشتريت من عند نعومي ووريتهم اياه وقالولي كويس ودحين بعد المراجعة حااسالو اذا يبغالي اضيق حااشتري واحد اصغر


وبالنسبة للمشدات التانية مااظن عند نعومي بس البطن والفخذ مافي لليد مااعتقد



اخذت المشد من فرع التحلية سنتر كان اظن مو متاكدة بــــــ 139 ريال



وانشاءالله اذا رجعت من موعد يوم الثلاثاء اوافيكم بالاخبار الجديدة

[لولو_نايت]

بنات حبيت افيدكم عن المشدات : فى محل فى جده بشارع خالد بن الوليد بحي الشرفيه اسم المحل
مساس عندو مشدات روعه اشكال مره حلوه واسعاره ارخص من المستشفيات والمراكز التجميل

[بئر الأسرار]

مشكوره لولو نايت على الافاده الله لا يحرمنا منكم
سولا كيف حالك ؟ انتي كانت عنك نفخه في البطن وتحسيها مبنجه ؟ طيب متى راحت ؟

[sola]

ازيكو ياحبايبي
الاسبوع الي فات روحت عند الدكتور ممدوح بس ليا كم يوم النت مرة معصبني ومودي مو مزبوط فما كتبت شي
المهم الدكتور قلي امورك طيبة واستمري علي المشد واعطاني كريم لاسمرار الركب والاكواع
وقلي انوجرح صدري اليسار لسة في مناطق مانشفت ولازم لما استحما ادعك المنطقة كويس عشان الاشياء الناشفة تخرج وبعدين اروحلو عشان الليزر
المهم انا شايفة للاسف انو عندي كرشة بس مرة صغيرة بس مضايقتني

وفوق جرح الطن من اليسار في شي بارز شوية قلي اذا ماراحت بعد شهر يشفطها ببنج موضعي
هذه اخر الاخبار ودمتم احبتي بخير

[بئر الأسرار]

ما شاء الله على البركه سولا بس ما قولتيلي متى ربطتي المشد على بطنك طيب ما يأذي الجرح ويعرض؟ و بكم يسوي جلسة الليزر للبطن؟

[لولو_نايت]

مرحبا بنات : لا تزعلى سولا حببتى ان عاملى العملية قريب شهرين ولس فى نفخه من فوق السره من تحت اسره : والدكتور عيد يقول النتجه النهائيه بعد ثلاثه شهور وفى تنميل بعض الأحيان .
بس حبات استفسر منك الله يسعدك عن الليزر اتكلمى عنو بتفصيل شوى عشان نستفيد . نويه اعمل ليزر بس مانى عارفى اروح فين لانو نفسى قفلت عن عيد كلينك . الله لا يحرمك الأجر .

[قمرية مكة]

قرأت قصتك من الأول للأخر حتى أستفيد منها ، لأنني أفكر أعمل عند د/ ممدوح الذراعين وشد الصدر .

وحمداً لله على سلامتك أولا ًوأخيراً وربي يتمملك بالصحة والعافية ، وتفرحي بالنتيجة .

[sola]

آميييين قمرية مكة الله يسهلك وييسرلك امورك ويختارلك الخير وتسويها وتكوني راضية بالنتايج

[sola]

بئر الاسرا حبيبتي انا المشد من يوم ماخرجت من العملية

لولو نايت انا لسة ماسويت جلسة الليزر

[غنوجة]

سولا

تكلفه العمليه شامله جلسة ليزر صح ؟؟؟؟؟؟؟؟؟؟
ما ادري وين قريت ها الكلام ؟؟؟؟؟؟؟؟
امممممممم طيب هذا الليزر كم جلسه عاده ؟؟؟؟؟؟
وهل الدكتور ممدوح هو الي يعملها بنفسه او وحده من البنات هناك ؟؟؟؟؟؟؟؟

[sola]

غنوجة حبيبتي ايوا شاملة تكلفة العملية
وبالنسبة مين الي يعملو لما كان في عيد كلينك الدكتور ممدوخ سوالي بنفسه الليزر وقت عملية صدري الاولى


اما عن عدد الجلسات فكانت واحدة مرة هذا بالنسبة لصدري ماادي الباقي كم جلسة

[ام البنين]

يوووه مرررره قلق المسأله

مدري ليش بديت احس باحباط

[prettysoulful]

يعطيك العافيه
قريت كل الردود ومره مره تحمست بس خفت من الأنابيب واكياس تصريف!!
احترت من كلامك من ناحية نوع الحشوه ان الملح كويس طيب ليش غيرتيها لسيليكون وايش الفرق بين الثنين من ناحية الشكل والملمس والألم؟؟

[sola]

ام البنين ليش الاحباط ياقلبي الله ييسر امورك

pretty ليش احترتي انا اول مرة حطلي موية وملح عشان كان يبغا يحقن الين مايشوف انو كفاية ويقفل الجرح المرة التانية كنت اقدر اختار فهو قلي انو في نوع جل سليكون كويس وانا اثق في كلامه فحطيت الي هوا قلي عليه
والله يختارلك الخير

[ام البنين]

الاحباط عشان روحي وتعالي.. روحي وتعالي
لسه ليزر لسه اثر لسه انتفاخ مره اشياء كثير

[قمرية مكة]

يا بنات هونوها تهون ترى كله يهون في سبيل الرشاقة والقوام الممشوق ، لا إحباط ولا شيء هي فترة وتعدي ونفرح إن شاء الله بالنتائج .

[pure soul]

اهلاً أختي سولا

الحمدلله على سلامتك وربي يسعدك بالنتائج اللي ترضيكِ

استفسار بعد اذنك.. مر على اجرائك عملييتي الصدر وشد البطن حوالي شهر ونصف .. كيف تشعرين بالنتائج الآن من حيث الحركة والأثر وشكل البطن والصدر؟

طلب.. اتمنى أن تطلعي على رسالة في الخاص

حفظك ربي ووفقك لكل خير

شاكرة وممتنة

[عصريه]

مبيروووووووووووووووك

[لولو_نايت]

السلام عليكم ورحمة الله وبركاته ..............كيف حالك أن شاء الله أمورك تمام .طمننى عنك ...
ننتظرك.......................

[متفائله]

ماشاء الله تبارك الله
قرأت كل الصفحات كاملة .. رائعة في سرد تجربتك وتجاوبك مع الأخوات ..
أهنئك ع الإنجاز العظيم الله يتمم لك دائماً وأبداً بكل صحة وعافيـة يارب..
والف مبروك حبيبتي .. هم وإنزاح والباقي سهل إن شاء الله ..
يحتاج شوية مواظبةة وصبر .. لكن شيء مقدور عليه وما منه خوف ..
الله يسهل لك كل أمورك وتفرحي طول العمر يآرب ..

[sola]

ياعيوني انتي يامتفائلة تسلميلي ياغالية والله ييسرلك انتي كل عسير والله ليا كل الشرف انك قريتي موضوعي ربي يسعدك ومايضيع تعبك ويحققلك ماتتمني

[sola]

ماعندي اي جديد المفروض اروح للذكتور يعملي الليزر وللاسف نسيت اسالو هل احتاج اعمل مساج للصدر ولالا مرة مكسلة ونفسيتي مو حلوة ووزني بيزيد وينقص

[غنوجة]

عملتي ليزر ولا لسى ؟؟؟؟؟؟؟؟
ليش ياقلبي نفسيتك مش حلوه ؟؟؟؟
الحمد الله امورك طيبه بإذن الله

[ام ثموري]

الحمدلله على سلاااااااااااامتك سولا

ماشاء الله عليك بديتي الخطوات


يالله ننتظر تجربتك يا قمر


الله يسهل لك يارب ويهون عليك الامك ...
الله يهنيك بالشكل الجديد وعقبالنا ان شاء الله

[sola]

ام ثموري تسلمي ياقلبي ويهنيكي انشاءالله



غنوجة نفسيتي عشان ظروف خاصة +انو عملية بطني ماني حاستها تمام وعندي معدة تقريبا مترهلة وبطني من تحت منفوخة شوية وربي يسعدك وربي مايحرمني من سؤالك

[قمرية مكة]

ام ثموري تسلمي ياقلبي ويهنيكي انشاءالله



غنوجة نفسيتي عشان ظروف خاصة +انو عملية بطني ماني حاستها تمام وعندي معدة تقريبا مترهلة وبطني من تحت منفوخة شوية وربي يسعدك وربي مايحرمني من سؤالك


أختي سولا هل داومتي على لبس المشد أم لا ؟؟؟
لأن لبسه مهم جداً جداً في الشهرين الأولى وحاولي تلبسيه بعدذلك بين الحين والحين كما أسمع .
والله ييسر أمرك وحاولي التغلب عليها أعملي مثلي أحاااول قدر الإمكان قهر الحزن .

[sola]

قمرية والله مو داومت انا ماافسخ المشد اصلا بس الشهر هذا نادرا ماالبسه
وانشاءالله خير