هنا نستقبل اسئلتكم عن الرياضة واللياقة البدنية مع الكابتن وليد الصقري - الجزء2

[الامل المشرق]

أخواتي وإخواني أعضاء وزوار وإداريي
منتديات بدانة كلينك

السلام عليكم ورحمة الله وبركاته

نرحب بكم جميعا أجمل ترحيب
وضمن التطورات المتجددة في منتدانا

تتشرف إدارة المنتدى
نيابة عن الدكتور سلطان التمياط

باستضافة
الكابتن وليد الصقري
مدرب اللياقة بصالة الجسم الأنيق ببريدة

وذلك للإجابة على جميع
اسئلتكم واستفساراتكم
حوال اللياقة البدنية
والترهلات وعلاجها
وانواع الرياضة المناسبة والعلاج الطبيعي
وجميع الجوانب المتعلقة بها

وسوف يفتح المجال لكم
لطرح كل ما يخطر على بالكم
من أسئلة واستفسارات

وسوف يقوم بعدها ضيفنا الكريم
بإذنه تعالى بالإجابة عليها
بطريقة مختلفة عن الجزء الأول من الاسئلة

في هذا الجزء وحسب الاتفاق مع الكابتن وليد
سوف نعتمد على الجانب التطبيقي العملي

بمعنى أن السؤال يطرح من قبلكم
ثم يقوم الضيف الكريم
بعمل فيديو مرئي للحركة
المطلوبة تطبيقها
ويتم تحميلها عبر مركز تحميل الملفات
الى الموقع مباشرة

فباسمكم جميعا نرحب
بضيفنا الكريم الحبيب
الكابتن وليد الصقري

ونشكره جزيل الشكر على التواجد معنا
وأسأل الله تعالى أن يجزيه خير الجزاء
وأن يبارك له ربي في علمه وعمله

للاطلاع على الجزء الأول من الأسئلة
مع الكابتن وليد الصقري
http://www.temyatt.com/vb/showthread.php?t=19313

[om 3bood]

شـكــ وبارك الله فيك ـــرا لك ... لك مني أجمل تحية .

[الفرحان]

جزاك الله خيرا وبارك الله فيك
اخي الحبيب
كابتن وليد
وزادك الله حرصا وهدى وتوفيقا
واسأل الله ان لايحرمك الاجر والثواب
انه ولي ذلك والقادر عليه

اول سؤال اريد تمرينات لتقوية عضلات الظهر ؟

[بنفســـــج]

السلام عليكم
انا سعيدة بإستمرار الموضوع ,, الله يعينك علي اخوي وليد انا وراك وراك

===================

انا الحين عملت عملية شد لليدين من 10 ايام , طبعا ممنوع العب رياضة خلال هالفترة الدكتورة تقول شهرين ؟! صحيح ما يصير امارس التمارين الا بعد شهرين وإلا بس خوف دكاتره ؟!

من ناحية ثانية اليوم طلعت امشي لكن ما قدرت استمر اكثر من 7 دقايق , مو تعب لكن الم بإيدي وخدر مع اني حاولت ما احركها بالمشي , وهذه مشكلة

شلون احافظ على لياقتي خلال هالفترة ؟!

سوري على الازعاج

[om-abdullah]

هلا بأخونا الكابتن وليد و شكرا لك ابو احمد على البادرة الطيبة و كابتن وليد مكسب كبير بيننا و نود الاستفادة من خبرته

[منو999]

مرحبا الكابتن وليد كيف اقدر اشد يديني من دون ماسوي عمليه انا الحين مو مترهله بس خاف بعد العمليه يصير فيهم ترهل فاابغى اشدهم الحين وكمان الصدر والبطن

[اربع رشيقات]

السلام عليكم ورحمة الله وبركاته

لك مني جزيل الشكر يا اخي وليد على هذه المبادره


وسؤالي هو ان منطقة الذراعين(الزنود) ومنطقة اجناب الظهر لا أعرف ماذا تسمى لدي كبيره جدا ومرتكز فيهما الدهون

هل استطيع شدهم اثناء الحميه والرياضه من غير اللجوء إلى عمليه جراحيه؟؟

علماً بأن وزني الحالي ماشاء الله قرابة 140

ولك مني أجمل تحية...

[ام بنتها]

السلام عليكم

انا الحين مسويه نظام غذائي و مشتركه بنادي صحي اانا متني من فوق بالكتوف و الزنود و الظهر و عريضه من الأساس

اول ما اشتركت كنت امارس تمارين الأكوا يوميا و لمن رحت دكتورة التغذيه قالت لا تمارسين الا لمن تضعفين و يترهل جسمج لانهم يشدون و قالت الحين على المتن اذا مارستين يزيد عرضج و عظامج تكبر خرعتني صراحه لأني مو ناقصه بس هالمعلومه شااكه فيها لأني اسوي رياضه مو سباحه حره ولا فراشه عشان اعرض زياده قتلها هالشي قالت حتى التمارين بالماي تعرض
بتأكد منك على هالمعلومه لأن صارلي اسبوع مو طابه المسبح خايفه من اني اعرض زياده
هذا اهو أستفساري

و جدولي بالنادي مشي يوميا 40 دقيقه و اذا قدرت لي ساعه بس مو كل يوم و اوربتراك 15 دقيقه و اجهزة عامه لكل الجسم كل جهاز اقعد فيه نص دقيقه و على دورتين نفس اجهزة نادي كيرفز
هل هذا كافي عشان جسمي ما يترهل ؟؟ و خصوصا زنودي لأنهم حييييل كبااار


و اهم شي تمارين الأكوا ارجع لهم ولا لأ ؟؟

و السموحه على الطواله

[الكابتن وليد]

اقتباس: المشاركة الأصلية كتبت بواسطة ام بنتها     السلام عليكم انا الحين مسويه نظام غذائي و مشتركه بنادي صحي اانا متني من فوق بالكتوف و الزنود و الظهر و عريضه من الأساس اول ما اشتركت كنت امارس تمارين الأكوا يوميا و لمن رحت دكتورة التغذيه قالت لا تمارسين الا لمن تضعفين و يترهل جسمج لانهم يشدون و قالت الحين على المتن اذا مارستين يزيد عرضج و عظامج تكبر خرعتني صراحه لأني مو ناقصه بس هالمعلومه شااكه فيها لأني اسوي رياضه مو سباحه حره ولا فراشه عشان اعرض زياده قتلها هالشي قالت حتى التمارين بالماي تعرض بتأكد منك على هالمعلومه لأن صارلي اسبوع مو طابه المسبح خايفه من اني اعرض زياده هذا اهو أستفساري و جدولي بالنادي مشي يوميا 40 دقيقه و اذا قدرت لي ساعه بس مو كل يوم و اوربتراك 15 دقيقه و اجهزة عامه لكل الجسم كل جهاز اقعد فيه نص دقيقه و على دورتين نفس اجهزة نادي كيرفز هل هذا كافي عشان جسمي ما يترهل ؟؟ و خصوصا زنودي لأنهم حييييل كبااار و اهم شي تمارين الأكوا ارجع لهم ولا لأ ؟؟ و السموحه على الطواله

ما احب اعقدك بالجواب وادخل في شرح وتفاصيل
قاعدة امشي عليها
اي شي فيه حمل اوزان او مقاومة للجسم يزيد من الحجم العضلي بمقدار الوزن
اي تمرين هوائي من دون مقاومة للجسم يكون فيه حرق للجسم وكل مازادة السرعة زاد الحرق

اما الاكوا(الايروبك المائي)
اذا كانت الحركة سريعة فهي ممتازة للحرق ويفضل تحريك جميع اجزاء الجسم

[ام بنتها]

مشكووور كابتن على ردك و صراحه نبهتني و عقدتني شوي

يعني الحين الأجهزه الي قاعده ادور عليها ممكن تسبب لي عضل ؟؟ اهم نفس اجهزة هالنادي
http://www.curves.com/ يعني ما أسويهم أفضل ؟؟ كل جاز نص دقيقه و يعتمدون على الدفع و السحب

و الي فهمته انه الكلاسات ممتازه للحرق مثل البوكسنق - الأيروبكس - الستبس - البيلاتس واليوغا معني ما ادشهم الا اللهم اليوغا و احسه ما يحرق كثر ما يسوي سترشنق

رياضة الأكوا و انا امارسها احاول كثر ماا اقدر اني اكون سريعه بس مو وايد لأن الماي احسه وايد ثقيل و احس بضغط وانا احرك جسمي يعني التيار يكون ضدي - ماادري اذا فهمتني او لا

جهاز المشي اضل عليه و الأوربتراك نفس الشي و هالجهازين عندي اياهم بالبيت يعني اذا تعنيت الناديبس عشانهم احس بتأنيب ضمير لاني دافعه هالمبلغ الكبير حق اشتراك سنه عشان أجهزه عندي اياهم و المصيبه انه زوجي اهو الي مشركني لأنه يبيني أضعف و حرص علي ما تطلع لي اي عضلات و قالي المره حلاتها ناعمه و حيل متفشله منه

الحين اذا بدش الكلاسات جم كلاس باليوم و شنو الأول الأجهزه او الكلاسات ؟؟ انا الي اعرفه اني اذا دشيت كلاس اليوغا لازم ما استخدم بعده اي جهاز بس الباجي ماادري عنهم شي

عفيه فهمني عدل و قولي في الوقت الحالي لي شهر شنو الي استخدمه و شنو الي اوخر عنه لأني بديت اتحسف لأني اشتركت بالنادي لأني صج مو عارفه شسوي و احس روحي ضايعه

بأنتظارك كابتن و اعذرني شكلي بأذيك وايد